سەرۆك بافڵ: هەوڵەكان بۆ یەكخستنی نێوماڵی كورد بەردەوامە
کوردستان 07:33 PM - 2022-10-05![سەرۆكی یەكێتی پێشوازیكرد لە نیكۆلاس گارنەر نوێنەری ئەمریكا](https://images.pukmedia.com/root/KS/165102022_777.jpg)
سەرۆكی یەكێتی پێشوازیكرد لە نیكۆلاس گارنەر نوێنەری ئەمریكا
بافڵ جەلال تاڵەبانی سەرۆكی یەكێتیی نیشتمانیی كوردستان رایدەگەیەنێت:" پابەندبوون بە دەستوور و هاوبەشی راستەقینە و پاراستنی مافی نەتەوە و پێكهاتەكان زامنی زاڵبوونە بەسەر كێشەكان لە عیراق" و لە بارەی دۆخی هەرێمیشەوە دەڵێت:" هەوڵەكان بۆ یەكخستنی نێوماڵی كورد بەردەوامە".
سەرۆك بافڵ جەلال تاڵەبانی، سەرۆكی یەكێتیی نیشتمانیی كوردستان لە بارەگای مەكتەبی سیاسی لە ھەولێر پێشوازیكرد لە نیكۆلاس گارنەر نوێنەری ئەمریكا بۆ كاروباری باكووری رۆژهەڵاتی سووریا و وەفدێكی یاوەری.
بەپێی راگەیەندراوی رۆژنامەوانی نوسینگەی سەرۆكی یەكێتیی نیشتمانیی كوردستان لەو دیدارەدا ، دەرباز كۆسرەت رەسوڵ كارگێڕی مەكتەبی سیاسی و جەلال شێخ ناجی سەرۆكی ئاژانسی پاراستن و زانیاری/زانیاریی هەرێم و وەهاب هەڵەبجەیی بەڕێوەبەری گشتیی دەزگای دژەتیرۆر ئامادەبوون، دوا گۆڕانكارییە سیاسییەكانی ناوچەكە و هەماهەنگی نێوان هێزەكانی هەرێم، عیراق و هاوپەیمانان بەتایبەت هێزەكانی ئەمریكا تاوتوێكران.
لە دیدارەكەدا دا كە رۆژی 5/10/2022 بەرێوەچووە، جەخت لە گرنگی و بەردەوامیی هەماهەنگی نێوان هێزەكانی هەرێمی كوردستان و هاوپەیمانی نێودەوڵەتی كرایەوە لەپێناو رووبەڕووبوونەوەی پاشماوەكانی داعش و پاراستنی ئاسایش و سەقامگیری لەناوچەكە.
سەرۆك بافڵ جەلال تاڵەبانی ئاماژەی بە دۆخی سیاسیی هەرێم و عیراق كرد و رایگەیاند:" هەوڵەكان بۆ یەكخستنی نێوماڵی كورد بەردەوامە و باشتركردنی دۆخی هەرێم لە بوارە جیاوازەكان و بەردەوامیی چاكسازییەكان كاری لەپێشینەمان دەبێت"
سەرۆكی یەكێتیی نیشتمانیی كوردستان دەڵێت:" ئامانجی ئێمە سازان و داڕشتنەوەی بەرنامەیەكی نوێیە تاوەكو هەموومان پێكەوە خزمەتی گەلەكەمان بكەین".
چەقبەستوویی دۆخی سیاسیی عیراق و هەوڵەكانی یەكێتی بۆ تێپەڕاندنی ئاڵنگارییەكان تەوەرێكی گفتوگۆی دیدارەكە بووە و لەو بارەیەوە سەرۆك بافڵ رایگەیاندووە:" هەموو هەنگاوەكانمان بە ئاڕاستەی گفتوگۆ و لێكتێگەیشتنی نێوان هێز و لایەنە سیاسییەكانە" هەروەك راشكاوانە وتی:"پابەندبوون بە دەستوور، هاوبەشیی راستەقینە و پاراستنی مافی نەتەوە و پێكهاتەكان زامنی زاڵبوونە بەسەر كێشەكاندا" و داواشمانكردووە "هەموولایەك بەرپرسیارێتی خۆیان بەرامبەر هەستیاریی دۆخەكە هەڵبگرن و داهاتووی وڵات لەبەرچاوبگرن".
پرسە سیاسی و ئەمنییەكانی سووریا و رۆژئاوای كوردستان تەوەرێكی دیكەی گفتوگۆكان بوو و هەردوولا جەختیان لە چارەسەری سیاسیانەی كێشەكان و یەكخستی هەوڵەكان كردەوە لەپێناو رووبەرووبوونەوەی تیرۆر و پاراستنی ئارامی لە ناوچەكە.
PUKMEDIA
هەواڵی زیاتر
-
شێخ جەعفەر: هەڵبژاردن ئامرازی گۆرانکاری سیاسیی و ئابوورییە
12:25 PM - 2024-07-27 -
سەرۆکی فەڕەنسا پێشوازی لە سەرۆککۆماری عیراق دەکات
07:23 PM - 2024-07-26 -
پەیامی پیرۆزبایی مەکتەبی سیاسی بۆ بزوتنەوەی گۆڕان
08:19 PM - 2024-07-25 -
سهرۆكی فراكسیۆنی یهكێتی: ئهركی پارێزگاری نهینهوایه گۆڕانكارییه ئیدارییهكان دهستپێبكات
05:26 PM - 2024-07-25
ئەمانەش ببینە
شێخ جەعفەر: بە هەڵبژاردن هەرێم رزگار دەکرێت
12:12 PM - 2024-07-26
داهاتی هەفتەی رابردووی سلێمانی نزیکەی 16 ملیار دینارە
09:34 AM - 2024-07-26
سەرۆک بافڵ بۆ هێزی کۆماندۆ: ئەرکتان پاراستنی ئارامی و ژیانی خەڵکە
08:13 PM - 2024-07-25
پەرلەمانتارێک : 21 جۆر باجی نایاسایی لەهەرێم وەردەگیرێن
03:52 PM - 2024-07-25
زۆرترین خوێنراو
-
شێخ جەعفەر: هەڵبژاردن ئامرازی گۆرانکاری سیاسیی و ئابوورییە
کوردستان 12:25 PM - 2024-07-27 -
کۆمسیۆن لەمانگی ئابدا ژمارە بە حزب و کاندیدەکان دەدات
کوردستان 12:18 PM - 2024-07-27 -
شاڵاو کۆسرەت رەسوڵ سەردانی ژمارەیەک تێکۆشەر دەکات
ی ن ک 07:39 PM - 2024-07-26 -
سەرۆکی فەڕەنسا پێشوازی لە سەرۆککۆماری عیراق دەکات
عیراق 07:23 PM - 2024-07-26 -
پرسەنامەی سەرۆک بافڵ بۆ خانەوادەی حاجی خدر عەبدوڵای قامیشی
پرسەنامە 02:48 PM - 2024-07-26 -
نرخی نادەین و هەمووشمان دەوێت
بیروڕا 01:18 PM - 2024-07-26 -
شێخ جەعفەر: بە هەڵبژاردن هەرێم رزگار دەکرێت
کوردستان 12:12 PM - 2024-07-26