دیلان غەفور: هێرشەکەی سەیدسادق پێشێلکردنی یاسا نێودەوڵەتییەکانە

هەژماری تایبەتی دیلان غەفور لە فەیسبوک

دیلان غەفور سەرۆکی لیژنەی پەیوەندییەکانی دەرەوە لە پەرلەمانی عیراق

سەرۆکی لیژنەی پەیوەندییەکانی دەرەوە لە پەرلەمانی عیراق رایدەگەیەنێت: "ئیدانەی هێرشە درۆنیەکەی قەزای سەیدسادق دەکەین کە بووە هۆی کوژرانی دوو رۆژنامەنووسی ژن و برینداربوونی رۆژنامەنووسێکی دیکە، ئەم هێرشە پێشێلکردنی یاسا نێودەوڵەتییەکان و سەروەریی خاکی عیراقە".

دیلان غەفور سەرۆکی لیژنەی پەیوەندییەکانی دەرەوە لە پەرلەمانی عیراق بە وێبسایتی رەسمی یەکێتیی نیشتمانیی کوردستان PUKMEDIA ی راگەیاند: "ئەمڕۆ فڕۆکەی بێفڕۆکەوان لە قەزای سەیدسادق لە پارێزگای سلێمانی ئۆتۆمبێلێکی کردە ئامانج کە تێیدا دوو ڕۆژنامەنوسی ژن کوژران و ڕۆژنامەنووسێکی دیکەش برینداربوو، ئێمە زۆر بە تووندی ئیدانەی ئەو هێرشە درۆنییەو کردنە ئامانجی ڕۆژنامەنووسان دەکەین، هێرشەکە تاوانێکی پاساوهەڵنەگرە و پێشێلکردنی یاسا نێودەوڵەتییەکان و سەروەریی خاکی عێراقە".

"جێی داخە ئەو رووداوانەو کردنە ئامانجی هاوڵاتییانی مەدەنی چەندبارە دەبنەوە، ئەگەر لە رووداوەکانی پێشووتردا هەڵوێستی جددی و بەرپرسیارانە وەربگیرایەو سنوورێک بۆ ئەو دەستدرێژییانە دابنرایە، ئەم ڕووداوە ناخهەژێنەی ئەمڕۆ ڕووی نەدەدا"، دیلان غەفور وادەڵێت.

سەرۆکی لیژنەی پەیوەندییەکانی دەرەوە لە پەرلەمانی عیراق ئاماژەی ەبوەشداوە: "ئەرکی حکومەتی عیراقە دەستبەجێ هەموو رێگایەک بگرێتەبەر بۆ ڕێگریی لەوهێرشانەو دووبارە نەبوونەوەیان و لێپرسینەوەی یاسایی لە ئەنجامدەرانیان".
PUKMEDIA