كۆبانێ .. بۆ یه‌كه‌مجار له‌مێژوودا به‌زمانی كوردی ده‌خوێندرێت

دوای سه‌دان ساڵ

بۆیه‌كه‌مجار له‌كۆبانێ به‌زمانی كوردی وانه‌ ده‌وترێته‌وه‌و مه‌نهه‌جی خوێندنگاكان ده‌كرێنه‌ زمانی كوردی . 

به‌پێی وته‌ی سه‌رچاوه‌یه‌كی ئیداری كانتۆنی كۆبانێ ، دوێنێ یه‌ك شه‌ممه‌ به‌به‌شداری زیاتر له‌ دوو هه‌زار خوێندكار ده‌رگای خوێندنگاكانی كانتۆنی كۆبانێ به‌رووی خوێندكاراندا كرایه‌وه‌ . 

وتیشی: بۆ یه‌كه‌مجار له‌مێژووی كۆبانێدا وانه‌ به‌زمانی كوردی ده‌وترێته‌وه‌و ئه‌مه‌ش خۆشحاڵیه‌كی زۆری له‌لای خه‌ڵكیدا لێكه‌وتووه‌ته‌وه‌.

رونیشكرده‌وه‌: كۆبانێ ده‌یان و سه‌دان ساڵه‌ له‌لایه‌ن نه‌یاره‌كانی كورده‌وه‌ خه‌ڵكه‌كه‌ی ده‌چه‌وسێنرێنه‌وه‌، به‌ڵام سه‌ركه‌وتنه‌كانی شه‌ڕڤانان و دامه‌زراندن ئیداره‌یه‌كی به‌هێز ئه‌م ئازادییه‌ی هێناوه‌ته‌ كایه‌وه‌و خه‌ڵكی رۆژ به‌رۆژ ده‌گه‌ڕێنه‌وه‌ سه‌ر رێچكه‌ی باوباپیرانیان كه‌ كوردبوونه‌ . 

PUKmedia   سامان یاروه‌یس