Bersiva Êzidiyan bo peyvdarê binavê PDKê
Cînosayd 08:27 PM - 2020-11-22.
Bersiva hejmarek kesayetiyên rewşenbîr, çalakvan û kesayetiyên ola Êzidî li Herêma Kurdistanê, Iraq û cîhanê bo peyvdarê binavê PDKê.
Ev bersiv wek çawa ji PUKmedia`yê re hatiye şandin bi heman awayî ji xwendevan û şopênerên PUKmedia`yê re diweşîn in...
Birayên Rêzdar
Çawa ku hûn agadarin nêzîkî du mehan e Babe Şêx (Xirto Hecî Îsmaîl) serokê Civata Rohaniya Êzidyan wexera dawiyê kirye, ligor urfên ola Êzidiyan pêwîst e di demeka kurt de Babe Şêxê nû bê destnîşankirin, ew jî bi mîkanîzim û urfa Êzidiyan! lê mixabin Babe Şêxê nû li derveyî xwest û viya Êzidyan û urf û nerîtên wan di civîneka girtî û bê pişikdariya Êzidîyan tenê bi pişikdariya berbjarê daxwazkirî û hejmarek Êzidiyên girêdayî PDKê û li derveyî her urfek û xwesta Êzisiyên navxwe û derve, Babe Şêx hat destnîşankirin! netenê hajî pirsê nebûn, çi agahiyeka wan li awayê diyarkirina Babe Şêx nebû, yaku ji aliyê Êzidiyan ve nayê qebûlkirin,
Xwedî Hazim Tehsîn Beg, li derveyî xwesta Êzidiyan di çarçoveya xwesta PDKê de wekî mîr hat sepandin.
Bi zelalî diyare kesekî şikestxwariye di birêvebirina posta mîrê Êzidiyan de, bi vê yekê jî, çawa mafê wî yê destnîşanbûnê wekî serokê Civata Rohanya Êzidîyan heye, bê rêzgirtinê ji vîna piranya Êzidîyan!?
Di demekê de ku em dijayetiya xwe li hember vê piroseya neasayî û biguman dubare dikin, piştrastin jî, ew biryar ligor xwesta Êzidîyan nine, hevdem Êzidî rê nadin careka din PDK û çi hizbeka din çarenivîsa olî û siyasiya wan diyar bike û bibin qurbanyê qorikariya siyasî û paşeroja wan bê sipartin bi qederê û mamile bi çarenivîsa wan bê kirin, ku di rojên teng û nehametiyan de bên bifrotin û tenê hîştin.
Xuşk û Birayên Ezîz
Di demekê de ku em libenda helwêsta nû ya serkirdayetiya PDKê bûn، li hember destwerdan di karûbarê navxwe û rêznegirtinê ji pîroziyên Êzidiyan, çêkirina bêtfaqî di nav mala Êzdiyan bi pîlana PDKê, xelkê bêtawanê Şingalê tên firotin, li şûna daxwaza lêbihurînê û rakirina berpirsyariya ser milê xwe, peyvdarê fermiyê PDKê, di daxuyaniyeka hûnayî de, bo yasayî kirina wî karê nerewa, lewma me bi pêwîst zanî vê daxuyaniyê bevbikin.
Çawa ku me pêştir bal kişand ser, PDKê û dezgehê stixbarat wê her ji dema wexera dawiya mîr Tehsîn Beg û Babe Şêx serokê Civata Rohaniya Êzidiyan rasterast dest xistiya nav karûbarê Êzidiyan û tevahia urf û nerîtên wan yên olî bp piştgyxistinê, û dûr ji haydarî û rênîşandayîna kesayetî û zilamên olî yên Êzidiyan, posta mîrê Êzidiyan û Babe Şêx bi merema xwe ya tayebet û bi gendeliya xwe pir dikin, çimkî bi rêzgirtinkê bi vî awayî ji maf û azadiyên Êzidiyan, behayên wan bin pê dike û bê tifaqî û fitneyê di nav mala wan di çêdike.
Di demekê de ku wekî Êzidî em libenda roleka îcab û helwêsteka mirovane bû ji PDKê lihember nehametiyên Şingalê û Êzidiyan, lê mixabin qorixkirina ola Êzidiyan û doza wan ya rewa bo projeyeka teng ya hizbî berdewam e, ew jî di çarçevaya pîlaneka pêşde amadekirî de, ku bo jinav birina nasnameya aoliya Êzidiyan e.
