Roja zimanê dayîkê ya Navnetewî pîroz be

Zimanê dayîk yek ji pîvanên herî girîng ê netewa û gelên cîhanê ye. Îro jî ew roj bi roja zimanê zikmakî an jî ê dayîkê tê nasandin û ev yek ji aliyê encûmena neteweyên yekbûyî ve bi fermî hatiye nasandin ku di hemû salekê de û di 21ê Şubatê de, Roja Zimanê Dayîk ya Navnetewî tê pîroz kirin.
Werin em gotinên dîrokî yê Mîr Celadet Bedirxan, ku di kovara Hawarê de,di hejmara (40) sala /1942 li bajarê Şam hatibû weşandin bişpînin.
((Heçî em Kurd, me ziman, me zimanekî delal heye û em pê diaxivin, piranîya me ji vî zimanî pêve bi çi zimanî nizanin. Bi tenê divêt em hînî xwendin û nivîsandina zimanê xwe bibin.

Îro hînbûna xwendin û nivîsandina zimanê zikmakî ji bo her miletî êdî ne erkeke kesayetî ye, lê erkeke milî ye jî, heçî bi vê wezîfê ranebûne, wezîfa xwe a milî pêkve neanîbe, bi kêrî miletê xwe nehatine ji bo ko mirov bikare  xwe ji miletekî bihesibîne  divêt bi kêrî wî bêt..)).
((Heyf û xebînet û hezar mixabin, nemaze ji wan ra ko bi zimanên din dizanin bixwînin û binivîsînin û alfabêya zimanê xwe hêç nas nakin).
- Heçî em Kurd, me zimanekî delal heye û em pê diaxifin, piraniya me ji vî zimanî pê ve bi tu zimanî nizanin))
Mîr Celadet Bedirxan..

PUKmedia