Peyam û dirûşima lîsteya YNK`ê bi bi zeraveya Behdînanê
kurdistani 04:13 PM - 2018-04-21Peyam a lîsteya YNK`ê bi bi zeraveya Behdînanê
Ji bo dost û alîgirên Yekîtiya Nîştimanî ya Kurdistanê ku li devera Behdînanê ne, ev peyam û dirûşmên ku bi zeraveya Behdînanê hatine amadekirn, wek xwe ji xwendevanên PUKmedia`yê re diweşînin tako ji nêzîk ve peyam û dirûşmên Lîsteya 162 ya Mam Celal û Yekîtiya Nîştimanî ya Kurdsitanê bişopînin.
پەیام
ئەم درێژەپێدەرێن رێبازا ئێكەتیێ و مام جەلالینە. كارەساتا ئەم نەشكاندینە، ل سەركەفتنا ژی مەغرور نەبووینە، لەورا بەرامبەر پیلانێن نوكە هەر داستانا كەسكین.
بەرسینگگرتنا رۆژێن رەش و راگرتنا ئیرادا مللەتی، ناسناما مەیە. خزمەت و ئاڤەدانكرن رێكا مەیە. هەردەم ئەركێ مە گران بوویە، لەورا ئەم كەتین خەلەتیا و پاشی فێربووین.
د قوربانیدانێدا مە تەخسیری نەكرییە، مە لیستەكا خودان باوەری و نویبوون و گهورین هەیە. ئەم درژدین لسەر بجهئینانا دستوری و ماددێ "140" و بنەجهكرنا دیموكراسیێ و راكرنا دورپێچا ئابوری لسەر هەرێما كوردستانێ و دژایەتیكرنا شوفینییەت و تایفەگەریێ.ژبەر ڤێ هەمیێ دەنگێ خۆ بدە لیستا (162)...
(ی.ن.ك) یا رژدە لسەر زڤراندنا مافێن مەیێن نەتەوەیی و چارەسەرییا ئاشتیانە بۆ پارچێن دیێن كوردستانێ.
ئەم خاندنگەها مام جەلالینە، وەفادارێن شەهیداینە، پێشمەرگەهێن سەنگەرێن بەراهیێ ینە.
دا تیمەكێ ب هێز رەوانەی بەغدا بكەین بۆ بدەستڤەئینانا پاشەرۆژا خۆ، دەنگێ خۆ بدە لیستا (162).
بەرنامێ هەلبژارتنێن لیستا ئێكەتی نیشتمانی كوردستان ژمارە 162
پێشەكی :
دامەزراندنا سیستەمەكێ سیاسی ل سەر بنیاتێ هەلبژارتنێن ئازاد بەرهەمێ خەباتا ئێكەتی نیشتمانی كوردستان و حزبێن دییە، كو ب رەنگەكێ كارا پشكداربوون ل ژناڤبرنا رژێما بەرێ و دامەزراندنا دەولەتێ ل سەر بنەمایێ دیموكراسی دەستوری.
ئێكەتی نیشتمانی كوردستان ب رێبەرییا (مام جەلال) ی رولەكێ گرنگ و میحوەری د پروسا گوهوریناندا بەرەف دیموكراسی و دارێتنا بنەمایێن دەستوری یێن فرە سیاسی و فیدرالیزم و پێكڤە ژیانا ئاشتیانە دناڤبەرا نەتەوە و مەزههەب و ئاینان دا دیتی یە.
هەمی دزانن كو ئەڤرو عیراق و دەڤەر د رەوشەكا هەستیار دایە، لەورا هەبوونا تیمەكا ب هێز یا ئێكەتیێ د جڤاتا نوینەرێن عیراقێ دا ب پێدڤی دزانین داكو گەلێ كوردستانێ پشكداریەكا كاراتر بكەت ل دەربازكرنا عیراقێ ژ ئالوزیێن سیاسی، هەتا بزڤریتەڤە بو بنەمایێن دەستوری و تەوافقی یێن سیاسی و شەراكەتا راستەقینە،چونكی هەتا ئەڤرو حكمەتا فیدرال ل بەغدا ریزێ ل پلە و پێگەه و ئیستحقاقاتێن نەتەوەیێن گەلێ كورد وەك نەتەوەیا دوویێ ل عیراقێ نەگرتیە، دهەمان دەمدا بێ مننەت بوویە ژ جێبەجێكرنا ماددەیێ 140 یێ دەستوری، كو ئەركەكێ دەستوری و نیشتمانی و ئەخلاقی یێ حكومەتا فیدرالییە.
