بۆچی بە خورما رۆژو بشکێنین؟

.

له‌ سه‌رده‌مانێكی كۆنه‌وه‌ خورما به‌ خۆراكێكی سه‌ره‌كی دانراوه‌، له‌ رووی ته‌ندروستیشه‌وه‌ پسپۆران رێنمایمان ده‌كه‌ن به‌ خواردنی خورما، چونكه‌ ده‌وڵه‌مه‌نده‌ به‌ ڤیتامین جیاوازه‌كان و كانزا و ریشاڵیه‌كان، ئه‌مه‌ سه‌ره‌رای ئه‌وه‌ی چه‌وریه‌كی ئاست نزمیشی تێدایه‌. له‌گه‌ڵ هاتنی مانگی ره‌مه‌زانیشدا خواست له‌سه‌ر ئه‌م خۆراكه‌ زۆر ده‌بێت، چونكه‌ رۆژوو شكاندن یه‌كێكه‌ له‌ سونه‌ته‌كانی پێغه‌مبه‌رمان(درودی خوای له‌سه‌ر بێت)، هه‌روه‌ها چه‌ندین سودی ته‌ندروستیشی هه‌یه‌، كه‌ وا پێویست ده‌كات به‌ درێژایی ساڵ بخورێت.

بۆچی به‌ خورما رۆژوو بشكێنین؟ خورما به‌ گونجاوترین خۆراك داده‌نرێت بۆ به‌ربانگ كردنه‌وه‌، چونكه‌ به‌ درێژایی رۆژ كه‌سی به‌رۆژوو خواردنی نه‌خواردوه‌و مواده‌ خۆراكیه‌كانی له‌ جه‌سته‌یدا كه‌می كردوه‌، هاوكات رێژه‌ی شه‌كریش دابه‌زیوه‌ ، بۆیه‌ له‌م كاته‌دا پێویستمان به‌ خۆراكێكه‌ كه‌ به‌ خێرایی قه‌ره‌بوی ئه‌و كه‌میه‌مان بۆ بكاته‌وه‌. خورما خۆراكێكی ده‌وڵه‌مه‌نده‌ به‌ پێكهاته‌ خۆراكیه‌كان ، هه‌روه‌ها هه‌رسكردنیشی ئاسانه‌ و یه‌كه‌م خۆراكه‌ كه‌ زۆر به‌ خێرایی شه‌كرو كانزا پێویستیه‌كان بۆ جه‌سته‌ ده‌گێرێته‌وه‌، به‌مه‌ش چالاكی بۆ كه‌سی به‌ رۆژوو ده‌گێرێته‌وه‌. خورما چه‌ندین سودی هه‌یه‌، كه‌ بریتین له‌م سودانه‌ی خوراوه‌:

• چاره‌سه‌ری كه‌می خوێن ده‌كات، چونكه‌ رێژه‌یه‌كی به‌رزی له‌ ئاسن تێدایه‌، هه‌روه‌ها رێگری له‌ توشبون به‌ شێرپه‌نجه‌ ده‌كات، چونكه‌ پێكهاته‌كه‌ی مه‌گناسیۆمی تێدایه‌.

•  ئێسك و ددانه‌كان پته‌و ده‌كات، چونكه‌ رێژه‌یه‌كی زۆر له‌ فسفۆرو كالسیۆمی تێدایه‌، هاوكات خواردنی خورما بۆ چاو باشه‌و پارێزگاری له‌ ته‌ری چاو ده‌كات، چونكه‌ چه‌ندین جۆر ڤیتامینی تێدایه‌، خورما رێگری ده‌كات له‌ نه‌خۆشی شه‌و كوێری.

• خورما بۆ هه‌ستی بیستن به‌ سوده‌ و هۆكارێكیشه‌ بۆ ئارام بونه‌وه‌ی ده‌رونی، به‌چاره‌سه‌رێكی باش داده‌نرێت بۆ نه‌خۆشیه‌كانی جگه‌رو زه‌ردوویی، هه‌روه‌ها خورما رێگری ده‌كات له‌ قڵیشانی لێو و وشك بونه‌وه‌ی پێست و شكانی نینۆك.

• خورما بۆ چاره‌سه‌ركردنی نه‌خۆشیه‌كانی گه‌ده‌و ریخۆڵه‌ به‌كار دێت. بۆیه‌ خورما چه‌ندین سودی سه‌رسورهێنه‌ری هه‌یه‌، كه‌ له‌وه‌یه‌ باوه‌ری پێنه‌كه‌یت یان توشی شۆكت بكات، خورما هه‌رگیز میكرۆب و ڤایرۆس ناگوازێته‌وه‌، ته‌نانه‌ت خورمای شكاویش ئه‌مبیا هه‌ڵده‌هێنێت و ڤایرۆس و پیسیه‌كان فرێ ده‌داته‌ ده‌ره‌وه‌، هه‌روه‌ها چه‌ندین توێژینه‌وه‌ ئه‌وه‌یان سه‌لماندوه‌ خورما ده‌بێته‌ هۆی كه‌م بونه‌وه‌ی ئازاری منداڵی شیره‌ خۆره‌، ئه‌مه‌ش له‌سه‌ر چه‌ندین منداڵ تاقی كراوه‌ته‌وه‌ كه‌ خورمایان پێیان داوه‌ ورده‌ ورده‌ گریانیان نه‌ماوه‌.

PUKmedia كه‌ناڵی العالم