ئۆتۆمبێل پیاوێكی ته‌مه‌ن 68 ساڵان ده‌كوژێت

.

له‌ناحیه‌ی حاجیاوا له‌ روداوێكی هاتوچۆدا كه‌سێك گیانی له‌ده‌ستدا.

به‌ڕێوه‌به‌رایه‌تی پۆلیسی راپه‌ڕین رایگه‌یاندوه‌، له‌ناحیه‌ی حاجیاوا ئۆتۆمبێلێك خۆی كێشا به‌هاووڵاتیێكی ته‌مه‌ن 68 ساڵاندا به‌ناوی (ع٫م) له‌ڕه‌گه‌زی نێر و له‌به‌ر سه‌ختی برینه‌كه‌ی به‌ڕێكرا بۆ نه‌خۆشخانه‌ی گشتی ڕانیه‌ دواتر هه‌ر به‌هۆی سه‌ختی برینه‌كه‌ی له‌نه‌خۆشخانه‌ گیانی له‌ده‌ستدا.

مه‌له‌فی لێكۆڵینه‌وه‌ی له‌لایه‌ن بنكه‌ی پۆلیسی ماكۆك له‌ناحیه‌ی حاجیاوا بۆكرایه‌وه‌و شۆفێری ئۆتۆمبێله‌كه‌ش به‌ناوی (ج٫ع) ته‌مه‌ن 30 ساڵان له‌ڕه‌گه‌زی نێر به‌پێی ماده‌ی 24 له‌ یاسای هاتوچۆ به‌بڕیاری دادوه‌ر ڕاگیراو لێكۆڵینه‌وه‌ له‌ ڕوداوه‌كه‌ به‌رده‌وامه‌.

PUKmedia راگه‌یاندنی به‌ڕێوه‌به‌رایه‌تی پۆلیسی ڕاپه‌ڕین