شاڵاو کۆسرەت رەسوڵ: یەکێتی دەتوانێت بەرگری لە کەرکوک بکات

PUKMEDIA

سەردانی شاڵاو کۆسرەت رەسوڵ بۆ بازاڕی رەحیماوەی شاری کەرکووک

پێشنیوەڕۆی ئەمڕۆ سێشەممە ٢٨/١١/٢٠٢٣، شاڵاو کۆسرەت رەسوڵ بە یاوەری هەڤاڵان وەستا رەسوڵ، هیوا عەبدوڵڵا، د. شەونم زرار ئەندامانی سەرکردایەتی یەکێتیی نیشتمانیی کوردستان سەردانی بازاڕی رەحیماوەی لە شاری کەرکووک کرد و لە نزیکەوە لە دۆخ و گوزەرانی کاسبکارانی پرسی و هانیدان بۆ بەشداریکردن لە پڕۆسەی هەڵبژاردنی ئەنجومەنی پارێزگای کەرکوک.

شاڵاو کۆسرەت رەسول راشیگەیاند: "مێژوو سەلماندوویەتی ئەوە یەکێتییە دەتوانێت بەرگری لە کەرکوک بکات و لە رۆژی تەنگانە فریای بکەوێت، بۆ ئێستاو داهاتووش تەنها یەکێتی دەتوانێت و ئامانجیەتی بەرگری لە کەرکوک بکات و کوردستانیەتی شارەکە بپارێزێت".

هاوکات داوای لە سەرجەم کاسبکاران و دانیشتوانی شارەکە کرد بە گڕوتینەوە بەشداری هەڵبژاردن بکەن و دەنگ بدەن بە کاندیدانی لیستی ژمارە ١٤٢ـی هاوپەیمانی کەرکووک هێزو ئیرادەمانە.
PUKMEDIA