ئێكەتی نیشتمانی كوردستان خۆ ب خودانا ئەركێ خۆیێت دیروكی دزانیت كو ئەڤرو وەكو لایەنەكێ سەرەكی یێ پشكدارە د ئاڤادانكرنا عیراقا فیدرالا فرە لایەنیدا. چەسپاندنا شەراكەتا راستەقینە وەكو وێ ئەوا د دەق و روحا دەستورێ پەسندكریێ سالا 2005 دا هاتی، ئەوێ ژی پێتڤی ب كومەكا یاسا و سازیێن فیدرالی هەیە، كو هەتا ئەڤرو ژی ئەو سازی نەهاتینە دامەزراندن وەكی ئەنجومەنێ فیدرالی (ژوورا دوویێ یا پەرلەمانی) كو هەڤسەنگیێ دناڤبەرا زورینە و كەمینەیاندا رادگریت.
ئەڤە ژی ب رەئیا مە باشترین چارەسەری یە بو هەمی وان ئاریشان، كو د ئەزموونا دیموكراسیەتا نوكە یا عیراقێ دا نە هاتینە جێبەجێكرن، دیارە باشترین رێ ژی بو مسووگەركرناپاشەروژەكا گەشتر بو وەلاتیێن كوردستانێ، هەبوونا تیمەكا ب هێزە یا كوردستانی د جڤاتا نوینەرێن عیراقێ دا هەڤدەم ئەزموونا عیراقا نوی ژی ئەڤ چەندە دیاركرییە، كو هەبوونا هەڤالێن ئێكەتی نیشتمانی كوردستان د پوستێن بلندا دبیتە گرەنتییەك بۆ بدەستڤەئینانا وان مافان بۆ خەلكێ كوردستانێ.
لەورا ئاڤادانكرنا عیراقەكا دیموكراسی و فرەلایەنی و فیدرالی و تەوافقی هەر وەكو ددەستوری دا هاتی، ئارمانجەكا پیروزە و ئەركێ هەمی عیراقییانە بزاڤا ئاڤاكرنا عیراقەكا هوسا بكەن..و ب وێ رێكێ ژی چارەسەرییا هەمی ئاریشێن نەتەوەیی و ئاینی و مەزهەبی بكەن، دا هەمی مافێن دەستوری و دیموكراسی یێن گەلێ كوردستانێ كو دگەل وان ژی زڤراندنا دەڤەرێن ڤەقەتیای ژ هەرێما كوردستانێ، بچنە دبیاڤێ جێبەجێكرنێدا.
بو بدەستڤەئینانا وان ئارمانجان ژی داخوازا مە ژ خەلكێ كوردستانێ ئەوە كو دەنگێ خۆ بدەنە لیستا ئێكەتی نیشتمانی كوردستان ژمارە 162 كو ئەڤە بەرنامە و پەیاما وێ یە:
ئێكەم: دوزێن سیاسی و ستراتیجی:
1- چەسپاندنا بنەمایێن سیستەمێ فیدرالی و فرەلایەنی و زڤرین بو دیموكراسیەتا تەوافقی بو بدەستڤەئینانا شەراكەتا راستەقینە، د دروستكرنا بریاراندا دناڤبەرا پێكهاتێن سەرەكی یێن ولاتی دا.
2- رێزگرتن و پاپەندبوون ب دەستوری ، لدیف وان بنەمایان یێن كو سیستەمێ حكومرانیێ نویێ عیراقێ ل سەر هاتیە دامەزراندن.
