ئەمڕۆ دووشەممە ڕێکەوتی 04-01-2021، کچێکی ئێزیدی خەڵکی قەزای شنگال لە شارۆچکەی بەسیرا لە وڵاتی سوریا ڕزگارکرا کە پێشتر لەلایەن تیرۆریستانی داعشەوە رفێندرا بوو.

ماڵی ئێزیدییەکان لە هەرێمی جەزیرە لە وڵاتی سوریا ڕایگەیاند، " ئەوان ئەمڕۆ کچێکی ئێزیدی تەمەن 20 ساڵی بەناوی (عاسیمە جاسم خدر) لە ناوەندی ئاسایشی ئافرەتان لە هەرێمی جەزیرە وەرگرتووە".

ئاماژە بەوەش کردووە، " ئەم کچە پێشتر لە شارۆچکەی بەسیرا بوو بەڵام بە توانای خۆی خۆ ڕادەستی ئاسایشی ئافرەتانی هەرێمی حەسەکە کردووە بەڵام بەهۆی خراپی باری دەروونی نازانێت کە خەڵکی چی ناوچەیەکی شنگالە".

ئەمەش و بەپێی دواین ئاماری نووسینگەی ڕزگارکردنی رفێندراوەکانی ئێزیدی لە پارێزگای دهۆک لەگەڵ ئەم کچە 3544 کەسی ئێزیدی لە کۆی 6417 کەس لە دەستی داعش ڕزگار کراون و تا ئێستاش چارەنووسی 2873 کەسی ئێزیدی دیار نییە کە پێشتر لەلایەن ڕێکخراوی تیرۆریستی داعشەوە لە 3ی تەباخی 2014 لە قەزای شنگال رفێندرابوون.

PUKmedia - لەیس حسێن