هاوخەمییەکان بۆکۆچی دوایی بریکاری پێشوی وەزارەتی دارایی

PUKMEDIA

بریکاری پێشوی وەزارەتی دارایی

دڵشاد عوسمان بریکاری پێشووی وەزارەتی دارایی حکومەتی هەرێمی کوردستان کۆچی دوایی دەکات و پەیامی هاوخەمییەکان ئاڕاستەی خێزان و خانەوادە و هاوڕێیانی دەکرێت.

پرسەنامەی مەکتەبی سیاسی.....

بەڕێزان کەسوکاروخانەوادەی  کاک دڵشاد عوسمان                                                                                                                                                                           

بەخەمێکی قوڵەوە هەواڵی کۆچی دوایی  کاک  دڵشاد عوسمان جێگری سەرۆکی دیوانی چاودێری دارایی و  بریکاری پێشوتری وەزیری  داراییمان پێگەیشت و هاوبەشی پرسە وماتەمتانین    
                                       
کاک دڵشاد پسپۆر وشارەزایەکی  لێهاتوی  ئەو بوارە بوو ،ڕۆڵێکی بەرچاوی  هەبوو لە گەشەپێدانی دامەزراوەکانی حکومەتدا .   
   
سەبوری بۆ  ئێوەی بەڕێز و هاوکارانی  دەخوازین و لەیەزدانی مەزن داواکارین کۆچکردوو بەبەهەشتی  بەرین  شاد بکات                                                                                                                                                 
مەکتەبی سیاسی

یەکێتیی نیشتمانیی کوردستان

دەقی پرسەنامەی قوباد تاڵەبانی...........

بەڕێزان خێزان و خانەوادەی کۆچکردوو دڵشاد عوسمان

بەبیستنی هەواڵى کۆچی دوایی (دڵشاد عوسمان فتح اللە)، نیگەران و دڵگران بووم. 

کۆچکردوو دڵشاد عوسمان کەسایەتیەکی نیشتمانپەروەر، کادرێکی خەمخۆر و دڵسۆز، لەئەرک و بەرپرسیارێتیدا بەئەمەک و سەرڕاست، هەموو هەوڵێکی بۆ خزمەتکردن بوو، دوایین پلەشی لەحکومەت و دەوڵەتداریدا بریکاری وەزارەتی دارایی بوو.

بۆ ئەم خەمە، پرسە و سەرەخۆشی لەخۆتان و خانەوادەکەی دەکەم، خواى گەورە لەکۆچکردوو خۆش بێت و جێگەی بەهەشت بێت، سەبورى و دڵنەواییش بەهەموو لایەک ببەخشێت. 

انا لله وانا اليه راجعون

قوباد تاڵەبانی
جێگری سەرۆکی ئەنجومەنی وەزیران

PUKMEDIA