Zarokên Cizîrê xwe ji bo mîhrîcanê amade dikin

Zarokên Cizîrê xwe ji bo mîhrîcanê amade dikin

Komên dîlanên folklorîk, stran û şanoya zarokan ên herêma Cizîrê perwerdeyên xwe li navendên çand û hunerê zêde dikin da ku tev li Mîhrîcana 4`mîn a Hunera Zarokan bibin.

Bi sponseriya Desteya Çand û Hunerê Mîhrîcana 4`mîn a Zarokan li ser asta herêma Cizîrê dê di 1`ê Îlonê de were lidarxistin. Ji ber vê yekê komên zarokan li navendên çand û hunerê yên herêma Cizîrê amadekariyan dikin da ku tev li mîhrîcanê bibin.

Mîhrîcan dê di 1`ê Îlonê de dest pê bike û 9 rojan dê dewam bike. 6 rojên destpêkê dê li navenda Aram Tîgran a bajarokê Rimêlan a girêdayî kantona Qamişlo werin lidarxistin û 3 rojên din dê li Navenda Çand û Hunerê ya Serêkaniyê ya girêdayî kantona Hesekê bin.

PUKmedia-ANHA