سەرۆك بافڵ قەڵغانی شكۆمەندی بە مستەفا چاوڕەش دەبەخشێت
کوردستان 03:32 PM - 2023-11-29![سەرۆك بافڵ، مستەفا چاوڕەش، جەعفەر شێخ مستەفا، لیوا روكن عومەر ساڵح](https://images.pukmedia.com/root/KS/1229112023_PU866666GO.jpg)
سەرۆك بافڵ، مستەفا چاوڕەش، جەعفەر شێخ مستەفا، لیوا روكن عومەر ساڵح
بافڵ جەلال تاڵەبانی سەرۆكی یەكێتیی نیشتمانیی كوردستان، قەڵغانی شكۆمەندی، رێز و پێزانینی نیوسەدە پێشمەرگایەتی، خەباتی بێدابڕان و بەشداریی كاریگەری لە شۆڕشی نوێ وەك فەرماندە و قارەمانێكی گەلی كورد بەخشییە هەڤاڵ مستەفا چاوڕەش.
بە ئامادەبوونی بافڵ جەلال تاڵەبانی سەرۆكی یەكێتیی نیشتمانیی كوردستان و جەعفەر شێخ مستەفا جێگری سەرۆكی هەرێم و ژمارەیەكی بەرچاو لە لێپرسراوانی حكومی، حزبی، ئەمنی، سەربازی، فەرماندە و ئەفسەرانی هێزی پێشمەرگە لە بارەگای فەرماندەیی گشتیی رێوڕەسمی رێزلێنان و ماڵئاوایی بەبۆنەی كۆتاییهاتنی ئەركی هەڤاڵ مستەفا چاوڕەش لە فەرماندەیی هێزەكانی ٧٠ بەڕێوەچوو.
لە رێوڕەسمەكەدا سەرۆك بافڵ جەلال تاڵەبانی ئاماژەی بە مێژووی پاك و پڕ لە سەروەریی هەڤاڵ مستەفا چاوڕەش كرد لە هەردوو شۆڕشی ئەیلوول و نوێ و رایگەیاند: "یەكێتیی نیشمانیی كوردستان دڵسۆزی و قارەمانێتی هەڤاڵ مستەفا چاوڕەش و تێكۆشەرەكانی تری لەیادناكات، ئەوان رەمزی ئازایەتی و نموونەی باڵای خەبات و تێكۆشانن لەپێناو كوردستان و سەرفرازیی خەڵكەكەیدا.
لە درێژەی وتەكانیدا سەرۆك بافڵ رایگەیاند: "كاك مستەفا چاوڕەش لە هەموو قۆناغەكانی خەبات و لە هەر ئەرك و بەرپرسیارێتییەكدا بووبێت، دڵسۆزانە ئەركەكانی بەجێگەیاندووە و هەر ئەمەش وایكردووە جێگەی متمانە و خۆشەویستی هەموولایەك بێت، هەر بۆیە خۆمان بە قەرزاری ئەو مێژووە درەوشاوەیەی دەزانین و مایەی شانازییە كە هەرگیز لە رێگا راستەكەی خەبات لاینەدا".
هەروەها سەرۆك بافڵ سوپاسی تایبەتیشی كرد لەبەرامبەر هەوڵ و بەشداریی چالاكانەی لە رێكخستنەوەی هێزەكانی ٧٠ كە رۆڵێكی دیار و بەرچاوی هەبووە.
هەر لە رێوڕەسمەكەدا جەعفەر شێخ مستەفا جێگری سەرۆكی هەرێم لەوتەیەكدا بە رێز و پێزانینەوە ئاماژەی بە رۆڵی مستەفا چاوڕەش كرد لە خەباتی چەكداری بۆ سەرفرازیی كوردستان و بەشێكی گرنگبووە لە سەركەوتنەكانی هێزی پێشمەرگە.
