مەسرور بارزانی بڕیاردەدات و محەمەد سەعید سەحافیش دەیگەیەنێت …

كاروان گەزنەیی

پەرلەمانتار كاروان گەزنەیی 

كابینەی نۆ كابینەیەكی ئەمنی پارانۆیدە و پڕیەتی لە زهنی سیخوڕیكردن و تۆقاندن و زەمینە سازی بۆ دیكتاتۆرییەت و خۆسەپاندن و كوشتن و بڕین، ئەم هەموو رووداوی كوشتن و لێدان و ئەتككردنەش، مسۆگەر دەرهاویشتەی زهنییەتی ئیدارەدانی كابینەكەیە.

ئەم كابینەیە هەر لە ئیدارەدانەوە بگرە تا دەربڕین بە خراپترین شێوە فەشەلی هێناوە، زمانی ئێستای حكومەت و نووسینگەی سەرۆكی حكومەت و وتەبێژەكەی لە هەر كاردانەوەیەك، زمانێكی ئاستنزمی رێزمانی و دەربڕینێكی جاهلیانەی سەردەمی شەڕی ناوخۆییە، ئەگەر ئەمە زمانی سەرۆكی حكومەت لە هەڕەمەی هەرە سەرەوری ئیدارەدان بێت، بێشك هیوایەك نامێنێ بۆ گەشەسەندن و بەرەو پێشبردنی وڵات، بە پێچەوانەوە، هەموو چاوەكان لەسەر دوا بزماری تابووتی ئەم جەهالەتە و جەهەننەمە دروستكراوە دەبن!

سەرباری نادادی، گەندەڵی، بیرۆكراسییەت، ژێرپێخستنی یاسا، ناشەفافییەت، تاڵانی و تۆقاندن و سیاسەتی برسیكردن، سەرجەم وەزارەت و فەرمانگە و جومگەكانی حكومڕانی دووچاری شەلەل و داڕمان بوون، وێڕای ڕێزم بۆ هەر كەسێكی دڵسۆز، بەڵام سەرجەم بەرپرسانی شوێنە ئاماژە بۆكراوەكانیش، تەنها دەوری فەرمانبەر و تێپەڕاندنی رۆتینی رۆژانە دەبینن، نە زیاتر. 

بەزمانێكی دیكە، لەم كابینەیە، مسرور بارزانی بڕیار دەدات و ئومێد سەباح دەینوسێت و رێبەر ئەحمەد جێبەجێی دەكات و جوتیار عادل (محەمەد سەعید سەحاف) دەیگەیەنێت. 

PUKMEDIA