قوباد تاڵەبانی: PUKmedia كار بە‌ ئیتیكی رۆژنامە‌وانی دەكات

بەبۆنەی ساڵیادی دامەزراندنی سایتی PUKmedia ەوە، قوباد تاڵەبانی سە‌رپە‌رشتیاری مە‌كتە‌بی سكرتاریە‌تی سە‌رۆك مام جە‌لال، پەیامێكی پیرۆزبایی ئاڕاستەی سەرنوسەر و رۆژنامەنووس و كادرانی سایتەكە دەكات و دەڵێت، جێی دە‌ستخۆشییە‌ كە‌ ھە‌میشە‌ پشتبە‌ست بە‌ ئیتیك و كاری رۆژنامە‌وانی بابە‌ت و دۆسیە‌كانتان خستۆتە‌روو.

دەقی پەیامەكە:
بە‌ڕێزان سەرنوسەر و رۆژنامەنوس و كادرانی وێبسایتی PUKmedia

بەبۆنەی ساڵیادی دامەزراندنی ئەم سەكۆ میدیاییە ئەلیكترۆنییە دەوڵەمەندەی یەكێتییەوە، گەرمترین پیرۆزباییتان لێ دەكەم و هیوای سەركەوتنتان بۆ دەخوازم.

 ھە‌ڤاڵانم.. بۆ ساڵی نوێی تەمەنی PUKmedia دەخوازم ئەم وێبسایتە لەنێو پێشبڕكێی پڕخوێنەرترین وێبسایتەكانی كوردستان و عیراقدا بێت و چالاكانەتر لە خەمی كۆمەڵانی خەڵكی كوردستاندابن و گرنگی بەبەسەركردنەوەی تێكۆشەرە دێرینەكان و گێڕانەوەی چیرۆكی داستانە نەبەردییەكانیان بدەن لەگۆشەیەكی ئەم وێبسایتە دەوڵەمەندەی یەكێتیدا، لە‌پاڵ گە‌یاندنی رووداو و زانیارییە‌كان بە‌خوێنە‌رانتان.

جێی دە‌ستخۆشییە‌ كە‌ ھە‌میشە‌ پشتبە‌ست بە‌ ئیتیك و كاری رۆژنامە‌وانی بابە‌ت و دۆسیە‌كانتان خستۆتە‌روو بۆیە‌ داواتان لێدە‌كە‌م بە‌ھە‌مان رێچكە‌دا كارە‌كانتان بەرەوپێش بەرن. دووبارە‌ پیرۆزباییتان لێدە‌كە‌م و بە‌ردە‌وام بن لە‌پێشكە‌وتن.

قوباد تاڵەبانی
سە‌رپە‌رشتیاری مە‌كتە‌بی سكرتاریە‌تی سە‌رۆك مام جە‌لال

PUKmedia تایبەت