له‌ ساڵیادی كۆچی دوایی سه‌ركرده‌ عادل موراد-دا

له‌ ساڵیادی كۆچی دوایی سه‌ركرده‌ عادل موراد-دا


16/5/2019 12:05:00
چاپ کردن
بە وێنەوە    بە بێ وێنە
           
.

له‌ (18)ی ئه‌م مانگه‌دا ساڵێك به‌سه‌ر كۆچی دوایی كاك عادل موراد یه‌كێك له‌دامه‌زرێنه‌رانی یه‌كێتیی نیشتمانیی كوردستان‌و سكرتێری ئه‌نجومه‌نی ناوه‌ندی یه‌كێتی تێده‌په‌ڕێت، به‌ له‌ده‌ستدانی كاك عادل، خانه‌واده‌كه‌ی‌و یه‌كێتییه‌كان‌و گه‌ل‌و نه‌ته‌وه‌كه‌مان به‌گشتی سه‌ركرده‌یه‌كی بوێرو ئازاو پاكیان له‌ده‌ستدا، كه‌ بۆ ئه‌مڕۆی خه‌باتی گه‌له‌كه‌مان هه‌رگیز قه‌ره‌بوو ناكرێته‌وه‌.

كاك عادل له‌ بنه‌ماڵه‌یه‌كی دیاری كوردانی فه‌یلی شاری به‌غداد بوو، هه‌ر له‌سه‌ره‌تای لاویه‌تیدا له‌ یه‌كێتی قوتابیانی كوردستان‌و شۆڕشی ئه‌یلولدا، ده‌ستی به‌خه‌باتكرد، له‌دوای به‌یانی (11) ئازاری ساڵی (1970)یش كه‌ ئه‌وكاته‌ كاك عادل سكرتێری یه‌كێتی قوتابیانی كوردستان بوو له‌ململانێی گه‌رمی ئه‌وكاته‌ له‌گه‌ڵ به‌عسییه‌كان‌و یه‌كێتی قوتابیانی گشتی سه‌ر به‌به‌عسییه‌كان، كاك عادل ئازایانه‌ وه‌ك سه‌ركرده‌یه‌ك له‌م قۆناغه‌ ده‌ركه‌وت.

له‌دوای هه‌ره‌سی شۆڕشی ئه‌یلولیش (1975) كاك عادل سه‌نگه‌ری خه‌باتی چۆڵنه‌كردو به‌دوای سه‌رله‌نوێ دروستكردنه‌وه‌ی شۆڕش‌و مقاوه‌مه‌تدا ده‌گه‌ڕا، بۆ ئه‌مه‌ش هه‌ر زوو چووه‌ سوریاو دواتر به‌پیر بانگه‌وازی ئه‌وكاته‌ی سه‌رۆك مام جه‌لال چوو كه‌ له‌گه‌ڵ ژماره‌یه‌ك له‌ هه‌ڤاڵه‌كانی، یه‌كێتی نیشتمانیی كوردستانیان دامه‌زراندو دوای ساڵێكیش له‌دامه‌زراندنی یه‌كێتی نیشتمانی كوردستان‌و به‌هه‌ماهه‌نگی له‌گه‌ڵ هه‌ڤاڵانی ناوخۆی كوردستان، شۆڕشی نوێی گه‌له‌كه‌مانیان راگه‌یاند، كاك عادل به‌درێژایی هه‌موو ئه‌و ماوه‌، كه‌ زیاتر له‌ نیو سه‌ده‌ خه‌بات ده‌كات ئازایانه‌و به‌بێ دابڕان درێژه‌ی به‌و خه‌باته‌داو له‌هه‌موو بواره‌كانی ئه‌و تێكۆشانه‌ رۆڵێكی دیارو به‌رچاوی هه‌بوو، به‌تایبه‌تیش له‌بواری په‌یوه‌ندییه‌كان‌و كاری راگه‌یاندن‌و ئه‌رشیفكردن و دیبلۆماسیدا خاوه‌نی ئه‌زموونێكی زۆر بوو.