Çêdibe peyvdarê PDKê haydarî pîlanên nihêniyên stixbaratî nebe, lewma daxuyaniyeka bi vê rengî belav dike.
Bo xelkê Herêma Kurdstan, Iraq û tevahiya Êzidiyan bi zelalî diyar e PDKê piştî piroseya rizgarkirina Îraqê ji sala 2003-an, dest bi siyaseta gef û xirabkirina Êzidiyên bêtawan kiriye, bi taybet jî piştî radest kirina Êzidiyan li Şingalê li 3/8/2014-an, herwisa tekez dikin dest werdan li karûbarê olî û civakiya Êzidiyan û mamile kirina bi wan re bi siyaseta tirsandin û birçîkirinê, parek ji siyaseta teng û nenîştimaniya hizbekê ye, ya ku bo me cihê heyrmanê ye, piraniya şêwirmand û cibcîkarên pilanên wan, berpirsên mefrezeyên Ebû Faris El-Hemdanî wate mefrezeyên stixbarata rjîma Beesa herifî ne, ku merema wan jinavbirina pîroziyên civakî û oliyên me ye.
Xuşik û birayên me yên berxwedêr li Şingalê,
Êzidiyên bêtawan li kempên Herêma Kurdstanê,
Xelkê bêdeshilatê navçeya welatê Şêx,
Berxwedêrên êzidî li Rojava û Başûrê Kurdistanê,
Berxwedêr yên li Corciya, Ermîniya û welatên Sovyêta kevn, Êzidiyên xerîbyê li Ewropa, Emrîka, Keneda û Ustralya,
Nasnameya oliya me, perstgeh, mafên û giştî eşkere û rasterast bi metirsiya jnavbirin û qorixkirin û firotnê re rû bi rû ne.
Li hember tevahiya van xedir, destdirêjî, çewsandin û bêrêzîkirinan, bêdengiya serokomar û serokwezîr û serokê parlemana Iraqê, serokatiya Herêma Kurdistanê, parleman û hizbên Kurdistanî û rêxistinên sivîl cihê heyrmayîn û dilgiranyê ye.
Lewma dema wê yekê hatye, wekî Êzidî em xwe rêkbixin, berpirsyariya olî, dîrokî û miroviya ser milê meye ye, tenê bi rêxistina rêzên xwe, dikarin lihember hemî astengiyan bisekinin û bervaniyê ji mafên xwe yên rewa bikin û dubare tifaq û aşitiyê ava bikin û ruhê bihevre jiyanê di nav tevahiya pêkhateyên resen yên welat de kûr bikin, hevdem bi riya yasayê tevahiya hewl û bizavên xwe dixinkar bo bervanîkirinê ji nasname û doza me ya rewa.
Hejmarek kesayetiyên rewşenbîr, çalakvan û kesayetiyên ola Êzidî li Herêma Kurdistanê, Iraq û cîhanê
PUKmedia
hewal ziyatr
-
Partiya Zehmetkêşan: Helwestên YNKê bi nirx in
05:27 PM - 2024-05-13 -
73 hejmara heftaneya dîjîtal a Îngilîzî hat weşandin
09:35 AM - 2024-05-12 -
Emê bibin alîkar ku peywendiyên Kurdistanê û Iraqê bihêztir bibin
02:15 AM - 2024-05-12 -
Xanima Yekem: Desteserkirina mafên her welatiyekî dijberî xwezaya civakê ye
11:48 AM - 2024-05-11
zêdetir tamaşe bike
Qubad Talebanî: Pirsgirêka mûçe hat çareserkirin
02:10 PM - 2024-05-13
Cîbicîkirina biryarên Dadgeha Federal dibe merc bo şandina mûçe
02:00 PM - 2024-05-13
Serok Komarê tekezî li ser pêwîstiya parastina çavkaniyên avê ji qirêjiyê dike
01:51 PM - 2024-05-12
Serok Bafil: di rêvebirina welat de bi hevkariyeke rasteqînî bawer in
06:33 PM - 2024-05-11
zortrin xwendraw
-
Qubad Talebanî: Pirsgirêka mûçe hat çareserkirin
Kurdistan 02:10 PM - 2024-05-13 -
Cîbicîkirina biryarên Dadgeha Federal dibe merc bo şandina mûçe
Kurdistan 02:00 PM - 2024-05-13 -
Partiya Zehmetkêşan: Helwestên YNKê bi nirx in
Kurdistan 05:27 PM - 2024-05-13 -
Hêzên Asayîşê li Silêmaniyê ' Dûpişk' girtin
Kurdistan 05:11 PM - 2024-05-13