كۆمسیۆن: پرۆسه‌ی هه‌ڵبژاردن به‌شێوه‌یه‌كی ئه‌زمونگه‌ری ئه‌نجام ده‌درێت

.

كۆمسیۆنی باڵای سه‌ربه‌خۆی هه‌ڵبژاردنه‌كان، ئه‌مڕۆ شه‌ممه‌ 8ی ئایای 2021 جه‌ختیكرده‌وه‌ كه‌ له‌مانگی ته‌موزی داهاتوودا، پرۆسه‌ی ئه‌نجامدانی هه‌ڵبژاردن به‌شێوه‌یه‌كی پراكتیكی ئه‌نجام ده‌درێت و ئه‌وه‌ش وه‌ك ئه‌زموونێك ده‌بێت بۆ هه‌ڵبژاردنه‌ په‌رله‌مانییه‌كه‌ی مانگی 10ی ئه‌مساڵ 2021.

جومانه‌ غه‌لای، وته‌بێژی ره‌سمی كۆمسیۆن له‌و باره‌یه‌وه‌ به‌ PUKmediaی راگه‌یاند: كۆمسیۆن به‌رده‌وام ئاماده‌كاری ده‌كات بۆ ئه‌نجامدانی تاقیكردنه‌وه‌ی پرۆسه‌ی هه‌ڵبژاردن، تاقیكردنه‌وه‌كه‌ 4 جار دێته‌ ئه‌نجامدان  بۆ دڵنیابوونه‌وه‌ له‌خاوێنی و ووردی و خێرایی ئامێره‌ ئه‌لیكترۆنییه‌كانی هه‌ڵبژاردن، تاقیكردنه‌وه‌كه‌ له‌ناوه‌ڕاستی مانگی ته‌موزدا ئه‌نجام ده‌درێت و كۆمپانیای میروی كۆریی و نه‌ته‌وه‌ یه‌كگرتووه‌كان و رێكخراوه‌ نێوده‌وڵه‌تییه‌كان بۆ رێكخستنی هه‌ڵبژاردنه‌كان و چاودێرانی نێوده‌وڵه‌تی و راگه‌یاندنه‌كان و نوێنه‌ری حزبه‌كان و چاودێرانی ناوخۆیی ئاماده‌ ده‌بن.

جه‌ختیشی كرده‌وه‌ هه‌ڵبژاردنه‌كان له‌واده‌ی خۆیدا له‌ 10ی مانگی تشرینی یه‌كه‌می ساڵی 2021 دا به‌ڕێوه‌ده‌چێت.

PUKmedia تایبه‌ت