3- ب هێزكرنا رولێ جڤاتا نوینەران ل سەر هەردوو ئاستێن یاسادانانێ و چاڤدێریێ ب رەنگەكی كو بشێت دەستهەلاتێت خو ئەوێن ددەستوری دا هاتین بجهبینیت، ژ وان ژی ئاڤاكرنا سازیێن دەولەتا فیدرالی و چەسپاندنا دیموكراسیێ ب تایبەتی ژی وان مافێن گرێدای ب مافێن دەستوریێن گەلێ كوردستانێ.
4- پاراستنا سەربەخوییا دادوەری و تەمامكرن و ئاڤاكرنا سازیێن وێ دەسەلاتێ ئەوێن ماین و ل سەر هەمیان ژی را دادگەها فیدرالی یا بلند و جڤاتا دادوەری یا بلند..
5- بهێزكرنا بنەمایێن مافێ مروڤی و پاراستنا وان ژ هەر پیشیلكارییەكێ.
6- كاركرن ب هەمی شیانان ڤە، بو بجه ئینانا ماددەیێ 140 یێ دەستوری ددەمێ ڤان چوار سالێن جڤاتا نوینەرێن عیراقێ یێن بهێن دا.
7- خورتكرنا ئێكگرتنەكا زێدەتر یا هێزێن كوردستانی بو بەرهنگاربوونا وان تەحەدایا كو روی ب رویێ هەرێما كوردستانێ دبن، لدیف بەرنامەیەكێ ئێكگرتی كو هەمی لایەن ل سەر درێكەفتی بن.
8- بەرەڤانیكرن ژ مافێن دەستوری یێن گەلێ كوردستانێ، ل سەر جەم ئاستێن جڤاتا نوینەران و دەستهەلاتا جێبەجێكرن و جڤاتا دادوەری و سازیێن دەستوری یێن دی.
9- نوینەریەكا ب هێز یا هەڤالێن ئێكەتی نیشتمانی كوردستان د حكومەتێ دا یاپێدڤیە، بو بدەستڤەئینانا بەرژوەندیێن بلندێن گەلێ كوردستانێ، ودیتنا رولەكێ كاریگەر د پروسەیا سیاسی دا.
دووەم: دووسەیا ئاسایشێ:
1 - ژ ناڤبرنا تیرورێ و راوەستان بەرامبەر هەر كارەكێ تیرورستی و پاراستنا ئاسایشا وەلاتیێن هەرێما كوردستانێ و دەڤەرێن ڤەقەتیایی، ب هەماهەنگی دگەل هەمی دامودەزگەهێن سەربازی یێن عیراقی، بو چەساپاندنا ئاسایش و سەقامگەریێ د وەلاتی دا .
2- دەرێخستنا یاسایا ( رێكخستن و راهێنان پێ كرن و چەكداركرن و مووچەیێ هێزێن پێشمەرگەی) ب رەنگەكی كو یێ هەڤسەنگ بیت دگەل سوپایێ عیراقێ.
3- وەرگرتنا هەمی مافێن دارایی یێن هێزێن پێشمەرگەی كو دیاسایا موازەنا سالێن 2017 - 2018 دا هاتی ژ بودجەیێ حكومەتا فیدرالی.
4 - دویركرنا هێزێن نەدەستوری ل دەڤەرێن كوردستانی یێن ڤەقەتیای و رادەستكرنا دوسەیا ئەمنی یا ڤان دەڤەران بو ژورا عەمەلیاتێن هێزێن هەڤپشك یێن پێشمەرگەی و ئاسایش و پولیسێن فیدرالی، داكو سەرەدەریێ دگەل چ هێزێن دیێن سەربازی یێن دەرڤەی وان هێزان و دەرڤەیێ دەستوری دا نەكەن.
5-خەرجكرنا دەرمالێن مەترسیێ بو هێزێن پێشمەرگەی وئاسایشێ كو دچارچوڤێ ئەركێن خو یێن هەڤپشكدا ئەركێ پاراستنا دەڤەرێن كوردستانی یێن ڤەقەتیایی ژی پێ هاتیە راسپاردن .
