تاران.. هه‌زاران كه‌س ره‌وانه‌ی نه‌خۆشخانه‌ ده‌كرێن

.

ئه‌نجومه‌نی پارێزگای تاران هۆشدارییدا له‌پیسبوونی ژینگه‌ی تاران و داوایكرد ئه‌وانه‌ی نه‌خۆشیی دڵ و ته‌نگه‌نه‌فه‌سییان هه‌یه‌ زیاتر ئاگاداری باری ته‌ندروستییان بن، لێپرسراوانی ئه‌و شاره‌ش ئه‌مڕۆ یه‌كشه‌ممه‌یان كرده‌ پشوو.

ته‌نها ئه‌مڕۆ یه‌كشه‌ممه‌ 15-12-2019، هه‌زارو 50 كه‌س له‌ تووشبوانی نه‌خۆشیی دڵ و ته‌نگه‌نه‌فه‌سی به‌هۆی پیسبوونی ژیگه‌ی شاره‌كه‌یانه‌وه‌، ته‌ندروستییان تێكچووه‌ و سه‌ردانی نه‌خۆشخانه‌كانی تارانیان كردووه‌.

به‌پێی راپۆرته‌كان زۆریی ژماره‌ی دانیشتوان و دووكه‌ڵی ئۆتۆمبێله‌ كۆنه‌كانی پایته‌خت و ملیۆنان ماتۆڕسكیلیش هۆكارن بۆ پیسبونی هه‌وای تاران و ئه‌مه‌ش وایكردوه‌ كه‌ تاران له‌ لیستی 12 شاری جیهان بێت كه‌ پیسترین ژینگه‌یان هه‌یه‌.

PUKmedia ئاژانسه‌كان