له‌م ناوچه‌یه‌ش پێشمه‌رگه‌ داعشی تێكشكاند

له‌ په‌لاماره‌كه‌ی تیرۆرستاندا هێزی پێشمه‌رگه‌ هیچ زیانێكیان به‌رنه‌كه‌وتووه‌

به‌ره‌به‌یانی ئه‌مڕۆ 26-11-2014 هێزه‌كانی پێشمه‌رگه‌ له‌ گوندێكی سه‌ربه‌ قه‌زای قه‌ره‌ته‌په‌ په‌لامارێكی تیرۆرستانی داعشیان تێكشكاند.

له‌وباره‌یه‌وه‌ عه‌قید جه‌لال شوانی فه‌رمانده‌ی هێزه‌كانی پێشمه‌رگه‌ له‌ ناوچه‌كه‌ به‌ PUKmedia ی راگه‌یاند: سه‌عات 6:30 ی به‌ره‌بیانی ئه‌مڕۆ تیرۆرستانی داعش په‌لاماری هێزه‌كانی پێشمه‌رگه‌یان له‌ گوندی فه‌ریقی سه‌ربه‌ قه‌زای داقوق دا، به‌ڵام له‌لایه‌ن هێزه‌كانی پێشمه‌رگه‌وه‌ به‌توندی وه‌ڵامدرانه‌وه‌و په‌لاماره‌كه‌یان تێكشكێندرا.

وتیشی: خۆشبه‌ختانه‌ له‌ په‌لاماره‌كه‌ی تیرۆرستاندا هێزی پێشمه‌رگه‌ هیچ زیانێكیان به‌رنه‌كه‌وتووه‌و به‌پێی زانیاریه‌كان تیرۆرستان ژماره‌یه‌ك كوژراو برینداریان هه‌یه‌، به‌ڵام به‌ته‌واوه‌تی ئاماره‌كان نه‌زانراوه‌.

PUKmedia ریـڤان گــه‌رمیانی