6-دویركەفتن ژ میلیشیاكرنا جڤاكی وتێكهەلبوونا سوپای د ململانێن سیاسی دا ، بو ڤێ چەندێ ژی پێتڤیە سازیێن سەربازی ببنە سازیێن دەولەتێ وخودان بیروباوەرێن نیشتمانی وفیدرالی ودتەرخانكری بن بو پاراستنا سەروەریا عیراقێ یا دەستوری وفیدرالی و نە هێنە بكارئینان بو ململانێن ناڤخویی و نە بنە ئامرازەك بو تەپەسەركرنا مللەتی لدویف سیاسەتا حزبەكێ یان كەسەكی.
7- كاركرن بو ب هێزكرنا پێگەهێ كوردان د سازیێن سەربازی و ئەمنی یێن فیدرالی دا.
سێیەم: دوسەیا ئیداری و ئابووری:
1- بەرەڤانیكرن ژ پشكا هەرێمێ و دەڤەرێن كوردستانی یێن ڤەقەتیای، د چارچووڤێ بودجەیێ دەولەتا فیدرالی دا.
2-پێدانا دەستهەلاتێن كارگێری و دارایی یێن پتر بو هەرێمێ و پارێزگەهان، د بیاڤێ خەرجكرنا دارایی یا موازەنێ دا ودانانا سیستەمەكێ عادیلانە بو دابەشكرنا موازەنێ ل دیف دەستوری و بەرچاڤكرنا وان زیانێن كو ژ ئەگەرێ دەسەلاتا تیرورستێن داعش، بەر كوردستانێ كەفتین.
3- دابینكرنا مافێن هەرێما كوردستانێ د بودجەیا سالانە یا فیدرالی دا، كو پێدڤیێن ماددیێن هەرێمێ مسوگەر بكەت.
4- ریگریكرن ل بكارئینانا موازەنێ وەكو كاغەزەكا فشارا سیاسی دژی هەرێمێ و سزادانا گەلێ كوردستانێ، ژئەگەرێ ئاریشێن سیاسی دناڤبەرا هەردوو حكومەتێن فیدرال و هەرێمێ دا.
5- دەرێخستنا یاسایا نەفت و غازێ د جڤاتا نوینەران دا ، ب رەنگەكی كو دەستهەلاتا دەستوری یا تەمام بدەتە هەرێمێ د بیاڤێ نەفت و وزەیدا و داهاتێن وێ دخزمەتا گەلێ كوردستانێ دا بن.
6- چاڤدێریكرنا داهاتێن فیدرالی بهێتە كرن ب رەنگەكی كو دابەشكرنا وان یا عادیلانە بیت دناڤبەرا هەمی پێكهاتێن گەلێ عیراقێ دا.
چوارەم: ساخلەمی و ژینگەه:
1- گرەنتییا هنارتنا پشكا هەرێما كوردستانێ بهێتە كرن، ژ ئامیرە و پێدڤیێن ساخلەمیێ ژ حكومەتا فیدرالی.
2- باشكرنا سیستەمێ ساخلەمیێ ل عیراقێ و گرنگیدان ب رەوشەنبیری یا ساخلەمیێ.
3- زێدەكرنا هەماهەنگیێ دناڤبەرا حكومەتا فیدرال و حكومەتا هەرێمێ دا، بو گرنگیدانێ ب ژینگەهێ و دروستكرنا روبەرێن كەسك یێن بەرفره ورێگرتن ل پروسا بیابانبوونێ .
4- كاراكرنا رولێ چاڤدێریكرنا ساخلەمیێ ژ لایێ دەزگەهێن پەیوەندیدار و كونترولكرنا جوری ل سەر وان دەرمانان كو دناڤا وەلاتیدا دهێنە بەرهەم ئینان یان ژ دەرڤە بو عیراقێ و كوردستانێ دهێن.
پێنچەم: پروسەیا پەروەردێ و خواندنا بلند:
1- زمانێ كوردی ببیتە زمانەكێ فەرمی د هەمی زانكو و كولیژێن عیراقێ دا.
2- دابینكرنا كورسیێن خواندنێ و هنارتییان بۆ كولیژ و زانكویێن هەرێما كوردستانێ ژ لایێ وەزارەتا خاندنا بلند یا عیراقێ ڤە و هنارتنا وان بو دەرڤەی وەلاتی بو تەمامكرنا خاندنا بلند.
