فازڵ میرانی: پۆستی سه‌رۆك كۆمارمان ده‌وێت

.

سكرتێری پارتی دیموكراتی كوردستان ده‌ڵێت پۆستی سه‌رۆك كۆمار زۆر گرنگه‌.

به‌ر له‌ سه‌ردانه‌كه‌یان بۆ به‌غدا فازل میرانی سه‌رۆكی وه‌فدی پارتی بۆ به‌غدا ڕایگه‌یاند: پۆستی سه‌رۆك كۆمار بۆ كورد گرنگه‌ و پۆستی سه‌رۆك كۆماریان ده‌وێت.
 وتیشی له‌ به‌غدا له‌گه‌ڵ لایه‌نه‌ براوه‌كان، موقته‌سه‌در، ئاغای مالكی ، ئاغای عه‌بادی، ئاغای حه‌كیم، ئاغای نوجێفی كۆده‌بینه‌وه‌ و گفتوگۆ باره‌ی پێكهێنانی حكومه‌تی عیراق ده‌كه‌ین.

سه‌رۆكی وه‌فده‌كه‌ی پارتی بۆ به‌غدا ئاماژه‌ی به‌وه‌شكرد كه‌ سه‌رۆك كۆمار ڕه‌مزی عیراقه‌ و ده‌بیت بۆ كورد بێت، چونكه‌ پۆستی سه‌رۆك وه‌زیران به‌ كورد ناده‌ن و سه‌رۆكی په‌رله‌مانیش ده‌بێت فراكسیۆنی گه‌وره‌ی له‌ پشت بێت هه‌تا به‌ كورد بدرێت.

PUKmedia