Kobanê şer û pevçûnên dijwar birêve diçin û DAIŞ rastî ziyaneke mezin hat

Kobanê şer û pevçûnên dijwar birêve diçin

Navenda ragihanda Yekîneyên Parastina Gel  YPG`ê îro sêşemê 6 / 1/ 2015`e ragihand ku li bajarê Kobanê û bi teybet li eniya rojhilat şer û pevçûnên dijwar di navbera hêzên YPG`ê û çekdarên DAIŞ de birêve çûn, di encamê de 2 tankên çeteyan hatine rûxandin.

Navenda YPG`ê bi beyannameyekê ku wêneyek jê hate ber destê PUKmedia ragihand: Hêzên çete bi çekên giran û tankan êriş anîn ser bi eniya rojhilat a Kobanê, şer û pevçûnên dijwar li seranserî eniya ji Kaniya Kurdan ve ta aliyê rojhilat ji girê Miştenûr  birêve çûn. Her wiha da xuya kirin ku komên çete bajarê Kobanê bi mûşekên Girad û topên hawan topbaran kirin.

YPG`ê da xuya kirin ku di encama pevçûnan de gelek terorîstên DAIŞ hatine kuştin û hejmarek ji maşînên giran ên çete bi kar tînin hatine rûxandin.

PUKmedia / Teybet