}

دگەل هاتنا جەژنێ بهایێ كرینا پەزی وئاژەلی ل بازاریدا گرانبویە

کوردستان 07:16 PM - 2021-07-18

.

دگەل هاتنا جەژنا قوربان، بهایێ كەل وپەلێن خارنێ، و گوشتی پەزی و مریشكا ل ناڤا بازارێ گرانبوینەو ل مەیدانكا دلبی یا فروتنا پەزی وئاژەلی لدهوكێ داخازیەكا مەزن ل سەر گرین وفروتنا پەزی هەیە ژبو دان وەك قوربانی بو جەژنێ ، وجێوازی دگەل سالێن دەرباز درباری بهای گرانترە .

عەبدلرحمان باپیر قەساب، ئێك ژ سەر برین پەزی و ئاژەلی لدهوكێ تایبەت بو PUKmedia راگەهاند و گوت: ئەف سالە دگەل سالێن دەباز بوی جێوازیەكا مەزن هەیە و كرین و فروتنا پەزی گرانترە ژ سالێن دەرباز بوی دەرباری بهایێ پەزی وئاژەلی عەبدالرحمانی گوت ژی  كو بهایی ئێك سەری كاڤری  ژ 230 تا 350 هزارا دینارایە، بەران ژ 350 تا 500 هزارایەو مەهژی ، 180 تا 200 هزارایە و بزن ژ 190 تا 250 هزار دینارایە.

 هەروەسا دەرباری ئینانا پەزی و تەرش تەوالی عەبدلرحمان باپیری گوت : كو مەهو و گولك و بزن و بەرانێت نافخوی نە و كاڤر ژ دەرڤەی وەلاتی دههت تایبەت ژ سوریا دئینە هەرێما كوردستانێ.

دهێتە زانین كو بەریا نها وەزارەتا جاندنێ و ژێدەرێن ئاڤێ چەند رینما بەلافكرینە كو پێدڤیە ئەو قوربانێ دهێتە ڤەكوشتن، ساخلەم بیت، قوربان دڤێت ل سەربڕخانەیەكێ بهێنە سەرژێكرن، بۆ وێ یەكێ بەری سەرژێكرنێ پشكنین بۆ بهێنە كرن و ژ ساخلەمیا گۆشتی پشتراست بن، هەروەسا گۆشتێ قوربانی ل ناڤ كیسێن زەلال بهێتە بەلاڤكرن و كیسێن پاقژ و نوی بهێنە بكارئینان.

وەزارەتێ د رێنمایان دا دیار ژی كریە، سەربڕین ل ناڤا مال و كۆلانان دبیتە ئەگەرێ بەلاڤبوونا نەخۆشیان و پیسبوونا ژینگەهێ و دیاردەیەكا نەشارستانی یە ب تایبەت نوكه،‌ چونكی ‌ژمارەكا حالەتێن نەخۆشیا خوینبەربوونێ ل ئیراقێ پەیدا بووینە و دڤێت وەلاتی هاریكار و هایدار بن.

PUKmedia بەیار ئامێدی - دهۆك

 

 

ئەمانەش ببینە

زۆرترین خوێنراو