لایەنە كوردستانیەكان دەستپێشخەری یەكێتیی بۆ یەكڕیزی بە گرنگ دەزانن
کوردستان 04:47 PM - 2023-10-22ئاڵای کوردستان و لۆگۆی یەکێتیی نیشتمانیی کوردستان
یەكێتیی نیشتمانیی كوردستان یەكڕیزی بە تاكە بژاردەی گەیشتن بە ئامانجی
میللەتەكەمان دەزانێت، بۆ ئەو مەبەستەش سەرۆك بافڵ دەستپێشخەری بۆ یەكڕیزی نیشتمانی
لەنێوان لایەنەكان دەكات و دەیەوێت "یەكڕیزی" جێی "ناكۆكییەكان"
بگرێتەوە، ئەندامێكی سەركردایەتی یەكگرتووی ئیسلامییش دەڵێت: "یەكڕیزی كاریگەری
راستەوخۆی لەسەر پێگەی كورد لە عیراق دەبێت".
لەسەر راسپاردەی بافڵ جەلال تاڵەبانی سەرۆكی یەكێتیی نیشتمانیی
كوردستان، بڕیارە لەم هەفتەیەدا وەفدێكی باڵای یەكێتی سەردانی لایەنەكان بكات و
ئامانجی یەكێتی-یان بۆ خزمەت و ئارامی و یەكڕیزی پێبگەیەنێت.
یەكڕیزی خزمەت بە دۆخی هەستیاری كورد دەكات
ئەبوبەكر هەڵەدنی ئەندامی سەركردایەتی یەكگرتووی ئیسلامی لە لێدوانێكیدا
بۆ سایتی رەسمی یەكێتیی نیشتمانیی كوردستان PUKMEDIA رایگەیاند: "یەكڕیزی و یەكبوون
خواستی لەمێژینەی شاعیر و نووسەر و سەرجەم كەسایەتی و چین و توێژەكان بووە، بێگومان
یەكڕیزی لەسەر نەخشەڕێ و ستراتیجی نیشتمانی و بنەمای پتەوكردنی دیموكراسی هەنگاوێكی
زۆر گرنگە، چونكە ئەرك و بەرپرسیارێتی لایەنەكان بەرامبەر بە یەكتر دیاری دەكات و
خزمەت بە دۆخی هەستیاری كورد بەگشتی و باشوری كوردستان بەتایبەتی دەكات".
"یەكڕیزیی كاریگەریی راستەوخۆی
لەسەر پێگەی كورد لە عیراق دەبێت و دەتوانرێت بە یەكبوون ماف و شایستە داراییەكانی
خەڵكی هەرێمی كوردستان لە عیراق جێگیر بكەین"، ئەبوبەكر هەڵەدنی وادەڵێت.
یەكڕیزی بۆ هێنانەدی بەرژەوەندی گشتی گرنگە
بە رەخساندنی زەمینەیەكی گونجاو بۆ یەكڕیزی، دەتواندرێت یەكسانی ناوخۆ
و یەكهەڵوێستی نێوان لایەنەكان بهێنرێتە كایەوە، لایەنەكانی دیكەش ئامادەن بۆ یەكڕیزی
و یەكدەنگی.
عومەر گوڵپی ئەندامی خولی پێشووی پەرلەمانی كوردستان لە فراكسیۆنی كۆمەڵ،
لە لێدوانێكیدا بۆ سایتی رەسمی یەكێتیی نیشتمانیی كوردستان PUKMEDIA رایگەیاند:
"یەكڕیزی لەسەر ئەجێندای دیاریكراو بۆ هێنانەدی بەرژەوەندی گشتی گرنگە و پێویستە
لەسەر بنەمای یەكسانی ناوخۆ و بەرنامەی تۆكمە یەكڕیزی نێوان لایەنەكان بهێنرێتە كایەوە،
پێویستیشە ئەو یەكڕیزییە تەنها لەسەر ئاستی عیراق نەبێت، بەڵكو لە ناوخۆی هەرێمیش
كورد یەكدەنگ بێت".
"پێمان وایە بە رەخساندنی زەمینەی یەكسانی و روبەڕوبوونەوەی گەندەڵی و
نەهێشتنی قۆرخكاری لە ناوخۆی هەرێم، لایەنەكانی دیكەش ئامادەن بۆ پشتیوانی لە یەكڕیزی
و یەكدەنگی كورد"، عومەر گوڵپی وادەڵێت.
