هاوخەمییەکان بۆ کۆچی دوایی هونەرمەند تاهیری خەلیلی

PUKMEDIA

هونەرمەند تاهیری خەلیلی

ئەمڕۆ یەکشەممە 26-11-2023 هونەرمەند تاهیری خەلیلی لە ماڵەکەی خۆیدا لەشاری سلێمانی، لە تەمەنی 67 ساڵیدا کۆچی دوایی کرد، بۆ ئەو مەبەستەش ژمارەیەک پرسەنامە و هاوخەمی ئاڕاستەی کەسوکار و بنەمالەکەی دەکرێت، کە ئەمانەی خوارەوە دەقەکانیانە:

سەرۆک بافڵ: تاهیر خەلیلی مرۆڤێکی بەهەڵوێست و پێشمەرگەیەکی دڵسۆز بوو

کۆچی دوایی پێشمەرگە و هونەرمەندی نیشتمانپەروەر (تاهیر خەلیلی) لە دڵەوە نیگەرانیکردین

هونەرمەند تاهیر خەلیلی جگەلەوەی خاوەنی دەنگێکی رەسەن بوو، مرۆڤێکی بە هەڵوێست و پێشمەرگەیەکی دڵسۆزی کوردستان بوو.


بۆ ئەم خەمە گەورەیە، پرسە و هاوخەمیی قووڵی خۆمان ئاڕاستەی بنەماڵە سەربەرزەکەی، هاوڕێیانی و هونەرمەندان دەکەین و هاوبەخشی ماتەمیانین.

لەخوای گەورە داواکارم بە بەهەشتی بەرینی شادبکات و سەبووری بەهەموولایەک ببەخشێت.

دڵسۆزتان 
بافڵ جەلال تاڵەبانی 
سەرۆکی یەکێتیی نیشتمانیی کوردستان

مەکتەبی سیاسی: بەرهەمەکانی هونەرمەند تاهیری خەلیلی هەمیشە لەیادماندا دەمێنێتەوە

بەرێزان بنەماڵەی کۆچکردوو هونەرمەند و تێکۆشەری دێرین تاهیری خەلیلی  

بە نیگەرانی و داخی زۆرەوە هەواڵ کۆچی دوایی هونەرمەند  (تاهیری خەلیلی) مان بیست ، بۆ ئەم خەمە پرسە وماتەمی خۆمان ئاراستەی خانەوادە و هاوڕێیانی دەکەین.

 تاهیری خەلیلی هونەرمەندێکی خاوەنی چەندین بەرهەمی بە پێزی هونەری میوزیک وگۆرانی و تێکۆشەرێکی دێرینی بوو کە لەئاست پرسە نیشتمانی ونەتەوەییەکاندا هەڵوێستی  جوامێریی هەبوە و یادەوەری  بەرهەمەکانی هەمیشە لەیادماندا بەزیندوویی دەمێنێتەوە، بەکۆچی دوایی خەم و پەژارەی زۆری بۆ ئێمە و کۆمەڵی کوردەواری بەجێهێشت .

لە یەزدانی مەزن داواکارین سەبوری و ئارامی هەموو لایەک بدات و جێگای کۆچکردوو بەهەشتی بەرین بێت .

اناللەو اناالیە راجعون 

مەکتەبی سیاسیی
یەکێتیی نیشتمانیی کوردستان

قوباد تاڵەبانی: کۆچی دوایی تاهیری خەلیلی دڵگرانی کردم

بەڕێزان خێزان و خانەوادەی هونەرمەندی دێرین تاهیری خەلیلی

بەبیستنی هەواڵى کۆچی دوایی هونەرمەندی دێرین (تاهیری خەلیلی)، نیگەران و دڵگران بووم. 

بەکۆچی دوایی ئەم هونەرمەندە خۆشەویستە، گەلەکەمان هونەرمەندێکی نیشتمانپەروەری لەدەستدا کەلەڕێی موزیک و گۆرانییەوە خزمەتی بەپرسە نەتەوەییەکان دەکرد.

بۆ ئەم کۆستە، پرسە و سەرەخۆشیتان ئاڕاستە دەکەم، خواى گەورە لەکۆچکردوو خۆش بێت، سەبورى و دڵنەواییش بەهەموو لایەک ببەخشێت. 

انا لله وانا اليه راجعون

قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال

PUKMEDIA