سلێمانی.. بایۆمه‌تری مووچه‌ بۆ دوو هه‌زار وارسی شه‌هیدان ده‌كرێت

.

به‌بڕیارێكی ئه‌نجومه‌نی وه‌زیرانی حكومه‌تی هه‌رێمی كوردستان پرۆرسه‌ی بایۆمه‌تری مووچه‌ خۆران ده‌ستیپێكرده‌وه‌و ته‌نها له‌ سنووری پارێزگای سلێمانیش نزیكه‌ی 2 هه‌زار وارسی شه‌هیدان له‌و پرۆسه‌یه‌ سوودمه‌ند ده‌بن.

له‌و باره‌یه‌وه‌ مافناس ئه‌دیب له‌تیف به‌رێوه‌به‌ری گشتی كاروباری شه‌هیدان و ئه‌نفالكراوانی سلێمانی به‌ PUKmedia ی راگه‌یاند: له‌ رۆژی چوارشه‌ممه‌وه‌ 2-5-2018 ، به‌ڕێوه‌به‌رایه‌تییه‌كه‌مان ده‌ستیكردوه‌ به‌ ناو نوسین بۆ ئه‌و وارسی شه‌هیدانه‌ی كه‌ تائێستا خۆیان له‌ سیستمی بایۆمه‌تری تۆمار نه‌كردوه‌، تا مافه‌كانیان نه‌فه‌وتێت.

وتیشی: له‌ سنووری پارێزگای سلێمانی، به‌ هه‌ڵه‌بجه‌ و ئیداره‌ی گه‌رمیان و راپه‌ڕینه‌وه‌ نزیكه‌ی 2 هه‌زار خانه‌واده‌ی شه‌هید تائێستا به‌ هۆكارێك له‌ هۆكاره‌كان بایۆمه‌تری مووچه‌یان نه‌كردوه‌و له‌ئاینده‌ه‌كی نزیكدا ناویان له‌ سیستیمی بایۆمه‌تری مووچه‌دا تۆمار ده‌كرێت.

PUKmedia دیار ستار