لیوا روكن عومەر ساڵح، سەرۆكی دەستەی ئەركانی هێزەكانی ٧٠ لەوتەیەكدا پێزانینی بۆ پشتیوانییە بەردەوامەكانی هەڤاڵ مستەفا چاوڕەش دەربڕی لە رێكخستنەوەی هێزەكانی پێشمەرگە و رایگەیاند: "هێزەكانمان دڵسۆزی و ماندوونەناسیی كاك مستەفا لەبیرناكەن و خۆمان بە قەرزاری ئەو تێكۆشەرە دەزانین".
لەبەرامبەردا هەڤاڵ مستەفا چاوڕەش پێزانینی بۆ ئەو رێزلێنانە دەربڕی و روونیكردەوە، گەورەترین شانازی لە ژیانیدا پێشمەرگایەتی و بەشداریكردن بووە لەخەباتی رزگاریخوازی گەلی كورد و رایگەیاند: "تاوەكو تەمەن و ژیان رێگای بدات بەردەوام دەبێت لە درێژەدان بە رێبازی شەهیدان، خزمەتكردنی خەڵك و بەهەمان گڕوتینی جارانەوە خزمەتی رێبازەكەی سەرۆك مام جەلال دەكات".
لە كۆتایی رێوڕەسمەكەشدا چەندین خەڵاتی رێزلێنان پێشكەش بە مستەفا چاوڕەش كرا لە بەرامبەر رۆڵ و ماندووبوونی لە خزمەتكردنی هێزی پێشمەرگە و گەلەكەی.
PUKMEDIA
هەواڵی زیاتر
-
شێخ جەعفەر: هەڵبژاردن ئامرازی گۆرانکاری سیاسیی و ئابوورییە
12:25 PM - 2024-07-27 -
سەرۆکی فەڕەنسا پێشوازی لە سەرۆککۆماری عیراق دەکات
07:23 PM - 2024-07-26 -
پەیامی پیرۆزبایی مەکتەبی سیاسی بۆ بزوتنەوەی گۆڕان
08:19 PM - 2024-07-25 -
سهرۆكی فراكسیۆنی یهكێتی: ئهركی پارێزگاری نهینهوایه گۆڕانكارییه ئیدارییهكان دهستپێبكات
05:26 PM - 2024-07-25
ئەمانەش ببینە
شێخ جەعفەر: بە هەڵبژاردن هەرێم رزگار دەکرێت
12:12 PM - 2024-07-26
داهاتی هەفتەی رابردووی سلێمانی نزیکەی 16 ملیار دینارە
09:34 AM - 2024-07-26
سەرۆک بافڵ بۆ هێزی کۆماندۆ: ئەرکتان پاراستنی ئارامی و ژیانی خەڵکە
08:13 PM - 2024-07-25
پەرلەمانتارێک : 21 جۆر باجی نایاسایی لەهەرێم وەردەگیرێن
03:52 PM - 2024-07-25
زۆرترین خوێنراو
-
شێخ جەعفەر: هەڵبژاردن ئامرازی گۆرانکاری سیاسیی و ئابوورییە
کوردستان 12:25 PM - 2024-07-27 -
کۆمسیۆن لەمانگی ئابدا ژمارە بە حزب و کاندیدەکان دەدات
کوردستان 12:18 PM - 2024-07-27 -
شاڵاو کۆسرەت رەسوڵ سەردانی ژمارەیەک تێکۆشەر دەکات
ی ن ک 07:39 PM - 2024-07-26 -
سەرۆکی فەڕەنسا پێشوازی لە سەرۆککۆماری عیراق دەکات
عیراق 07:23 PM - 2024-07-26 -
پرسەنامەی سەرۆک بافڵ بۆ خانەوادەی حاجی خدر عەبدوڵای قامیشی
پرسەنامە 02:48 PM - 2024-07-26 -
نرخی نادەین و هەمووشمان دەوێت
بیروڕا 01:18 PM - 2024-07-26 -
شێخ جەعفەر: بە هەڵبژاردن هەرێم رزگار دەکرێت
کوردستان 12:12 PM - 2024-07-26