Helebstvan Nuredîn Elî koça dawî kir

Helebstvan Nuredîn Elî koça dawî kir

Helebstvanê Rojavayê Kurdistanê ku xelkê Efrînê ye Nuredîn Elî, li welatê Almanyayê koça dawî kir.

Duh roja yekşemê 9-12-2018`an, li welatê Almanyayê, helbestvanê naskirî yê kurd Nuredîn Elî ku wek hemû kurdên ku ji ber neçariya rewşa heyî li Kurdistan û dagîrkirin û qirkirina gelê kurd berê xwe dabş Almanyayê, lê ji ber nexweşiya giran, duh jiyana xwe ji dest da.

Wek hat zanîn ku di rûpelên FACBOOKan de, bi wêne û helbestên nemir Nuredîn Elî tev hat xemlandin, çendîn nivîskar û helbestvan û rojnamevan û rewşenbîr û ronakbîrên kurd û ereb nêrînên xwe ên xemgînî derbirîne ku kesayetiyeke mezin û dilsoz ji dest dane.

Hêjayî gotinê ye ku nemir helbestvanê gelê kurd Nuredîn Elî jidayîkbûna sala 1968`an li herêma Efrînê ya Rojavayê Kurdistanê ye. Ji ber neliheviya rewşa giştî li Sûriye, ew neçarî koçberkirinê ber bi Ewropayê dibe, lê ji ber nexweşiyê, duh roja yekşemê 9-12-2018`an li welatê Almanyayê koça dawî kir.

Em jî wek stafa beşa kurmancî ya PUKmedia`yê, xemgîniya xwe bi malbat û dost û hevalên nemir Nuredîn Elî re parvedikin û daxwazkarin ji Yazdanê Mezin û Mîhreban ku dilovaniya xwe lê bike û bi beheşta xwe ya berîn şad bike.

PUKmedia