خەڵاتی زێڕینی بلە بە 10 کەسایەتی نمونەیی بەخشرا
کوردستان 04:30 PM - 2024-04-23![رێوڕەسمی دابەشکردنی خەڵاتی زێڕینی بلە](https://images.pukmedia.com/root/KS/152342024_8555aa.jpg)
رێوڕەسمی دابەشکردنی خەڵاتی زێڕینی بلە
خەڵاتی زێڕینی بلە لە سلێمانی بە ئامادەبوونی، بافڵ جەلال تاڵەبانی سەرۆکی یەکێتیی نیشتمانیی کوردستان و د. لەتیف جەمال رەشید سەرۆککۆماری عیراق و خاتوو گەلاوێژ خێزانی رووناکبیر ئیبراهیم ئەحمەد و خاتوو شاناز ئیبراهیم ئەحمەد خانمی یەکەمی عیراق و ژمارەیەکی زۆر لە میوانانی هەر چوار پارچەی کوردستان، بە 10 کەسایەتی نمونەیی بەخشرا.
لە مەراسیمەکەدا خەڵاتی زێڕینی بلە دەبەخشرێتە 10 کەسایەتی دیار لە هەر چوار پارچەی کوردستان کە بوونەتە سیمبول لە بوارە جیاجیاکاندا.
سەرەتای مەراسیمەکە بە دەقیقەیەک وەستان بۆ گیانی پاکی مامۆستا ئیبراهیم ئەحمەد و سەرجەم شەهیدانی کوردستان بە مارشی ئەی رەقیب دەستیپێکرد، پاشان ژیاننامەی مامۆستا ئیبراهیم ئەحمەد لە ڤیدیۆیەکی بەڵگەنامەییدا پێشکەشکرا.
دواتر لە کورتە ڤیدیۆیەکدا پلاتفۆڕمی بلە بۆ وەرگێڕانی دەق ناسێندرا و تیشک خرایە سەر کارەکانی.
دواتر شاناز ئیبراهیم ئەحمەد خانمی یەکەمی عیراق و سەرۆکی دامەزراوەی ئیبراهیم ئەحمەد رایگەیاند: "ئەم خەڵاتە دوای دەستپێکردن و دابەشکردنی گۆڕانکاری بەسەرداهات، لە چوارچێوەی کەسە خەمخۆر و دڵسۆزەکان، داوای لێبوردن لەو ئازیزانە دەکەم کە شایستەی خەڵاتکردنن و لەبەر زۆری ژمارەیان ناتوانین هەموویان بەسەر بکەینەوە".
"گەلی کورد چەوساوە و خاوەن دۆستێکی کەمە، خۆشمان لەناو خۆماندا یەک نین و دەرسمان لە مێژوو وەرنەگرتووە، ئێستا کە لە سەردەمی هەستیاری مێژووییدا تێدەپەڕین کە هەست بە مەترسییەکانی سەر هەرێمەکەمان دەکەین، بەداخەوە هەنگاوی جدی نابینین بۆ چارەسەرکردنی کێشەکان"، شاناز ئیبراهیم ئەحمەد وادەڵیت.
دابەشکردنی خەڵاتەکان
- مامۆستا ئیبراهیم ئەمین باڵدار خەڵاتی زێڕینی بلەی لە بواری پەروەردە و دانانی ئەلف و بێی کوردی پێبەخشراو لەلایەن ئەحمەد ئازاد باڵدار کوڕەزای مامۆستا ئیبراهیم ئەمین باڵدار خەڵاتەکە وەرگیرا.
- مامۆستا عەلی ئەکبەر مورادی خەڵاتی زێڕینی بلەی لەپای خزمەتکردن بە میوزیکی کوردی پێبەخشرا.
-د. ئەختەر نەجمەدین خەڵاتی زێڕینی بلەی لەپای خزمەتکردنی بە توشبووانی شێرپەنجە پێبەخشرا.
-ناسری رەزازی خەڵاتی زێڕینی بلەی لەپای خزمەتکردنی بە هونەری رەسەنی کوردی پێبەخشرا.
-خالید جاف کە بەڵگەنامەکانی کوردستانیبوونی کەرکوک دەسەلمێنێت خەڵاتی زێڕینی بلەی پێبەخشرا.
- د. شێرکۆ عەبدوڵڵا خەڵاتی زێڕینی بلەی لەپای خزمەتکردنی بە بواری نووسینی تەنز پێبەخشرا.
-هونەرمەند سەید عەلی ئەسغەری کوردستانی خەڵاتی زێڕینی بلەی لەپای خزمەتکردنی بە بواری هونەری کوردی پێبەخشرا و لەلایەن راشید بابە شەهابی کوڕەزای هونەرمەند سەید عەلی ئەسغەری کوردستانی خەڵاتەکە وەرگیرا.
