پێشێلكارییه‌كان له‌هه‌رێم جارێكی دیكه‌ كونسوڵخانه‌ی ئه‌مریكا نیگه‌ران ده‌كات

PUKMEDIA

لۆگۆی کونسوڵخانەی ئەمریکا

كونسوڵخانه‌ی ئه‌مریكا له‌هه‌ولێر نیگه‌رانی ده‌رده‌بڕێت به‌رامبه‌ر به‌پێشێلكاری ئازادی راگه‌یاندن له‌دهۆك و رێگری له‌ رۆماڵكردنی سه‌ردانی سه‌رۆك وه‌زیرانی هه‌رێمی كوردستان بۆ هه‌ڵه‌بجه‌.

كونسوڵخانه‌ی ئه‌مریكا له‌په‌یامێكیدا كه‌ لە تۆڕی كۆمه‌ڵایه‌تی فه‌یسبوك بڵاویكردوه‌ته‌وه‌ رایده‌گه‌یه‌نێت:" نیگه‌رانین له‌پێشێلكاریه‌كانی ئه‌م دواییه‌ی سه‌ر ئازادیی ڕ‌اگه‌یاندن، له‌وانه‌ ده‌ستگیركردنی ڕ‌ۆژنامه‌نوس و چالاكوان له‌ شاری دهۆك له‌هه‌فته‌ی ڕ‌ابردووداو هه‌روه‌ها ڕ‌ێگریكردن له‌ ڕ‌ووماڵی كه‌ناڵه‌كانی ڕ‌اگه‌یاندن له‌كاتی سه‌ردانه‌كه‌ی ئه‌م دواییه‌ی سه‌رۆك وه‌زیران بۆ هه‌ڵه‌بجه‌". 


 كونسوڵخانه‌ی ئه‌مریكا ئاماژه‌ بۆ ئه‌وه‌شده‌كات:"ده‌رده‌كه‌وێت ئه‌و پێشێلكارییانه‌ به‌پاڵنه‌ری سیاسی كرابێت".

هه‌روه‌ها كونسوڵخانه‌ی گشتی ئه‌مریكا پشتیوانی ده‌كات له‌جێبه‌جێكردنی ته‌واوه‌تی هه‌ردوو یاسای كاری ڕ‌ۆژنامه‌نوسی و  یاسای به‌ده‌ستهێنانی زانیاری له‌هه‌رێمی كوردستان و هه‌روه‌ها له‌توانای ئازادانه‌و سنوردارنه‌كراوی ڕ‌ۆژنامه‌نوسان بۆ ئه‌نجامدانی كاره‌كانیان ده‌كات.

PUKMEDIA