خورماتوو.. ته‌قینه‌وه‌یه‌ك شه‌هیدو برینداری لێكه‌وته‌وه‌

10 شه‌هیدو برینداری لێكه‌وته‌وه‌

ته‌قینه‌وه‌ی بۆمبێكی چێنراو له‌ قه‌زای خورماتوو 10 شه‌هیدو برینداری لێكه‌وته‌وه‌.

سه‌رچاوه‌یه‌ك له‌ پۆلیسی خورماتوو به‌ PUKmedia ی راگه‌یاند: ئێواره‌ی ئه‌مڕۆ 5-7-2015، بۆمبێكی چێنراو له‌به‌رده‌م كارگه‌یه‌كی بلۆك له‌ قه‌زای خورماتوو ته‌قیوه‌ته‌وه‌و به‌هۆیه‌وه‌ 2 هاووڵاتی مه‌ده‌نی شه‌هید بوون و 8 ی تریش برینداربوون.

وتیشی: به‌هۆی سه‌ختی برینه‌كانیانه‌وه‌، برینداره‌كان ره‌وانه‌ی نه‌خۆشخانه‌ی كه‌ركوك كراون.

ئه‌و سه‌رچاوه‌یه‌ ئاماژه‌ی به‌وه‌شداوه‌، هه‌ردوای ته‌قینه‌وه‌كه‌ هێزه‌ ئه‌منییه‌كان كۆنتڕۆڵی ناوچه‌كه‌یان كردوه‌و له‌ ئێستاشدا لێكۆڵینه‌وه‌ له‌ رووداوه‌كه‌ ده‌ستی پێكردوه‌.

PUKmedia ریڤان گه‌رمیانی- خورماتوو