پێشتریش سالار سەرحەد خەلیفە ئەندامی سەركردایەتی و لێپرسراوی بۆردی پەیوەندییە
كوردستانییەكانی یەكێتیی نیشتمانیی كوردستان بە سایتی رەسمی یەكێتی PUKMEDIA ی
راگەیاندبوو: "دەستپێشخەری سەرۆك بافڵ بۆ یەكدەنگی و یەكڕیزی، لەپێناو خزمەتی
خەڵكە و یەكێتی دەیەوێت كۆتایی بە ناكۆكی نێوان لایەنە كوردستانییەكان بهێنێت و یەكڕیزی
نیشتمانی جێی ناكۆكییەكان بگرێتەوە، ئاشكراشە لە پێنجەمین كۆنگرەی یەكێتیدا زۆرترین
حزب و لایەن بەشدار و بروسكەی پیرۆزباییان ئاڕاستەی یەكێتی كردووە، ئەمەش دەرخەری
ئەو راستیەیە كە لە سەرەتای كۆنگرەوە هەڵوێستی یەكێتی بۆ یەكڕیزی نیشتمانی دەركەرتووە
و لایەنەكانیش پێشوازییان لێكردووە".
یەكێتیی نیشتمانیی كوردستان لە رابردوودا یەكڕیزی بە چارەسەری كێشەكان
و بەدیهێنەری خواستەكانی كورد زانیوە، لە ئێستاشدا هەوڵەكانی بۆ یەكڕیزی و كۆدەنگی
و خزمەت و چارەسەری كێشەكان لەسەر ئاستی هەرێم و عیراق چڕتر كردووەتەوە، ئەمەش وای
لە حزب و لایەنەكانی دیكە كردووە بۆ یەكدەنگی چاویان لەو حزبە بێت و چاوەڕوانی زیاتریان
بۆ خزمەتی خەڵك و چارەسەری كێشەكان لەیەكێتی نوێ هەبێت.
PUKMEDIA
هەواڵی زیاتر
-
مەکتەبی سکرتارییەت: بەرهەمەکانی مامۆستا ئەنوەر قەرەداغی سەرمایەیەکی بەنرخن
02:00 PM - 2024-05-20 -
قوباد تاڵەبانی: ئێران وڵاتێكی بههێزهو بهسهر ئهم كۆستهدا زاڵ دهبێت
01:13 PM - 2024-05-20 -
سەرۆک بافڵ: دڵمان لای گەل و سەرکردایەتی باڵای ئێرانە
11:38 AM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
10:46 AM - 2024-05-20
ئەمانەش ببینە
رێكخراوی پهیامنێران: لهسهر داوای داواكاری گشتی شاكار ستار دهستگیركراوه
02:43 PM - 2024-05-20
یەکێتی سەرەخۆشی لە کۆماری ئیسلامی ئێران دەکات
10:26 AM - 2024-05-20
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
09:45 PM - 2024-05-19
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
زۆرترین خوێنراو
-
قوباد تاڵەبانی بۆ باڵیۆزی کوەیت: پەیوەندی بازرگانی بەهێزتر بکەین
کوردستان 06:08 PM - 2024-05-20 -
رێكخراوی پهیامنێران: لهسهر داوای داواكاری گشتی شاكار ستار دهستگیركراوه
کوردستان 02:43 PM - 2024-05-20 -
مەکتەبی سکرتارییەت: بەرهەمەکانی مامۆستا ئەنوەر قەرەداغی سەرمایەیەکی بەنرخن
ی ن ک 02:00 PM - 2024-05-20 -
قوباد تاڵەبانی: ئێران وڵاتێكی بههێزهو بهسهر ئهم كۆستهدا زاڵ دهبێت
هەواڵ 01:13 PM - 2024-05-20 -
سەرۆک بافڵ: دڵمان لای گەل و سەرکردایەتی باڵای ئێرانە
کوردستان 11:38 AM - 2024-05-20 -
سەرۆککۆماری عیراق: پشتیوانی گەلی ئێرانین لەم بارودۆخە سەختەدا
عیراق 11:35 AM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
جیهان 10:46 AM - 2024-05-20 -
یەکێتی سەرەخۆشی لە کۆماری ئیسلامی ئێران دەکات
ی ن ک 10:26 AM - 2024-05-20