هاوخەمییەکان بۆکۆچیدوای فەرماندەی دێرین حەسەن ئەحمەد

PUKMEDIA

فەرماندە حەسەن

پرسەنامە و هاوخەمییەکان بۆ کۆچی دوایی پێشمەرگەی دێرین و فەرماندە حەسەن ئەحمەد ئیسماعیل.

پرسەنامەی سەرۆک بافڵ...

‎کۆچی دوایی هەڤاڵ حەسەن ئەحمەد ئیسماعیل، ناسراو بە (مام  حەسەن شیرەیی) پێشمەرگەی قارەمان و فەرماندەی رۆژە سەختەكانی خەبات، لەدڵەوە نیگەرانیكردم.

‎بۆ ئەم خەمە گەورەیە پرسە و هاوخەمیی قووڵی خۆمان ئاڕاستەی کەسوکار و بنەماڵە سەربەرزەکەیان دەکەم و هاوبەشی خەمیانم.

‎مام حەسەن تێكۆشەرێكی دڵسۆز و بەئەمەكی دیاری دۆڵی بالیسان و خۆشناوەتی بوو، وەك فەرماندەیەك هەمیشە لەخزمەت خاكی كوردستان و ریزەكانی یەكێتیدا بوو. بنەماڵەكەشی رۆڵێكی بەرچاو و كاریگەرییان لەمێژووی خەباتی گەلەكەمان هەبووە و نموونەی تێكۆشان و قوربانیدانن.

‎لەخوای گەورە داواكارم هەڤاڵی كۆچكردوومان بە بەهەشتی بەرین شادبكات و سەبووری بەهەموولایەك ببەخشێت.

‎دڵسۆزتان
‎بافڵ جەلال تاڵەبانی
‎سەرۆکی یەکێتیی نیشتمانیی کوردستان

پرسەنامەی مەکتەبی سیاسی....

بەرێزان   کوڕان و كەسوكار و خانەوادەی تێكۆشەر و پێشمەرگەى دێرین ( مام حەسەن شیرەیی)

بە خەمێكی قوڵەوە هەواڵی كۆچی دوایی فەرماندەی رۆژە سەختەكانی خەبات  و تێكۆشەری ناوچەی خۆشناوەتی و دۆڵی بالیسان  هەڤال حەسەن ئەحمەد ئیسماعیل ناسراو بە(مام حەسەن شیرەیی)مان   پێگەیشت  و خۆمان بە هاوبەشی پرسە و ماتەمتان دەزانین


بۆ كۆچی دوایی  ئەم تێكۆشەرەی كوردایەتی و رێبازی یەكێتی  داواكارین لەیەزدانی مەزن  سەبوری بە ئێوەی بەرێز و گشت خانەوادەكەتان ببەخشێت و كۆچكردوش بە بەهەشتی بەرین شاد بكات

مەكتەبی سیاسی
یەكێتیی نیشتمانیی كوردستان

پرسەنامەی قوباد تاڵەبانی...

بەڕێزان خێزان و خانەوادەی مام حەسەن شیرەیی

بەبیستنی هەواڵى کۆچی دوایی (حەسەن ئەحمەد ئیسماعیل)، نیگەران و دڵگران بووم.

کۆچکردوو مام حەسەن شیرەیی تێکۆشەری دێرین و پێشمەرگە و خەباتکارێکی بەئەمەکی یەکێتی نیشتمانی کوردستان و کەسایەتیەکی دیار و ناسراوی کۆمەڵایەتی دۆڵی بالیسان و خۆشناوەتی و گوندی شیرەی سەروو بوو، کۆچکردنی جێگای داخە.

بەم بۆنە غەمناکەوە پرسەو سەرەخۆشی لەئێوە و خانەوادە نیشتمانپەروەرەکەتان دەکەم و هاوبەشی خەمتانم.

خواى گەورە لەکۆچکردوو خۆش بێت و جێگاى بەهەشت بێت، سەبورى و دڵنەواییش بەهەموو لایەک ببەخشێت.

انا لله و انا الیه راجعون

قوباد تاڵەبانی
لێپرسراوی مەکتەبی سکرتارییەتی سەرۆک مام جەلال

PUKMEDIA