خوالێخۆشبوو كاك عادل مراد، له‌كه‌سه‌ نزیك‌و باوه‌ڕپێكراوه‌كانی سه‌رۆك مام جه‌لال بوو، له‌و ساڵانه‌ی دوایشدا كه‌ چ له‌نێوخۆی یه‌كێتی‌و چ له‌سه‌ر ئاستی كوردستان‌و حوكمڕانیدا، گه‌نده‌ڵی هه‌ڕه‌شه‌یه‌كی گه‌وره‌ی له‌سه‌ر ئاینده‌ی گه‌ل‌و نه‌ته‌وه‌كه‌مان دروستكردبوو، كاك عادل وه‌ك سه‌ركرده‌‌و كه‌سایه‌تییه‌كی دیارو خاوه‌ن هه‌ڵوێست‌و خاوه‌ن ئه‌زموون دژ به‌و دیارده‌یه‌ وه‌ستایه‌وه‌، كه‌ له‌م هه‌ڵوێسته‌داو له‌هه‌ڵوێسته‌ نه‌ته‌وه‌ییه‌كانیدا به‌گشتی كێشه‌و گرفتی زۆری بۆ دروستكرا. له‌كۆتایشدا ده‌بێ ئه‌وه‌ بڵێم كه‌ كاك عادل چۆن له‌ هه‌ڵوێسته‌كانیدا هه‌میشه‌ ئازاو خۆڕاگر‌و بوێر بوو ساڵانێكیش، له‌به‌رامبه‌ر نه‌خۆشیه‌كه‌ی به‌هه‌مان شێوه‌ بوو.
له‌ساڵیادی كۆچی دوایی كاك عادل دا سڵاو له‌ گیانی پاكی ئه‌و سه‌ركرده‌ دڵسۆزه‌ی گه‌له‌كه‌مان‌و سه‌رجه‌م شه‌هیدانی گه‌ل و نه‌ته‌وه‌كه‌مان.


نوسینی / قادر عه‌زیز


PUKmedia تایبه‌ت

وێنە هەواڵ
  • image04
  • پیاوێك زێڕی ژنه‌كه‌ی ده‌دزێت

  • image04
  • 14 ساڵ به‌سه‌ر كردنه‌وه‌ی فڕۆكه‌خانه‌ی سلێمانیدا تێده‌په‌ڕێت

  • image04
  • شێرێكی عیراقی مافی په‌نابه‌ری له‌هۆڵه‌ندا وه‌رده‌گرێت

  • image04
  • 21ساڵ به‌سه‌ر په‌یماننامه‌ی ڕۆمادا تێده‌په‌ڕێت

  • image04
  • وه‌فده‌ باڵاكه‌ی هه‌رێم گه‌یشته‌ به‌غدا

  • image04
  • یه‌كه‌مین كۆبوونه‌وه‌ی ئه‌نجومه‌نی وه‌زیرانی هه‌رێم

  • image04
  • نیویۆرك چه‌ند سه‌عاتێكی به‌بێ كاره‌با به‌ڕێكرد

  • image04
  • هەولێر...كۆگایەك گڕدەگرێت


                                           

كۆمیته‌ی ئوسترالیا سه‌ردانی كونسوڵخانه‌ی عیراق ده‌كات


له‌سه‌ر داوای ره‌سمی باسم داود كونسوڵی گشتی كۆماری عیراقی فیدراڵ، ئه‌مڕۆ 18-7-2019، كۆمیته‌ی ڕێكخستنی (ی. ن. ك) له‌ ئوسترالیا ، ...


  ڕێكخراوی چه‌پك به‌شداری هه‌فته‌ی كه‌لتوری برۆكسلی كرد
  بەوێنە.. مەراسیمی ماڵئاوایكردن لەتەرمی هینرێتا پیرە
                                           

ئۆغڵو: ئامه‌د به‌ره‌و شارێكی گه‌شتیاری هه‌نگاو ده‌نێت


ئۆزگور محه‌مه‌د ئۆغڵو: پارێزگای ئامه‌د له‌بواری گه‌شتوگوزار پێشكه‌وتنێكی به‌رچاوی به‌خۆیه‌وه‌ بینیوه‌و ساڵانه‌ش (3) ملیۆن و (50...


   سزای ته‌مه‌لی: پیلان هه‌یه‌ بۆ سڕینه‌وه‌ی كورد
  یەكێتیی لە هەموو جومگەكانی بڕیاردان پۆستی دەبێت
                                           

دووه‌م گه‌شتم بۆ وڵاتی چین

ماوه‌ی 12 ساڵه‌ له‌ هه‌موو بواره‌كاندا : سیاسی، ئابووری، ته‌كنه‌لۆژی ، فه‌رهه‌نگی ، كۆمه‌ڵایه‌تیی. به&z...


  فڕۆكه‌خانه‌ی سلێمانی.. فڕین به‌سه‌ر ئاسمان و ناوبانگدا
  چۆنێتی جیاكردنه‌وه‌ی ماستی ساخته‌ و ماستی سروشتی


کاریکاتێر