به‌رهه‌مه‌ نوێیه‌كه‌ی غوڵامی بۆ كۆڵبه‌رانه‌

.

هونه‌رمه‌ندی ناوداری كورد نه‌جمه‌دین غوڵامی، دوایین كاری هونه‌ری بۆ كۆڵبه‌رانی رۆژهه‌ڵاتی كوردستانه‌ و به‌ڕێوه‌به‌ری رۆشنبیری سلێمانیش پیشتیوانی بۆ ئه‌و كاره‌ هونه‌رییه‌ ده‌ربڕی.

ئه‌مڕۆ چوارشه‌ممه‌ 13-3-2019  هونه‌رمه‌ندی ناوداری كورد نه‌جمه‌دین غوڵامی سه‌ردانی به‌ڕێوه‌به‌رایه‌تی ڕۆشنبیری سلێمانی كرد و له‌لایه‌ن بابه‌كر دڕه‌یی به‌ڕێوه‌به‌ری گشتی ڕۆشنبیری و هونه‌ر پێشوازی لێكرا.

له‌ دیداره‌كه‌دا هونه‌رمه‌ند نه‌جمه‌دین غوڵامی باسی له‌ نوێترین كاری كرد كه‌ بۆ كۆڵبه‌رانی ڕۆژهه‌ڵاتی كوردستانه‌ و به‌رهه‌مه‌كه‌شی له‌لایه‌ن بابه‌كڕ دڕه‌ییه‌وه‌ پێشوزای  لێكرا و هه‌روه‌ها به‌ڵێنی پشتیوانی و هاوكاری به‌رهه‌مه‌كه‌ی بۆ ده‌ربڕی.

نه‌جمه‌دین غوڵامی له‌باره‌ی كاره‌كه‌یه‌وه‌ رایگه‌یاند، ئاواز و شیعری به‌رهه‌مه‌ نوێیه‌كه‌ی هی خۆیه‌تی و به‌ نیازیشه‌ به‌م نزیكانه‌ كلیپێكی بۆ بكات.

به‌هۆی سه‌ختی ژیان و باری ئابوری ڕۆژهه‌ڵاتی كوردستان، كوردانی ڕۆژهه‌ڵات به‌شێوه‌یه‌كی به‌رفراوان كاری كۆڵبه‌ری ده‌كه‌ن، به‌هۆی ته‌قه‌ی هێزه‌كانی ئێرانیشه‌وه‌ ساڵانه‌ ده‌یان كۆڵبه‌ر شه‌هید و بریندار ده‌كرێت و ئه‌م كاره‌ی نه‌جمه‌دینی غوڵامیش بۆ دۆخی ناهه‌موای ئه‌و كۆڵبه‌رانه‌یه‌.

PUKmedia ڕاگه‌یاندنی به‌ڕێوه‌به‌رایه‌تی ڕۆشنبیری سلێمانی