روسیا.. هاووڵاتیانی مه‌ده‌نیمان نه‌كردۆته‌ ئامانج

هێرشه‌كانی روسیا له‌ سوریا

روسیا ره‌تیده‌كاته‌وه‌ له‌ هێرشه‌كانیدا له‌ سوریا هاووڵاتیانی مه‌ده‌نی كردبێته‌ ئامانج.

ئه‌مڕۆ 13-2-2016، دیمتری میدڤیدیڤ سه‌رۆك وه‌زیه‌رانی روسیا له‌ كۆنگره‌ی ئاسایشی میونخ  رایگه‌یاند: هێرشه‌كانمان له‌ سوریا ته‌نها بۆ سه‌ر مۆڵگه‌و باره‌گاكانی رێكخراوی تیرۆرستی داعش بووه‌ و به‌هیچ شێوه‌یه‌ك هێرشمان نه‌كردۆته‌ سه‌ر هاووڵاتیانی مه‌ده‌نی.

وتیشی: پێش ده‌ستپێكردنی هێرشه‌كانمان له‌ رێگه‌ی زانیاری هه‌واڵگری ورده‌وه‌ كار ده‌كه‌ین بۆ دیاریكردنی ئامانجه‌كانمان، دواتر هێرشه‌كانمان ده‌ستپێده‌كه‌ین ئه‌مه‌ش له‌ پێناوی ئه‌وه‌ی هاووڵاتیانی مه‌ده‌نی پارێزراوبن.

سه‌رۆك وه‌زیرانی روسیا راشیگه‌یاند: تیرۆرستان هاووڵاتیانی مه‌ده‌نی وه‌ك قه‌ڵغانی مرۆیی به‌كارده‌هێنن و ئه‌گه‌ر له‌ هێرشه‌كاندا هاووڵاتیانی مه‌ده‌نی به‌ركه‌وتبن ئه‌وانه‌ تیرۆرستانه‌ لێی به‌رپرسیارن.

 جێگای باسه‌ پشتر فه‌ره‌نسا داوای له‌ روسیا كردبوو له‌هێرشه‌كانی بۆسه‌ر تیرۆرستان له‌ سوریا هاووڵاتیانی مه‌ده‌نی نه‌كاته‌ ئامانج.

PUKmedia ئاژانسه‌كان