Koçberî: 30,000 Êraqî li kampa Holê ya Sûriyê ne

Wekîlê Wezareta Koç û Koçberan li Hikûmeta Federal Kerîm El-Nûrî piştrast kir ku wezaret beşdarî vegera aware û penaberên Êraqî bo malên xwe dike.

El Nûrî îro Çarşemê di hevpeyvînekê de ligel ajansa nûçeyan a Êraqî (WAI) got: “Mafê her Êraqiyek heye ku ji bo jiyan û paşerojeke baştir û mafê geştiyariyê hêvî bike, lê kesên ku Êraqiyan dixapînin  hene, bi taybetî Êraqiyên li Belarûs, ku çete û mafya hene ji bo qaçaxçîtiya xelkê bi koçberiya neyasayî û xistina wan ber bi xeta sînorî ku dirêjahiya wê 600 km di navbera Lîtvanya û Polonya de ye, û ti armanceke wan ji bilî derxistina pereyan nîne, û da zanîn ku "piraniya Êraqiyan niha di nav daristanan de di bin sermaya zêde de asê mane, lewra hikûmet hem li Moskow û hem jî li Polonya bi tundî tevdigere ji ber ku balyozxaneya Êraqê li Belarusê nîne."
Nûrî her wiha got, "Êraqê dest bi gavên erênî kiriye, di nav wan de rawestandina geştên asmanî bo Belarûs û guhertina geştên awarte ji Belarûs bo Bexdayê", û da zanîn ku "piraniya koçberên asê mane ku hatine vegerandin, 95% ji Herêma Kurdistanê ne."

Derbarê penaberên Êraqî yên li kampa Holê li Sûriyê, Nûrî got ku "kamp bi qasî 13 km dûrî Êraqê ye û têde 70 hezar kes ji hemû neteweyan di nav wan de 30 hezar Êraqî hene" û da zanîn ku "Êraq komîteyek ji ewlekariya niştimanî û Wezareta Koç û Koçberan ava kir, karî ewlehiya hin pêkhateyan kontrol bike, yên ku dixwazin vegerin welatê xwe ku gumana wan a ewlehiyê nîne.”
Wî berdewam kir: "Piştî koça yekem di sala 2014an de, ku mezintirîn koçberiya navxweyî ye piştî ketina DAIŞê, hejmara awareyan gihîşt 850 hezar malbatan li nêzîkî 170 kampan, û piştî hewlên hikûmetê, me karî 50 kampan bigrin. Tenê 26 kamp li Herêma Kurdistanê mane."


PUKmedia