مەکتەبی سکرتارییەت: بەرهەمەکانی مامۆستا ئەنوەر قەرەداغی سەرمایەیەکی بەنرخن

PUKMEDIA

سەردانی وەفدێکی مەکتەبی سکرتارییەت بۆلای مامۆستا ئەنوەر قەرەداغی

ئەمڕۆ دووشەممە 2024-5-20، لەسەر راسپاردەی بافڵ جەلال تاڵەبانی سەرۆکی یەکێتیی نیشتمانیی کوردستان، قوباد تاڵەبانی لێپرسراوی مەکتەبی سکرتارییەتی سەرۆک مام جەلال، مەکتەبی سکرتارییەت لە سلێمانی سەردانی هونەرمەندی گەورەی کورد ( مامۆستا ئەنوەر قەرەداغی) یان کرد.

لەو سەردانەدا مەکتەبی سکرتارییەت لە نزیکەوە لە تەندروستی مامۆستا ئەنوەر قەرەداغی-یان پرسییەوە و هیوای تەندروست باشیان بۆ خواست.

مەکتەبی سکرتارییەت ستایشی رۆڵ و خزمەت و بەخششەکانی مامۆستا ئەنوەر قەرەداغی-یان کرد کە لە بواری هونەر و میوزیکدا پێشکەشیکردوە و بەرهەمە هونەریی و نیشتمانییەکانی بە سەرمایەیەکی گەورە و بەنرخ لەقەڵەمیاندا و روونیانکردەوە ئاوازی سرودی مەشخەڵانی شۆڕشی نوێی لە زهن و یادەوەری هەموواندا ماوەتەوە و بۆتە بەشێک لەهەیەجانی سەرکەوتنەکانی خەباتی چەکداری شۆڕشی نوێی گەلەکەمان هەموومان شانازی پێوەدەکەین .

لەبەرامبەردا مامۆستا ئەنوەر قەرەداغی سوپاسی مەکتەبی سکرتارییەتی کرد و وتی: "ئەم بەسەرکردنەوە و لە نزیکەوە هەواڵ پرسینانە هەنگاوێکی باشە بۆ بەرزراگرتنی ناوکەسایەتی هەموو ئەو کەسانەی لە بوارە جیاجیاکاندا خزمەتیان بە گەلەکەیان کردووە".
PUKMEDIA