كێ هەمیشە پارێزەری مافی پێكهاتەكان بووە؟
بیروڕا 06:30 PM - 2024-02-24
لەتیف نێروەیی
دوای بڵاوكردنەوەی بڕیاری دادگای فیدراڵی تایبەت بە هەڵوەشاندنەوەی كورسی كۆتاكان، بەداخەوە میدیایەكی دیاریكراو بۆ مەرامێكی دیاریكراو بەشێوەیەكی پلان بۆ داڕێژراو لە هەوڵی ئەوەدایە كە رق و كینە و جیاكاری لەنێوان پێكهاتەكانی كوردستاندا دروست بكات و پەیامی توند و زبر لەو كادیر و ئەندامانەی خۆیان وەردەگرن كە لە پێكهاتەی توركمان و مەسیحین و سوودمەند بوون لە سیستمی كۆتا. لەبەرامبەردا هەندێ لە هاووڵاتیان و ئەندامانی هەندێ حزبی كوردستانیش لەڕێی تۆڕە كۆمەڵایەتیەكانەوە وەڵامیان دەدەنەوە کۆمێنتی ناخوازراو دەنووسن، كە ئەم دوو پەیامە دژ بەیەكە و هاندان بەرەو ئاڕاستەی دروستكردنی رق و كینە لەنێوان پێكهاتەكاندا، هەوڵێكی نائەخلاقی و نابەرپرسیاریانەیە و بە هیچ شێوەیەك لەگەڵ گیانی پێكەوەژیانی ئاشتیانەی پێكهاتەكانی كوردستان ناگونجێت، چونكە لەلایەكەوە ،هەمیشە رێز لە پێكهاتەكانی كوردستان گیراوە، لەلایەكی دیكەوە ، بە یاساش ئەرك و مافەکانیان وەك هەر هاووڵاتییەكی دیکەی هەرێمی كوردستان چەسپێنراوە ، پێكهاتەكانیش خۆیان بە بەشێكی گرنگ و سەرەكی جڤاكی گەلی كوردستان زانیووە و پاراستنی ئاشتەوایی كۆمەڵایەتی و پێكەوەژیان بە ئەركی سەرەكی خۆیان زانیووە، بۆیە پێویستە هەموو تاك و لایەنێك بە عەقڵ و لۆژیكێكی بەرپرسیارانە مامەڵە لەگەڵ دۆخەكەدا بكەن و بەرژەوەندی نیشتمانی بخەنە سەرووی بەرژەوەندی شەخسی و حزبییەوە.
لێرەدا پرسیارمان بۆ ئەو میدیایەی كادیر و ئەندامانی حزبەكەی خۆیان كە لە پێكهاتەی (توركمان و مەسیحین) و هانیان دەکەن بۆ ئەوەی رەخنە لە یەكێتی بگرن، پێیان دەڵێین هەوڵدان بۆ دروستكردنی ئەو دۆخە چ سودێكی هەیە بۆ جڤاكی هەرێمی كوردستان بە هەموو پێكهاتەكانیەوە، دروستكردنی روحی رق و كینە و جیاکاری لە بەرژەوەندی كێ دایە؟
یەکێتی پارێزەری مافی پێکهاتەکانە
هەروەك دووپاتی دەكەینەوە كە پێكهاتە رەسەنەكانی هەرێمی كوردستان و عێراق، ئەو راستییە مێژووییە چاك دەزانن كە لەدوای راپەڕینی ئازاری 1991وە سەرۆك مام جەلال پارێزەری مافەكانیان بووە و بۆ بەشداری لە پرۆسەی بڕیاردان پێشنیاری كردووە سیستمی كۆتا پەیڕەو بكرێ. لە دوای پرۆسەی ئازادی عێراق و روخانی رژێمی بەعسیش، دیسانەوە سەرۆك مام جەلال هەموو تواناكانی خۆی خستە گەڕ بۆ پاراستنی مافی پێكهاتەكان و لە شاری كەركوك بڕیاریدا كە دابەشكردنی پۆستەكانی ئەو پارێزگایە بەبێ رەچاوكردنی رێژەی دەنگدەران (32% بۆ كورد، 32% بۆ پێكهاتەی توركمان، 32% بۆ پێكهاتەی عەرەب و 4% بۆ پێكهاتەی مەسیحی) بێت. لەو سەردەمەدا رەخنەیان لە یەكێتی دەگرت كە بۆچی پشكی كورد بە پێكهاتەكان دەبەخشێت؟
لەسنوری دەڤەری سەوز مەسیحی وتورکمانەکان کێشەی زەوی و زاریان نەبووە
-لە دوای راپەڕینەوە تاوەكو ئێستا لە سنوری پارێزگای سلێمانی و قەزای كۆیە مەسیحییەكان هیچ كێشەیەكی زەوی و زاریان نییە و توركمانەكانی دەڤەری گەرمیانیش بەتایبەتی لە قەزای (كفری) بە هەمان شێوە رۆژێك لە رۆژان هەستیان بە جیاكاری نەتەوەییان نەكردووە.