3- باشتركرنا سیستەمێ پەروەردێ و خاندنێ ل عیراقێ و دانانا فەلسەفەیەكا نوی یا پەرورەدێ، كو ببیتە ئەگەرێ گەشەپێدانا گیانێ لێبورینێ و بەهایێن پێكڤە ژیانا ئاشتیانە دناڤبەرا پێكهاتێن جودا جودا د عیراقێ دا.
4 - گرنگیدان ب خواندنا بلند و بلندكرنا ئاستێ خواندنێ د عیراقا فیدرال دا.
5- گرنگیدان ب خواندنێ ب زمانێ كوردی ل خواندنگەهێن پارێزگەهێن ناڤەراست و باشورێ عیراقێ، ب تایبەتی ل باژێرێ بەغدا.
شەشەم: گەشەپێدنا بیاڤێن گەنج و لاوان:
1- كاركرن بو كێمكرنا ژیێ كاندیدبوونێ بو ئەندامەتیا جڤاتا نوینەران ژ 30 سالیێ بو 25 سالان.
2 - كاركرن بۆ گرەنتییا پشكداریكرنا گەنجان د درەوستكرنا بریارێن سیاسی دا و نوینەرایەتیا وان دناڤەندێن جڤاكی و سیاسی و ئابووری و دەزگەهێن دەولەتێ دا.
3- كاراكرنا سیستەمێ پشتەڤانیكرنا گەنجان د جێبەجێكرنا پروژەیان دا وپەیداكرنا دەلیڤێن كاری بو وان .
4-پشتەڤانیكرنا گەنجێن داهێنەر و خودان شیان پێخەمەت پێشئێخستنا شیانێن وان .
5- پێشئێخستنا سازیێن تایبەت یێن چالاكیێن گەنجان و ڤەكرنا خولێن فێربوون و پیشەیی بو بلندكرنا شیانێن وان.
6- پەیداكرنا دەلیڤێن دامەزراندنێ ل سازیێن دەولەتێ و سازیێن كەرتێ تایبەت.
حەفتەم: پرسا ژنان:
1- دەرێخستنا یاسایەكا نوی بو باشتركرنا رەوشا ژنان و پاراستنا مافێن وان، ژ هەر پێشیلكاریەكێ .
2- پشكداریكرنا ژنان د هەمی بیاڤ و سازیێن دەولەتێ دا ( سیاسی ، ئابووری، كارگێری، كەلتوری و جڤاكی ).
3- پەیداكرنا دەلیڤەیێن گونجای بو ژنان و ئەكتیفكرنا رولێ وان دكاریدا ب شێوەیەكێ یەكسان دگەل زەلامان .
4- دابینكرنا مووچە و هاریكاریێن دارایی بو ژنان ل دەمێ ژ دەستدانا سەمیانێ وان ، یان ب هەر ئەگەرەكێ بیت د چارچووڤێ یاسایا بیمەیا جڤاكی دا.
هەشتەم: بیاڤێ ئەدەبی و هونەری:
1- پشتەڤانیكرنا رەوشەنبیر و هونەرمەندان و پەیداكرنا دەلیڤێن هەڤركیەكا عادیلانە بو وان ژبو پێشكێشكرنا چالاكیێن ئەدەبی و هونەری و رەوشەنبیری.
2- پەیداكرناكەشەكێ گونجای و ئازادییەكا تەمام، دبیاڤێ چاپەمەنی و بەلاڤەكرنێ دا.
3- گرنگیدان ب رەوشەنبیری و كەلتورێ كوردی، د سەرجەم دام و دەزگەهێن فەرمی یێن دەولەتا فیدرال دا.
4- وەكهەڤكرنا چڤات و وان رێكخراوێن پیشەیی و دیموكراسی كول هەرێما كوردستانێ كاردكەن دگەل رێكخراوێن هەڤپیشەیێن وان د حكومەتا عیراقا فیدرالی دا.
