كوردانی تاراوگه‌ به‌شداری هه‌ڵبژاردن ناكه‌ن

.

كوردانی تاراوگه‌ تاكو ئێستا ته‌نها یه‌ك هه‌ڵبژاردنی په‌رله‌مانی كوردستان ده‌نگیانداوه‌، كۆمسیۆنیش ئاماژه‌ به‌نه‌بوونی تۆماری ده‌نگده‌رانیان ده‌كات.

سڵێمان مسته‌فا، جێگری سه‌رۆكی كۆمسیۆنی باڵای سه‌ربه‌خۆی هه‌ڵبژاردن و راپرسی هه‌رێم رایگه‌یاندوه‌:" کوردانی تاراوگە ناتوانن بەشداریی ھەڵبژاردنی پەرلەمانی کوردستان بکەن. 

ئاماژه‌ی به‌وه‌شداوه‌:" تا ئێستا کوردانی تاراوگە تەنھا بۆ یەک خولی پەرلەمانی کوردستان دەنگیان داوە و تەنھا بەشدارییان لە ھەڵبژاردنی ئەنجومەنی نوێنەرانی عێراقدا کردووە.

رونیشكردوه‌ته‌وه‌:" تائێستا تۆماری دەنگدەرانی تاراوگەیان لەبەردەست نییە و بودجەیەکی زۆریشی پێویستە کە لەتوانای کۆمسیۆنی ھەڵبژاردن و راپرسیدا نییە.

PUKmedia كوردسات نیوز