دهوك.. روژه‌ك بو پاقژكرنا پارێزگه‌هێ هاته‌ ده‌ست نیشانكرن

روژه‌ك بو پاقژكرنا پارێزگه‌هێ هاته‌ ده‌ست نیشانكرن

پارێزگه‌ها دهوكێ دگه‌ل رێڤه‌به‌ریا گشتی یا باژێرڤانیا و سه‌روكاتیا باژێرڤانیا دهوك و رێڤه‌به‌ریا گشتی یا گه‌شت و گوزارێ ل دهوكێ  بو هه‌وا پاقژكرنا سه‌رانسه‌ری پارێزگه‌هێ روژه‌ك ده‌ست نیشان كر.

فه‌رهاد ئه‌تروشی پارێزگارێ دهوكێ دكونگره‌یه‌كێ روژنامه‌ڤانی دا راگه‌هاند: لیژنه‌كا تایبه‌ت بو ڤێ مه‌به‌ستێ هاتیه‌ پێك ئینان كو دوو تشتێن سه‌ره‌كی پێڤه‌ گرێداینه‌ ئێك گریدای كارگێرییا پارێزگه‌هێ یه‌ وكارێ دی گرێدای ده‌زگایێن میدیایێ یه‌ ب هه‌می ره‌نگێن وێڤه‌ و بابه‌ت ژی گرێدای پاقژكرنا پارێزگه‌هێ یه‌.

گوتژی: ل هه‌یڤا ئادارێ خه‌لكێ مه‌ گه‌له‌ك قه‌ستا سه‌یرانا دكه‌ن و جهێن ڤه‌ده‌ر و كێشه‌كا مه‌زن دگه‌ل گه‌شت و گوزارێ و باژێرڤانیا یا هه‌ی له‌وما مه‌دڤیت ئه‌ڤه‌ ببیته‌ دیارده‌كا سالانه‌ هه‌ر سال روژه‌ك ل پارێزگه‌ها دهوكێ بهێته‌ ده‌ست نیشانكرن ژبو هه‌وا پاقژیێ.

پارێزگه‌رێ دهوكێ دیاركر ژی : هه‌ر ئێك ژمه‌ ژلایێ خوڤه‌ باژێرێ و ژینگه‌ها خو پاقژ ب پارێزین و نه‌بتنێ جادێن گشتی به‌لكی جهێن كاری و  هه‌می جهه‌كی و ڤێ پاقژ راگرتنێ مفایه‌كێ  مه‌زن یێ تاكه‌ كه‌سی و جڤاكی ژی تێدا هه‌یه‌.

ناڤبری ئاشكه‌راكر و گوت: مه‌ دڤیت ئه‌ڤ روژه‌ ببیته‌ روژا پاقژكرنا دهوكێ سالانه‌ ل 9/3هاته‌ ده‌ست نیشان كرن و نه‌بتنێ بو روژه‌كێ به‌لكی بو ماوێ هه‌فتیه‌كێ به‌رده‌وام.

PUKmedia نـژیـار نـێـروه‌یـی ـ دهـوك