سوید..ههڵبژاردن بۆ ههرسێ دهسهڵاتی پهرلهمان ئهنجامدرا
kurdistani 04:05 PM - 2014-09-15لهم ههڵبژاردنهدا هیچ حزبێك بهتهنها ناتوانێت حكومهت دروستبكات
رۆژی 14-9-2014 له سهرتاسهری وڵاتی سوید ههڵبژاردن بۆ ههرسێ دهسهڵاتی پهرلهمانی وڵات و ههرێمهكان و شارهوانییهكان ئهنجامدرا.
دوای ئهوهی له سهعات 8:00ی بهیانییهوه تا 8:00ی شهو بهردهوامبوو، ئهوهی تێبینی دهكرا ئهوه بوو كه بنكهكانی دهنگدان له ئهمساڵدا به بهراورد لهگهڵ ههڵبژاردنهكانی تر گهرموگوڕتر بوو، وهك ئهوهی سویدیهكان بڕیاری گۆڕانكاری گهورهیان دابێت له دهسهڵاتدا.
پاش تهواوبوونی پرۆسهی دهنگدان، پارتی سۆسیال دیموكرات له ئێواره ئاههنگێكدا زیاتر له 1500 ئهندام و میوانی بانگهێشت كرد كه وهفدی یهكێتیی نیشتمانیی كوردستانیش یهكێكبوون لهو میوانانهو بهشداری بانگهشهی ههڵبژاردنیان بۆ كردوون و ماڵ بهماڵ لهگهڵ كاندیدهكانیان دهگهڕان، وهك وهفایهك بۆ ههڵوێستی ئهوان كه له ههڵبژاردنی پهرلهمانی مانگی نیسانی رابردوودا بهشداری بانگهشهی ههڵبژاردنیان بۆ لیستی یهكێتی كرد له سویدو له كوردستانیش.
ههرچهنده ههر له سهرهتاوه پێشبینی ئهوه دهكرا كه سۆسیال دیموكرات براوهی لیستهكان دهبێت، بۆیه ههر له سهرهتای جیاكردنهوهی دهنگهكان، لیستی سۆسیال دیموكرات سات لهدوای سات دهنگهكانی زیاد دهبوو، تا گهیشته 31.1% و مۆدهرات گهیشته 23.2%، ئهمه جگه له دهنگی سهفارات و كونسوڵگهرییهكانی دهرهوهی وڵاتی سوید كه پێشبینیدهكرێت تا كۆتایی ههفته تهواو ببێت.
پاش تهواوبوونی جیاكردنهوهی دهنگهكان له سهنتهری ههڵبژاردن و ریفراندۆمی سویدهوه ههریهك له سهرۆكی پارتهكان وتاری خۆی پێشكهشكرد، ئهوهی كه زیاتر سویدیهكان مهبهستیان بوو وتارهكهی سهرۆكی مۆدهرات بوو، كه پارتهكهی ماوهی 8 ساڵه به هاوپهیمانی لهگهڵ راستڕهوهكان حوكمی سوید دهكهن، سهرۆكی ئهو پارته دوای داننان به شكستی حزبهكهیدا وتی: ههر له سبهینێوه من دهست لهكاردهكێشمهوهو دهستبهرداری دهسهڵات دهبم، هیوادارم سۆسیال دیموكراتهكان ئیدارهی وڵات بدهن.
پاشان ههریهك له سهرۆكی پارتهكانی ژینگهو چهپ و توندڕهوهكان و فیمینیستهكان و سهنتهر پارتی وتاری خۆیان پێشكهشكرد، تا له كۆتاییدا ستیفن لۆڤین سهرۆكی پارتی سۆسیال دیموكرات وتهیهكی پێشكهشكرد كه سهرنجی ههموو لایهكی راكێشا، ئهوهش وهك پهیامێك بۆ پارتی توندڕهوهكان كه تیایدا ئاماژهی بهوهدا له سبهینێوه حكومهت دروستدهكات و دهستی هاوپهیمانی بۆ ههریهك له پارتی ژینگهو چهپ و فیمینیستهكان درێژدهكهین بۆ پێكهێنانی حكومهت، بهڵام ههرگیز هاوكارو هاوپهیمانی توندڕهوهكان نابین، بهپێچهوانهوه بۆ ژن دهبین به پشتیوان و بۆ ههموو سویدیهكانیش ژیانێكی ئارام و دوور له سیاسهتی رهگهزپهرستی پیاده دهكهین و سوید بۆ ههموو كهسێك سهوز دهكهین و ههموو مرۆڤێك له سوید دڵ پڕهیوا دهكهین.
جێی باسه، لهم ههڵبژاردنهدا هیچ حزبێك بهتهنها ناتوانێت حكومهت دروستبكات، بهڵكو دهبێت حزبی براوه كه سۆسیال دیموكراته داوای هاوپهیمانی بكات، ئهوهی كه چاوهڕواندهكرێت سۆسیال دیموكرات لهگهڵ ژینگه یان چهپ یان فیمینیست كه بۆ یهكهمجاره بهشداری پرۆسهی ههڵبژاردن دهكات، هاوپهیمانی بكات، كهواته سیستمی سیاسی وڵات له بلۆكی راستڕهوهوه دهگوازرێتهوه بۆ بلۆكی چهپهكان به سهرپهرشتی سۆسیال دیموكراتهكان، ههروهها سهرجهم پهناههندهكان لهم ههڵبژاردنهدا له دڵهڕاوكێدا دهژیان ئهویش بههۆی زیادبوونی رێژهی پارتی توندڕهوهكانهوه كه دژایهتیكردنی پهناههنده له بهرنامه سهرهكییهكانیانه، بۆیه سۆسیال دیموكرات ئهو دڵهڕاوكێیهی لای پهناههنده رهواندهوه وتی "سوید وڵاتی ههموومانه".
PUKmedia تایبهت
هەواڵی زیاتر
-
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26 -
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25
ئەمانەش ببینە
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
08:58 PM - 2024-04-26
سەرۆک بافڵ: خوێندکاران رۆحی ئەم کۆمەڵگەیەن
06:58 PM - 2024-04-26
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
09:59 AM - 2024-04-26
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
زۆرترین خوێنراو
-
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
کوردستان 09:51 PM - 2024-04-26 -
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
کوردستان 08:58 PM - 2024-04-26 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
کوردستان 07:59 PM - 2024-04-26 -
سەرۆک بافڵ: خوێندکاران رۆحی ئەم کۆمەڵگەیەن
کوردستان 06:58 PM - 2024-04-26 -
هاوخەمی قوباد تاڵەبانی بۆ کۆچی دوایی ئەیوب محەمەد
پرسەنامە 12:33 PM - 2024-04-26 -
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26