ئوسترالیا..پێشمەرگە دێرینەكان وێستگەكانی دەنگدانیان بەسەركردەوە

.

پرۆسەی دەنگدان و هەڵبژاردنی ئەنجومەنی نوێنەرایەتی عێراق لە ولاتی ئوسترالیا لە وێستگەی سەرەكی بە سەركەوتوویی بەڕێوەچوو، وەفدێكی كۆمەڵەی پێشمەرگە دێرینەكانیش لە ئوسترالیا وێستگەكانی بەسەركردەوە.

بە مەبەستی دەنگدان و پرۆسەی هەلبژاردنی ئەنجومەنی نوێنەرایەتی عیراق ، رۆژانی 10 و11 ی ئەیاری ساڵی 2018لەپایتەختی ویلایەتی نیوساوس وێلزی شاری سیدنی ، پرۆسەی دەنگدان لە سێ وێستگەی سەرەكی بەرێوەچوو لە ناوچەی( ئۆبن ، فێرفلد ، لیڤرپول).

 بەو بۆنەیەشەوە وەفدێكی كۆمەلەی پێشمەرگە دێرینەكانی كوردستان لە ئوسترالیا كە پێكهاتبوون لە(عەدنان وەلی ، ئەردەلان یاسن ، تاڤگە رائید جەلال نوێنەری پەیوەندیەكانی یەكێتی نیشتمانی كوردستان) سەردانی هەرسێ وێستگەی دەنگدانیان كرد و لە نزیكەوە ئاگاداری رەوشی دەنگدان و پرۆسەی هەلبژاردنی ئەنجومەنی نوێنەرایەتی عیراق بوون.

هەروەها چاویان كەوت بەچەندین كەسایەتی وكارمەندانی پرۆسەی دەنگدان لە هەرسێ وێستگەكەدا و سوپاس وپێزانینی خۆیان ئاراستەی سەرجەم بەشداربووان و دەنگدەرانی رەوەندی كورد لە ئوسترالیا كرد .

PUKmedia پێشمەرگە دێرینەكانی كوردستان لە ئوسترالیا