Platformek ji jinên her çar parçeyên Kurdistanê hat ragihadin

Hevseroka KCD li gel hejmarek nûnerên partiyên bakûr serdana parlemana Kurdistanê kirin.

Hevseroka Kongireya Civaka Demokratîk KCD`ê Selma Irmak ragihand ku,  wan bi mebesta agahdarbûn û hevkarîkirina di navbera wan de li ser pirsa Şengalê û keç û jinên Êzîdî ên hatine revandinê platformek ji jinên her çar parçeyan pêk aniye û serdana parlemana Kurdistanê kirine.

Di kongireyekî rojnamevanî de jî seroka parastina mafê jinan ragihand: Çendîn jinên Êzîdî ji aliyê çeteyên DAIŞ ve hatin kole kirinê.
Hevseroka KCD jî ragihand: Me platformek ji jinên her çar parçeyan Kurdistanê pêk aniye.

Seroka parastina mafê jinan Îvar Îbrahîm ragihand: Mebesta wê serdanê sebaret bi pirsa dopsya jinên Şengalê ye mixabin hejmarek zor ji keç û jinên Şengalê ji aliyê grupa terorîstî DAIŞ ve hatine revandinê û hatine kole kirin û emê di wê derbarê de civînên berfereh encam bidin.

Ji aliyê xwe  ve jî Hevseroka KCD Selma Irmak ragihand: Birîna me jinan birînek kûre û em dixwazin bi rêya kar û xebata hevbeş li gel zilaman wê birînê derman bikin. Jinên her çar parçeyên Kurdistanê destê xwe bixin destê hev ji bo rizgarkirina jinên Kurd bi taybetî jî ewên li jêr destê DAIŞ de ne. her weha dengên wan bighînin hemû dunyayê , her ji bo wê jî îro em li başûrê Kurdistanê û em hatine parlemanê. Her ji bo wê mebewstê jî me platformek ku ji jinên her çar parşeyên Kurdistanê pêk hatiye ragihandiye û em kar li ser dikin.

Irmak got: Emê serdana Şengalê û penaberan bikin û ji nêzîk ve çavê me wê li jin û keçên li jêr destê DAIŞ hatine rizgar kirin dê bikeve.

Îro 18/2/2015 bi serokayetiya seroka lijneya parastina mafê jinan û bi amadebûna hejmarek li endamên lijne û rawêjkarên lijneyê li hola parlemanê pêşwazî li hevseroka KCD Selma Irmak û endama berê ya parlemana Ewrupa Feleknas Uce, Fatme Gul, Sabiye Turak, Şûkran Dukma û Şîlan Emîn hate kirin û piştre jî civînek saz kirin.

PUKmedia