رۆژی ئاڵای كوردستان به‌رز راگیرا

له‌ سه‌رتاسه‌ری هه‌رێمی كوردستان ئه‌و یاده‌ به‌رز راگیرا

ئه‌مڕۆ 17-12-2014، رۆژی ئاڵای پیرۆزی كوردستان له‌ سه‌رتاسه‌ری هه‌رێمی كوردستان به‌رز راگیرا.

به‌و بۆنه‌ نه‌ته‌وه‌یه‌شه‌وه‌ به‌شێك له‌ فه‌رمانبه‌ران و خوێندكاران به‌ جلوبه‌رگی كوردیه‌وه‌ ده‌وامیان كردو ئه‌و یاده‌یان به‌رز راگرت.

هه‌روه‌ها ئه‌مڕۆ له‌ ته‌واوی ناوه‌نده‌كانی خوێندن له‌گه‌ڵ وتنه‌وه‌ی سرودی نیشتمانی ئه‌ی ره‌قیب، ئاڵای كوردستان به‌رز كرایه‌وه‌.

جێی باسه‌ پێشتر له‌لایه‌ن په‌رله‌مانی كوردستانه‌وه‌، رۆژی 17-12ی هه‌موو ساڵێك وه‌ك رۆژی ئاڵای پیرۆزی كوردستان دیاریكراوه‌و له‌م رۆژه‌دا له‌ سه‌رتاسه‌ری هه‌رێمی كوردستان رێز له‌و یاده‌ نه‌ته‌وه‌ییه‌ ده‌گیرێت.

PUKmedia  تایبه‌ت