-لەناو ناوەندی پارێزگای سلێمانی لە سنورێكی جوگرافی بچوكی دیاریكراو كە كەمتر لە یەك كیلۆمەترە، (4) كەنیسە و مزگەوت و حوسەینییە و پەرستگای زەردەشتیەكان دروستكراون و هەر ئایین و مەزهەبێك بەوپەڕی ئازادییەوە پەیڕەوی سروتە ئایینی و مەزهەبییەكانی خۆیان دەكەن.
-لە سنوری پارێزگای هەڵەبجەش بە هەمان شێوە كاكەییەكان بەوپەڕی ئازادییەوە پەیڕەوی ئاینی خۆیان دەكەن. بۆیە تیشكی خۆر بە بێژینگ ناگیرێت و هیچ لایەنێك ناتوانێت بۆ دەستكەوتێكی حزبایەتی درزێك بخاتە نێوان یەكێتی و پێكهاتەكان. دەبێ ئاماژە بەوەش بدەین كە یەكێتیی نیشتمانیی كوردستان بە یەك چاو سەیری هەموو پێكهاتە نەتەوەیی و ئایینیەكانی كردووە و بیری لەوە نەكردۆتەوە كە حزبی توركمانی و مەسیحی و شەبەك و ئێزدی بۆ خۆی دروست بكات. دوا بەڵگەی زیندووی پشتگیری یەكێتی لە پێكهاتە ئایینی و نەتەوەییەكان هەڵبژاردنی ئەنجومەنی پارێزگاكانی عێراقە كە لە كۆی (9) كورسی كە یەكێتی بەدەستی هێناوە، لەوانە چوار كورسی لە پێكهاتە ئایینی و نەتەوەییەكانی عێراقە. ئەمەش باشترین بەڵگەیە كە بەشێوەیەكی كردەیی هیچ حزبێكی كوردستانی و عێراقی بە ئەندازەی یەكێتی گرنگی بە پێكهاتەكان نادات.
هەروەك پێكهاتەكانیش زیاتر لە هەموو حزبێكی كوردستانی و عێراقی لەگەڵ یەكێتی ئاوێتەی یەكترن و لەیەك جیا ناكرێنەوە.
PUKMEDIA
هەواڵی زیاتر
-
سالار مەحمود: پەرلەمان بووەتە قوربانی ململانێی نا سیاسی
09:38 PM - 2024-05-03 -
قوباد تاڵەبانی: گیانلەدەستدانی چەند ئەندامێکی گروپێکی شاخەوانی هەموومانی دڵگران کرد
07:12 PM - 2024-05-03 -
شاڵاو کۆسرەت رەسوڵ: لەخزمەتی خانەوادەی شەهیداندا دەبین
06:29 PM - 2024-05-03 -
لە رۆژی ئازادی رۆژنامەگەریدا مەترسی لەسەر رۆژنامەنووسانی هەرێم هەیە
02:32 PM - 2024-05-03
زۆرترین خوێنراو
-
قوباد تاڵەبانی: گیانلەدەستدانی چەند ئەندامێکی گروپێکی شاخەوانی هەموومانی دڵگران کرد
پرسەنامە 07:12 PM - 2024-05-03 -
شاڵاو کۆسرەت رەسوڵ: لەخزمەتی خانەوادەی شەهیداندا دەبین
ی ن ک 06:29 PM - 2024-05-03 -
سەرۆک بافڵ: هەوڵەكانمان لەپێناو پاراستنی ژیانی خەڵك و سەقامگیریی وڵاتدا بەردەوام دەبێت
کوردستان 05:23 PM - 2024-05-03 -
سەرۆک بافڵ و سودانی: یاسا بەرکارەکان هەوێنی تێپەڕاندنی ئاڵنگارییەکان بن
کوردستان 03:22 PM - 2024-05-03 -
لە رۆژی ئازادی رۆژنامەگەریدا مەترسی لەسەر رۆژنامەنووسانی هەرێم هەیە
کوردستان 02:32 PM - 2024-05-03 -
پرسەنامەی قوباد تاڵەبانی بۆ خانەوادەی شێخ فەریق تاڵەبانی
پرسەنامە 01:57 PM - 2024-05-03 -
مەکتەبی سکرتارییەت: یەکێتی بە شانازییەوە لە رابردووی تێکۆشەرەکانی دەڕوانێت
ی ن ک 01:56 PM - 2024-05-03 -
سەرۆک بافڵ لەگەڵ سەرۆکوەزیرانی عیراق کۆدەبێتەوە
عیراق 01:22 PM - 2024-05-03