نەهەم: شەهید و ئەنفال كری:
1- شەهید هێمایێ خەباتا نەتەوەیی یا كوردستانێ نە، لەورا پاپەندكرنا حكومەتا فیدرالی ب بریارێن دادگەها بلندا تاوانان ژ بۆ قەرەبووكرنا قوربانیێن شەهید و ئەنفالكریان ژ رویێ ماددی و مەعنەوی ڤە ب ئەركێ نیشتمانی و پێشەیێ و ئەخلاقی یێ خو دزانین.
2- كاراكرنا رولێ سازیێن دبیاڤێ ئەرشیفكرنا تاوانانێن رژێما بەرێ و داعش.
3- بەردەوام بوون ل سەر بزاڤان بو ب نیڤدەولەتیكرنا تاوانێن جینوساید، كو دەرهەقێ گەلێ كورد هاتینەئەنجامدان، بو بدەستڤەئینانا دانپێدانێن نیڤدەولەتی ب وان تاوانان.
4- دادگەهكرنا هەمی كومپانی و وان كەسێن چەكێ كیمیایی یێ قەدەغەكری دایە رژێما بەرێ.
5-بەردەوام بوون لسەر لێگەریانا روفاتێن شەهید و ئەنفالكریان و ڤەگەراندنا وان بو ئاخا باب و باپیران ل كوردستانێ.
6-پێدڤیە هەمی زیندانیێن سیاسی و خێزانێن شەهید و ئەنفالكریان ژ وان ئیمتیازاتێن كو ددەنە زیندانیێن سیاسی و شەهیدێن د عیراقا فیدرالی دا نە هێنە بێ بەهركرن .
7- نویژەنكرن و ئاڤەدانكرنا هەمی وان باژێر و باژێرك و گوندان، كو ب ئەگەرێ شەرێ مالوێرانیێ تیرورستێن داعش زەرەرمەندبووین، وەكو باژێرێن ( مووسل ، شەنگال، جەلەولا، دوزخورماتوو.... هتد)
دەهەمین: بوارێ ئایینی:
1- رێزگرتن ل بنەمایێن ئایینێ ئیسلامێ.
2- كاركرن بو بنەجهكرنا لێبورینا ئایینی دناڤبەرا هەمی ئایینی و مەزهەباندا.
3- دەستەبەركرنا كەشەكێ گونجای بو نێزیك بوونێ دناڤبەرا ئایین و مەزهەبێن جودا جودا دا ب رێكا دانوستاندن و دیالوەكا شارستانی دناڤبەرا وان دا.
4- مسوگەركرنا ژیانەكا باش بو زانا و كەسایەتیێن ئایینی.
یازدەمین: بیاڤێن وەرزشی:
1- گرنگیدان ب وانەیێن وەرزشی د هەمی قوناغێن خواندنێدا و ڤەكرنا زانكو و كولیژێن تایبەت دوی بیاڤیدا.
2- ڤەكرنا یاریگەه و هولێن وەرزشی و مەلەڤانگەهان ل پارێزگەه و قەزا و ناحیان.
3- پشتەڤانیكرنا تیپێن مللی بو پێشڤەبرنا بیاڤێ وەرزشی ژ رویێ دارایی و مەعنەوی ڤە.
4- زێدەكرنا پشتەڤانیا دارایی بو یانەێن وەرزشی و پاراستنا مافێن یاریزانان.
دوازدەمین: بیاڤێ جڤاكی:
1- پەیداكرنا دەلیڤێن كاری بو خودان پێتڤیێن تایبەت و مفاوەرگرتن ژ وزە و شیانێن وان.
2- دڤێت خودان پێتڤیێن تایبەت ژ هەمی ئیمتیازاتێن چاڤدێریا جڤاكیدا سودمەندبن.
3- دابەشكرنا دادپەروەرانە یا داهاتی بڕەنگەكێ بیت كو دادپەروەرییا جڤاكی بدەستڤە بهێت.
4- گرنگیدان ب هوشیاریكرنا جڤاكی و بهێزكرنا گیانێ هاریكاری و لێبورینێ د جڤاكی دا.
5- دوماهیك ئینان ب جوداهیا ل سەر ئاستێ رەگەزێ نێر و مێ و نەهێلانا توندوتیژیێ دژی ژنان.
