ئاسایشی سلێمانی رونكردنه‌وه‌یه‌ك بڵاوده‌كاته‌وه‌

.

له‌ رونكردنه‌وه‌یه‌كدا ئاسایشی سلێمانی رایده‌گه‌یه‌نێت ئه‌و په‌یج و ئه‌كاونتانه‌ی كه‌ به‌ ناوی ئاسایشی سلێمانیه‌وه‌ كراوه‌نه‌ته‌وه‌و هه‌واڵ و چالاكی بڵاوده‌كه‌نه‌وه‌ دوورو نزیك په‌یوه‌ندی به‌وانه‌وه‌ نیه‌.

ئاسایشی سلێمانی ئاماژه‌ بۆ ئه‌وه‌شده‌كات كه‌ هه‌ر كه‌س و لایه‌نێك ئاڕمی ئاسایشی سلێمانی یاخود به‌ناوی ئاسایشی سلێمانیه‌وه‌ هه‌ر بابه‌تێك و چالاكی و هه‌واڵێك بڵاوبكاته‌وه‌ به‌رپرسیار ده‌بێت له‌به‌رانبه‌ر یاسادا.

ده‌قی رونكردنه‌وه‌كه‌...

به‌ڕێوه‌به‌رایه‌تمان تێبینی ئه‌وه‌ی كردووه‌ هه‌ندێك په‌یج و ئه‌كاونت   هه‌واڵ و چالاكی به‌ڕێوه‌به‌رایه‌تی ئاسایشی سلێمانی بڵاو ده‌كه‌نه‌وه‌و لۆگۆی ئاسایش به‌كارده‌هێنن به‌بێ  ئاگاداری و ره‌زامه‌ندیمان، ئێمه‌ وه‌ك ئاسایشی سلێمانی به‌ هه‌موو لایه‌كی راده‌گه‌یه‌نین  كه‌ به‌هیچ شێوه‌یه‌ك به‌ڕێوه‌به‌رایه‌تی ئاسایشی سلێمانی خاوه‌نی په‌یج و ئه‌كاونت نییه‌ له‌ ناو تۆڕه‌ كۆمه‌ڵایه‌تیه‌كاندا، وه‌ هه‌ر كه‌س و لایه‌نێك ئاڕمی ئاسایشی سلێمانی یاخود به‌ناوی ئاسایشی سلێمانیه‌وه‌ هه‌ر بابه‌تێك و چالاكی و هه‌واڵێك بڵاوبكاته‌وه‌ به‌رپرسیار ده‌بێت له‌به‌رانبه‌ر یاسادا، به‌ڕێوه‌به‌رایه‌تی ئاسایشی سلێمانی هه‌ر بابه‌تێكی هه‌بێت له‌ ڕێگه‌ی راگه‌یاندنی ئاشكراوه‌ بڵاوی ده‌كاته‌وه‌ بۆ ئاگاداری هه‌موو لایه‌ك.

به‌ڕێوه‌به‌رایه‌تی ئاسایشی پارێزگای سلێمانی

PUKmedia