بۆردومانی فڕۆكەكانی عیراق 15 شەهیدو برینداری لێكەوتەوە

ناوچەی بۆردومانەكە لەژێر دەستی داعشدایە

فڕۆكە جەنگییەكانی سوپای عیراق بۆردومانی هەردوو گوندی غێدەو وەسیم دەرب و پردی مەیدانی سەر بەقەزای داقوقیان كردو لەئەنجامدا 15 شەهیدو برینداری لێكەوتەوە.

لەوبارەیەوە عەمید كاوە غەریب بەڕێوەبەری پۆلیسی قەزای داقوق بە PUKmediaی راگەیاند: ئێوارەی ئەمڕۆ 2014/8/1 فڕۆكە جەنگییەكانی سوپای عیراق بۆردومانی هەردوو گوندی غێدەو وەسیم دەرب و پردی مەیدانی رۆژئاوای قەزای داقوقیان كردوە كە 25كم لەناوەندی قەزاكەوە دورن.

وتیشی: ئەو ناوچەیەی لەلایەن فڕۆكە جەنگییەكانەوە بۆردومانكراوە لەژێر دەستی تیرۆریستانی داعشدایە، لەئەنجامی ئەو بۆردومانەشدا شەش هاووڵاتی شەهید بوون و نۆی تریش برینداربوون و بۆ چارەسەركردنیان رەوانەی نەخۆشخانەی داقوق كراون.

PUKmedia عومەر غەریب – كەركوك