فەرموو دەست پێ بکە

فەرموو دەست پێ بکە


20/6/2019 12:40:00
چاپ کردن
بە وێنەوە    بە بێ وێنە
           
.

فەرماندەی گشتیی هێزە چەكدارەكانی عیراق عادل عەبدولمەهدی، بەلاغێكی ورد و ئومێدبەخشی دەركردووە لەسەر دۆخی هێزەكانی عیراق بە هی هەموو ئاراستە و ناونیشانەكانییەوە. كورتەكەی ئەوەیە دوای نەمانی داعش و نزیكەی دوو دەیە لە كەوتنی سەدام، كاتێتی هێزە چەكدارەكانی عیراق رێكبخرێنەوە و وا بن كە لە هەموو وڵاتێكی سەنگین و شایاندا هەیە: سنوورداركردنی چەك بە دەست دەوڵەت و ژێر سایەی ئەمری فەرماندەیی هێزە چەكدارەكانی وڵات.
فەرماندەی گشتی كە بەگوێرەی دەستوور هەر خۆشی سەرۆك وەزیرانی عیراقە، دوو تێبینی جوانی لە بەلاغەكەی تۆماركردووە؛ یەكێكیان سڵاو کردنە لە هەموو ئەو هێزانەی بە ناونیشانی جیاجیاوە لە چەند ساڵی رابردوودا شەڕی ئیرهاب و داعشیان كردووە و دەستخۆشییان لێدەكات.
دووەمیان: ئاماژە بەوە دەكات هەموو شتێك بە یەكجار و بە یەك هەنگاو ناكرێت. سەبر و تەگبیر و شێنەیی دەوێت.
راست دەكات، لەبەرئەوەی راست دەكات و نیەتی باشە، پێشنیازی بۆ دەكەین كە لە شوێنێكەوە دەستپێبكات: كەركوك.
كەركوك ئەو شارەیە كە جاران پێیان دەوت بەرمیلە باروتەكە و بۆ خۆشەویستی نازناوی عیراقە بچووكەكەیان لێنابوو، چونكە پڕیەتی لە ئەتنیك و گروپی جیاجیا. كەركوك شوێنێكی باشە بۆ مسۆگەركردنی سەركەوتنی سەرۆك وەزیران و فەرماندەی گشتیی هێزە چەكدارەكان لە پرۆژەکەیدا
ئێستا كە پێشمەرگەی كوردستانی لێ نییە و هەنجەتی هەستیاری دۆخی مامەڵە لەگەڵ ھەرێمی كوردستان رەچاو ناكرێت، باشترین شوێنە كە بیرۆكەكانی سەرۆك وەزیرانی تێدا تاقیبكرێنەوە. فەرموون كۆتایی بە دۆخی بە سەربازگەكردنی كەركوك بهێنن، لە حەشدەوە تا سوپای هەمە بنەچە کە هیچ رەگێكی رەواییان لە شارەكە نییە، مەگەر رەگی دیفاكتۆی هێز و دەستبەسەراگرتن نەبێت. سەرۆك وەزیران دەزانێ هێزی پێشمەرگە كە دەبووایە رەواترین هێزی ئەوێ بێت، ئێستا لەوێ نییە و هەموو جومگەكان دیارە لای حكومەتی ئیتحادییە كە بەداخەوە رەفتاری وەك حكومەتی مەركەزییە.
كەركوك وەكو هەر كراوەتە نیشانی تاقیكردنەوەی جیاجیا، با بكرێتە شوێنی تاقیكردنەوەی بیرۆكەی مەدەنی و ئاشتیخوازانەش . ئەوێ تاقیكردنەوەیەكی باشە بۆ یاسا و هێز و بیرۆكەی فیدرالی.
بەوە رێگە خۆش دەبێت بۆ مادەی 140 و ئاشتبوونەوە لەگەڵ لایەنێكی هەرە سەرەكی پرۆسەی رزگاریی عیراق كە كورد و كوردستانە.
كەركوك دەبێتە تاقیكردنەوە بۆ خۆڕاگریی بیرۆكە چاكسازییەكانی سەرۆك وەزیران كە تائێستاش لە ئەدەبیاتی كورددا بە "دۆستی كورد" ناوی دێت و هیوامانە تا سەر وا بێت و وای پێبوترێت.


ستران عەبدوڵڵا

PUKmedia /كوردستانی نوێ

وێنە هەواڵ
  • image04
  • سه‌رۆك مام جه‌لال: ئه‌م قۆناغه‌ هه‌ستیاره‌ پێویستی به‌ یه‌كڕیزییه‌

  • image04
  • سه‌ركرده‌كانی دوێنێ و ئه‌مڕۆ

  • image04
  • پیاوێك زێڕی ژنه‌كه‌ی ده‌دزێت

  • image04
  • 14 ساڵ به‌سه‌ر كردنه‌وه‌ی فڕۆكه‌خانه‌ی سلێمانیدا تێده‌په‌ڕێت

  • image04
  • شێرێكی عیراقی مافی په‌نابه‌ری له‌هۆڵه‌ندا وه‌رده‌گرێت

  • image04
  • 21ساڵ به‌سه‌ر په‌یماننامه‌ی ڕۆمادا تێده‌په‌ڕێت

  • image04
  • وه‌فده‌ باڵاكه‌ی هه‌رێم گه‌یشته‌ به‌غدا

  • image04
  • یه‌كه‌مین كۆبوونه‌وه‌ی ئه‌نجومه‌نی وه‌زیرانی هه‌رێم


                                           

كۆمیته‌ی ئوسترالیا سه‌ردانی كونسوڵخانه‌ی عیراق ده‌كات


له‌سه‌ر داوای ره‌سمی باسم داود كونسوڵی گشتی كۆماری عیراقی فیدراڵ، ئه‌مڕۆ 18-7-2019، كۆمیته‌ی ڕێكخستنی (ی. ن. ك) له‌ ئوسترالیا ، ...


  ڕێكخراوی چه‌پك به‌شداری هه‌فته‌ی كه‌لتوری برۆكسلی كرد
  بەوێنە.. مەراسیمی ماڵئاوایكردن لەتەرمی هینرێتا پیرە
                                           

پێش چل ساڵ.. من له‌ناو وێنه‌ زیندوه‌كه‌ی مام جه‌لالدا


پێشمه‌رگه‌یه‌كی دێرینی یه‌كێتیی نیشتمانیی كوردستان، باس له‌ مێژووی وێنه‌یه‌كی به‌ناوبانگی سه‌رۆك مام جه‌لال ...


  ئۆغڵو: ئامه‌د به‌ره‌و شارێكی گه‌شتیاری هه‌نگاو ده‌نێت
   سزای ته‌مه‌لی: پیلان هه‌یه‌ بۆ سڕینه‌وه‌ی كورد
                                           

40 ساڵ له‌دووری شه‌هید مه‌لا عه‌لی

ئەگەر سەیرێكی مێژووی یەكێتیی نیشتمانیی كوردستان بكەیت و لەناویدا كۆمەڵە بۆت دەردەكەوێت كەم شوێن هەیەداستان وقارەمانێتی پێشمەرگەی یەكێتی وكۆمەڵەی تێدا تۆمارنەكرابێت .سەیری زیندانەكانی فاشس...


  پێش چل ساڵ.. من له‌ناو وێنه‌ زیندوه‌كه‌ی مام جه‌لالدا
   دووه‌م گه‌شتم بۆ وڵاتی چین


کاریکاتێر