6- دامەزراندنا سەنتەرێن چاڤدێریێ بو كەسێن ساڵڤەچووی و نەساخا و رێزگرتن ل ماف و كەسایەتیا وان و پارێزگاریكرنا وان د بیاڤێ ساخلەمیێدا.
7- جێبەجیكرنا سیستەمێ بیمەیا ساخلەمیێ، وەك ئێك ژ گرنگرتین بیاڤێن سیستەمێ جڤاكی پێخەمەت بدەستڤەئینانا دادپەروەرییا جڤاكی.
ب هیڤیا ب وەرگرتنا باوەریا وەینە بۆ ب دەستڤەئینانا پەیاما مە.
دروشمەكان
ب دەستڤەئینانا پاشەروا مە مافەكێ نەتەوەیێ و جڤاكیێ مەیە ..
دەنگدانا تە .. بو ئێكەتیا مام جەلالی و رێبازا وی ، بو كوردستانەكێ یە كو پاشەروژ وێ ددەستێ وێ دابییت
ب دەنگدانا تە ... دێ پارێزگاری ژ پاشەروژا كوردستانێ كەین
دادپەروەری ب كەسانێن لاواز ب دەستڤە ناهێت
رێبازا مام جەلالی سیبەرا هیڤیا نە
مادەیێ 140 ستراتیجەتا كوردینیێ یە
د عیراقێ دا مە پاشەروژەك دڤێت كو دیموكراسی و مافێ مەیێ چارەنڤیس بهێتە پاراستن
پاشەروژەكا بهێز ژ پێخەمەت مافێ چارەنڤیس
ب دەنگدانا تە .. دێ ئێكەتی ل عیراقێ ب هێز كەڤیت ... بو بەرەڤانیكرنێ ژ دیموكراسیەتێ
گەندەلی بەرهەمێ نەكونترولكرنا داهاتێ مەیە
پیشیلكرنا مادەیێ 140 دژایەتیا رەئیا گشتی یە
دەنگدانا تە بو ئێكەتی نیشتمانی كوردستانێ، دێ دورپێچا ئابوورییا بەغدا ل سەر هەرێمێ ژناڤبەت
مفاوەرگرتن ژ رابوردووی، بو ئاڤاكرنا پاشەروژەكا باشتر و گەشترە
رەخنە ل شاشیێن مەیێن بوری، مەرجێ چارەسەركرنا وان شاشییا نە د پاشەروژێ دا
دەولەتا تایفەگەریێ ، دژایەتیا ژنانە
ب چاڤدێریكرنا بازاری، دێ ژیانەكا باشتر بو خەلكی پەیداكەین
قەربووكرنا خێزانێن شەهیدێن هەلەبجە و ئەنفالكریان ئەركێ مەیە
PUKmedia
hewal ziyatr
-
Şalaw Kosret Resûl: Divê xizmeta herî baş bê pêşkêşkirin
09:56 PM - 2024-04-25 -
Komisyonê berdewambûna amadekariyên bo hilbijartinan piştrast dike
01:41 PM - 2024-04-25 -
Qubad Talebanî: Her rojek bîranîna tawanekê ye
05:53 PM - 2024-04-24 -
Serok Bafil beşdarî merasîma cenazeyê rêheval Elî Şemar dibe
07:47 PM - 2024-04-23
zêdetir tamaşe bike
Serok Bafil: Yekîtî berdewame ji bo qerebûkirin û xizmetkirina xelkê Qeladizê
02:16 PM - 2024-04-24
Amerîka: Rewşa azadî û mafên mirovan ber bi paşvebûnê ve diçin
01:51 PM - 2024-04-24
50 Sal bi ser bombebarankirina Qeledizê û Zanîngeha Silêmanî re derbas bû
09:45 AM - 2024-04-24
Merasîma xelata zêrîn a Bile birêve diçe
05:11 PM - 2024-04-23
zortrin xwendraw
-
Komisyonê berdewambûna amadekariyên bo hilbijartinan piştrast dike
Kurdistan 01:41 PM - 2024-04-25 -
Şalaw Kosret Resûl: Divê xizmeta herî baş bê pêşkêşkirin
Kurdistan 09:56 PM - 2024-04-25