سبەینێ راگەیاندنی یەكێتی دووەمین كۆنفرانسی خۆی دەبەستێت
کوردستان 05:56 PM - 2024-01-10بارەگای بۆردی راگەیاندنی یەكێتیی نیشتمانیی كوردستان
بڕیارە سبەینێ پێنج شەممە، بۆردی راگەیاندنی یەكێتیی نیشتمانیی كوردستان دووەمین كۆنفرانسی خۆی ببەستێت، لێپرسراوی بۆردی راگەیاندنی یەكێتیش دەڵێت: "بەستنی كۆنفرانسەكە جگە لەوەی جێبەجێكردنی یەكێك لە راسپاردەكانی پێنجەمین كۆنگرەی یەكێتییە، هاوكات گۆڕانكاری لە پەیكەری بۆردی راگەیاندندا دەكات و سیاسەتێكی نوێ بۆ پەیامی میدیایی یەكێتی دادەڕێژێت".
كۆنفرانسی یەكێتی بۆ میدیای یەكێتی
لەتیف نێروەیی لێپرسراوی بۆردی راگەیاندنی یەكێتیی نیشتمانیی كوردستان لە لێدوانێكیدا بۆ سایتی رەسمی یەكێتی PUKMEDIA رایگەیاند: "سبەینێ 11-1-2024، دووەمین كۆنفرانسی بۆردی راگەیاندنی یەكێتی كە دەتوانین بڵێین كۆنفرانسێكی یەكێتیانەیە بۆ میدیای یەكێتی، چونكە لەسەر ئاستی سەرجەم ئۆرگان و ناوچەكانی هەرێمی كوردستان بە ناوچە جێناكۆكەكانیشەوە، لە شاری سلێمانی دەستپێدەكات.
"كۆنفرانسەكە بە بەشداری ژمارەیەكی زۆر لە رۆشنبیران و میدیاكاران و لێپرسراوی بەشی راگەیاندنی مەڵبەندەكان و نوێنەرانی سەرچاوە میدیاییەكانی یەكێتی و مامۆستایانی زانكۆو سەرجەم ئەو كەسایەتیانەی لە خەباتی شاخەوە كاری میدیاییان كردووە بەڕێوەدەچێت، كە ژمارەی ئەندامانی كۆنفرانس نزیكەی 350 ئەندامن، ئەمە جگە لەوەی كەژمارەیەك كەسایەتی ئەكادیمی دیكەی هەڵبژێردراو كە ژمارەیان 40 كەس دەبێت بەشدار دەبن، هاوكات ژمارەیەكی زۆر لە ئەندامانی مەكتەبی سیاسی و سەركردایەتی و وەزیری رۆشنبیری و پارێزگاری سلێمانی بەشداری كۆنفرانسی بۆردی راگەیاندن دەكەن" لەتیف نێروەیی وادەڵێت.
وتاری سەرۆك بافڵ دەخوێندرێتەوە
لێپرسراوی بۆردی راگەیاندنی یەكێتیی نیشتمانیی كوردستان راشیگەیاند: "لە كۆنفرانسەكەدا وتاری بافڵ جەلال تاڵەبانی سەرۆكی یەكێتیی نیشتمانیی كوردستان دەخوێندرێتەوە، هاوكات عیماد ئەحمەد ئەندامی مەكتەبی سیاسی و لێپرسراوی مەكتەبی راگەیاندن و هۆشیاری وتاری مەكتەب دەخوێنێتەوە و پاشان بەندە راپۆرتی گشتی بۆردی راگەیاندن پێشكەش دەكەم".
ئەوەشی راگەیاند: "هەر لە كۆنفرانسەكەی سبەینێدا، پێنج لیژنە بۆ راپەڕاندنی كارەكان پێكدەهێندرێن كە شوێنیان بۆ دیاریكراوە، كۆنفرانسەكەش ماوەی دوو رۆژ دەخایەنێت".
ئامانجی كۆنفرانس
"ئامانج لە كۆنفرانسەكەش جێبەجێكردنی یەكێكی دیكەیە لە راسپاردەی پێنجەمین كۆنگرەی یەكێتیی نیشتمانیی كوردستان و رێكخستنەوەی پەیكەری بۆردی راگەیاندن و داڕشتنی سیاسەتێكی نوێی پەیامی میدیایی یەكێتی و هەروەها دەستنیشانكردنی چەند راسپاردەیەكە لەبارەی باشتركردنی میدیای یەكێتی و پاشان ئاڕاستەكردنی راسپاردەكانە بۆ سەرۆك بافڵ و مەكتەبی سیاسی، دڵنیاشین راسپاردەكان بەشێوازێك دەبن كە خزمەت بە میدیای یەكێتی بكەن و بەشێك لەو كەموكوڕیانەی لە میدیای یەكێتیدا هەن چارەسەر بكرێن و گەشەی زیاتر بكات" لەتیف نێروەیی وادەڵێت.
لێپرسراوی بۆردی راگەیاندنی یەكێتیی نیشتمانیی كوردستان ئاماژەی بەوەشدا: "ئەو بابەتانەشی پەیوەستن بە پەیكەربەندییەوە كە پەیوەستیشن بە پەیڕەوی كاری راگەیاندنەوە، لەو پەیڕەوەشەوە پێشنیار دەكەین كە میدیای یەكێتیش بەرەو دامەزراوەیی بڕوات و ئەو كەناڵانەی كاری میدیاییان وەكویەكە بكەونە یەك ستوونەوە، كە بێگومان ئەم پرسانە لە كۆنفرانسدا لەلایەن میدیاكارانی یەكێتی و كەسانی پسپۆڕەوە تاوتوێ دەكرێن و بڕیاری دروستیان لەبارەوە دەدرێت".
PUKMEDIA
هەواڵی زیاتر
-
ئێران گیانلەدەستدانی سەرۆککۆمار و وەفدی یاوەری راگەیاند
10:46 AM - 2024-05-20 -
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
06:12 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
02:29 PM - 2024-05-19
ئەمانەش ببینە
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
09:45 PM - 2024-05-19
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
٧٤ هەمین هەفتانەی دیجیتاڵی ئینگلیزی بڵاودەكرێتەوە
09:02 AM - 2024-05-19
زۆرترین خوێنراو
-
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
کوردستان 12:50 PM - 2024-05-19 -
کاك نەوشیروان و ساڵڕۆژی یەکەمین هەڵبژاردنی پەرلەمانیی
بیروڕا 10:18 AM - 2024-05-19 -
19-5 ههرێمی كوردستان یهكهمین ههڵبژاردنی ئازادی ئهنجامدا
کوردستان 09:54 AM - 2024-05-19 -
یادی یەکەم هەڵبژاردنمان و یەکەم دانیشتنی پەکخستنتان!
کوردستان 09:43 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
کوردستان 09:16 AM - 2024-05-19