Herêma Kurdistanê..Rewşa mafên mirovan berdewam ber bi paşveçûnê ve diçe

Kurdistan 01:52 PM - 2023-01-15

Herêma Kurdistanê..Rewşa mafên mirovan berdewam ber bi paşveçûnê ve diçe

Rêxistina Mafên Mirovan (Human Rights Watch) raporta xwe ya derbarê rewşa mafên mirovan li cîhanê di sala 2022an de belav kir û di raportê de rexne li rewşa mafên mirovan li Êraq û Herêma Kurdistanê hat kirin û wiha hat gotin: Li Herêma Kurdistana Êraqê, desthilatdarên Kurd di sala 2022an de qanûnên bi gotineke nezelal bikar anîn da ku rexnegiran ji bo îfadekirina ramanên xwe û rexnekirina tiştên ku ew îtîraz dikin bikin hedef.

Di azadiyan de paşveçûneke mezin

Sekreterê Sendîkaya Rojnamevanên Kurdistanê li Silêmaniyê Kerwan Enwer ji PUKMEDIA re ragihand: Rapora Çavdêriya Mafên Mirov behsa paşveçûna berçav a azadiya derbirînê li Herêma Kurdistanê dike.
Got jî: di raportê da amaje bi derkirina hukmên li dijî rojnamevan û çalakvanên medenî ji ber rexnekirina wan ji hikûmetê kir, û rojnamevanek jî heye ku ji ber yek telefonê bi hepsê hatîye mehkûm kirin û hinek ji wan gehiştine 6 sal zîndan. 

72 kes hatin girtin

Kerwan Enwer dibêje wek ku me berê jî ragihandibû 72 kes li navçeya Badînan hatine girtin û ji bo dadgehkirinê ji bo Hewlêrê hatine veguhastin ,beşek ji wan ji 2020 heta niha di girtîgehê de ne bêy ku werin  dadgehkirin.
Got jî: Ev rojnamevan û çalakvanên medenî ji karên xwe hatin dûrxistin, salên 2021 û 2022 du salên reş bûn di dîroka azadîya derbirînê de li Herêma Kurdistanê û rewşa mafên mirovan berdewam ber bi paşve diçe.

Di rapora rêxistinê de xalên tirsnak

Kerwan Enwer dibêje: Di raporta Human Rights Watch de xalên tirsnak hene, ji ber ku di raportê de behsa destwerdana asta bilind di karûbarên dadgehan de tê kirin û xelk bêyî ti delîl hatin cezakirin û ev yek ji wan xalên tirsnak e.
Divê hikûmeta herêma Kurdistanê vê raporê li ber çavan bigire ji ber ku ev rapor pirsyarê dide dadgehên herêma Kurdistanê û dîyar dike ku dadgeh li herêma Kurdistanê ne serbixwe ye û piranîya wan girtin û dadgehan li parêzgehên Duhok û Hewlêrê ne.

Rewşa mafên mirovan hertim ber bi paşveçûnê ve diçe

Endamê Lijneya Berevaniya Mafên Mirov li Parlamentoya Kurdistanê Zekarî Ehmed ji PUKMEDIA re ragihand: Mixabin rewşa mafên mirovan li Herêma Kurdistanê roj bi roj xirabtir dibe û Herêma Kurdistanê di warê paşveçûna azadiyê de berdewam e.
Got jî li gorî hikûmetên berê, rewşa mafên mirovan di serdema hikûmeta niha de gelek kêm bûye. Zêdetirî 6 hezar kes di girtîgehên Herêma Kurdistanê de hene û hinek ji wan girtiyan wek girtiyên Badînan mafên wan ne hatine parastin.

Em ê piştgiriya navneteweyî winda bikin

Zekarî Ehmed dibêje: Dadgeh li gor partiya wan biryaran li ser girtiyan derdixe û dide zanîn ku welat û rêxistinên navdewletî çavdêriya Herêma Kurdistanê dikin.
Got jî: Divê hikûmeta herêma Kurdistanê bi cidî li ser vê raportê kar bike, ji ber ku eger bi vê zîhnîyetê berdewam bike, dê rewşa mafên mirovan xirabtir bibe û em piştevanîya navdewletî ji dest bidin.

Rapora Çavdêriya Mafên Mirovan

Rêxistina Çavdêriya Mafên Mirovan rapora xwe ya derbarê rewşa mafên mirovan a sala 2022’an li cîhanê weşand.
Di raporê de rexne li rewşa mafên mirovan li Êraq û Herêma Kurdistanê hat kirin û wiha hat gotin: Li Herêma Kurdistana Êraqê, rayedarên kurd di sala 2022an de qanûnên nezelal bi kar anîn da ku rexnegiran ji bo ku nêrînên xwe derbixin û rexne li tiştên ku ew li ser wan nerazî ne, bikin hedef.
Bi heman awayî di sala 2021ê de Dadgeha Tawanan a Hewlêrê sê rojnamevan û çalakvanan bi şeş sal zîndan mehkûm kir, piştî ku ew di dozên dadwerî de ku bi binpêkirinên giran ên dadgehkirina dadwerî û destwerdanên siyasî hatine xerakirin - meyleke li Herêma Kurdistana Êraqê ku vedigere salên berê."
Li parêzgehên Hewlêr û Duhokê ji ber azadiya derbirînê û ramanên siyasî û daxwaza mafên xwezayî yên welatiyan, revandin, girtin û îşkencekirin gelek caran tê kirin.
Herî dawî ji van kiryaran revandina du kadroyên pêşkeftî yên Yekîtiya Niştimanî ya Kurdistanê li navçeya Dînarte ya ser bi parêzgeha Duhokê ji aliyê hêzên Asayîşa PDKê ve, ji ber ku destûr nayê dayîn parêzerên wan di girtîgehê de biçin serdana wan û yek ji wan. girtiyên bi nexweşiya dil a kronîk re heye.
Ev ne cara yekê ye ku Asayîşa Partiya Demokrat li Hewlêr û Duhokê kadroyên Yekîtiya Niştimanî ya Kurdistanê digrin û bi hincetên cuda tên revandin, girtin û destdirêjî li ser wan tê kirin, di salên borî de ev doz dubare bûne. piştî avakirina kabîneya nehem a hikûmeta Herêma Kurdistanê gelekî zêde bûye.

PUKMEDIA