شاڵاو کۆسرەت رەسوڵ: یەکێتی ئامادەیە بۆ هەڵبژاردن

PUKMEDIA

کۆنگرەی رۆژنامەوانی شاڵاو کۆسرەت رەسوڵ

شاڵاو کۆسرەت رەسوڵ سەردانی کونسوڵخانەی ئێرانی لە هەولێر کرد و پرسە و هاوخەمی یەکێتی پێگەیاندن، دواتریش لە کۆنگرەیەکی رۆژنامەوانیدا وتی: "یەکێتیی نیشتمانیی کوردستان ئامادەیە بۆ هەڵبژاردن".

ئێران کۆمەڵێک سەرکردەی لەدەستدا

شاڵاو كۆسرەت رەسوڵ ئەمڕۆ سێشەممە 21ـی 5ـی 2024، سەردانی كونوسڵخانەی ئێرانی لەهەولێر كرد و لەكۆنگرەیەكی رۆژنامەوانیدا رایگەیاند: "بەداخەوە کۆماری ئیسلامی ئێران کۆمەڵێک سەرکردەی خزمەتکاری وڵاتەکەی لەدەستدا، وەک یەکێتیی نیشتمانیی کوردستان و کاک بافڵ و سەرکردایەتی یەکێتی هاوخەمی خۆمان گەیاندە کونسوڵخانەی ئێران لە هەولێر و لەرێگای ئەوانیشەوە بۆ تاران و باڵیۆزخانەی ئێران لە عیراق".

"ئەمە یەکەم قوربانیدانی کۆماری ئیسلامی ئێران نییە، لەپێناو خاکەکی و ناوچەکەدا قوربانی زۆر گەورەی داوە، ئەوەش دەبێتە هێزێک کە بتوانن ئەو ناخۆشی و خەم و بەڵایەی کە توشیان بوو تێی بپەڕێنن و بە هێزێکی زیاترەوە خەبات و تێکۆشان بکەن"، شاڵاو کۆسرەت رەسوڵ وادەڵێت.

یەکێتی ئامادەی هەڵبژاردنە

شاڵاو کۆسرەت رەسوڵ راشیگەیاند: "وەکو یەکێتیی نیشتمانیی کوردستان ئامادەی هەڵبژاردن بووین و ئێستاش ئامادەین، هەروەها لە کۆتا کۆبوونەوەمان لە مەکتەبی سیاسی و سەرکردایەتی لەگەڵ ئەوەدابووین لەکاتی خۆیدا هەڵبژاردن بکرێت، هەر کاتێکیش بێت ئامادەین".
PUKMEDIA