-د. جوان حەمی خەڵاتی زێڕینی بلەی لەپای ئەو خزمەتەی بە بریندارانی شەڕی داعشی کردووە لەلایەن بافڵ جەلال تاڵەبانی سەرۆکی یەکێتیی نیشتمانیی کوردستانەوە پێبەخشرا و خەڵاتەکەش لەلایەن د. جاویدان کەمال وەرگیرا.
سەرۆک بافڵ پێشنیارێک بۆ ئیبراهیم فاوندەیشن دەکات
لەپاش پێشکەشکردنی خەڵاتەکەش بافڵ جەلال تاڵەبانی سەرۆکی یەکێتیی نیشتمانیی کوردستان لە وتەیەکدا پێشنیاری بۆ فاوندەیشن ئیبراهیم ئەحمەد کرد کە "بۆ ساڵی داهاتوو یەکێک لە خەڵاتەکانی زێڕینی بلە بە شەهید هەڤاڵ عەبدۆ ببەخشرێت، چونکە شەهید هەڤاڵ عەبدۆ، شەهیدی هەموو کوردستانە و مافی خۆیەتی ئەو خەڵاتەی پێ ببەخشرێت، هاوکات پشتیوانییەکیشە بۆ هەموو خوشک و براکانمان لە سوریا و هەموو کوردێک کە خەبات دەکات بۆ کوردستانێکی سەربەرز، لەگەڵ ئەوەشدا پەیامێکە بۆ نەیارانمان و ئەو خائینانەی لەگەڵ نەیارانمان کاردەکەن، کە پێیان دەڵێین (هەر کورد بووین و هەر کورد دەبین)".
-حاجی فەییم خەڵاتی زێڕینی بلەی وەک تاقانەی ئەنفال پێبەخشرا و خەڵاتەکەش لەلایەن خاتوو شاناز ئیبراهیم ئەحمەد خانمی یەکەمی عیراق پێشکەشکرا.
-د. عەلی بەدرخان خەڵاتی زێڕینی بلەی وەک سینەماکاری گەورەی کورد لە میسر پێبەخشرا و خەڵاتەکەش لەلایەن د. لەتیف جەمال رەشید سەرۆککۆماری عیراق-ەوە پێشکەشکرا.
PUKMEDIA
هەواڵی زیاتر
-
شێخ جەعفەر: هەڵبژاردن ئامرازی گۆرانکاری سیاسیی و ئابوورییە
12:25 PM - 2024-07-27 -
سەرۆکی فەڕەنسا پێشوازی لە سەرۆککۆماری عیراق دەکات
07:23 PM - 2024-07-26 -
پەیامی پیرۆزبایی مەکتەبی سیاسی بۆ بزوتنەوەی گۆڕان
08:19 PM - 2024-07-25 -
سهرۆكی فراكسیۆنی یهكێتی: ئهركی پارێزگاری نهینهوایه گۆڕانكارییه ئیدارییهكان دهستپێبكات
05:26 PM - 2024-07-25
ئەمانەش ببینە
شێخ جەعفەر: بە هەڵبژاردن هەرێم رزگار دەکرێت
12:12 PM - 2024-07-26
داهاتی هەفتەی رابردووی سلێمانی نزیکەی 16 ملیار دینارە
09:34 AM - 2024-07-26
سەرۆک بافڵ بۆ هێزی کۆماندۆ: ئەرکتان پاراستنی ئارامی و ژیانی خەڵکە
08:13 PM - 2024-07-25
پەرلەمانتارێک : 21 جۆر باجی نایاسایی لەهەرێم وەردەگیرێن
03:52 PM - 2024-07-25
زۆرترین خوێنراو
-
شێخ جەعفەر: هەڵبژاردن ئامرازی گۆرانکاری سیاسیی و ئابوورییە
کوردستان 12:25 PM - 2024-07-27 -
کۆمسیۆن لەمانگی ئابدا ژمارە بە حزب و کاندیدەکان دەدات
کوردستان 12:18 PM - 2024-07-27 -
شاڵاو کۆسرەت رەسوڵ سەردانی ژمارەیەک تێکۆشەر دەکات
ی ن ک 07:39 PM - 2024-07-26 -
سەرۆکی فەڕەنسا پێشوازی لە سەرۆککۆماری عیراق دەکات
عیراق 07:23 PM - 2024-07-26 -
پرسەنامەی سەرۆک بافڵ بۆ خانەوادەی حاجی خدر عەبدوڵای قامیشی
پرسەنامە 02:48 PM - 2024-07-26 -
نرخی نادەین و هەمووشمان دەوێت
بیروڕا 01:18 PM - 2024-07-26 -
شێخ جەعفەر: بە هەڵبژاردن هەرێم رزگار دەکرێت
کوردستان 12:12 PM - 2024-07-26