هێرشەكەی سەر سوریا نرخی نەوت بەرزدەكاتەوە

.

نرخی نەوتی خاو لەبازاڕەكانی جیهان لەگەڵ دەستپێكردنی هێرشە سەربازییەكەی سەر سوریا بەرزبوویەوەو بەرمیلێك نەوتی برێنیش لە 73 دۆلار نزیكدەبێتەوە

بەرەبەیانی ئەمڕۆ 14ی نیسانی 2018، ئەمریكاو فەرەنساو بەریتانیا هێرشی ئاسمانی و موشەكییان بۆ سەر چەند ئامانجێكی رژێمی سوریا دەستپێكرد، هێرشەكەانی بۆ سەر سوریا نرخی نەوتی لەبازاڕە جیهانییەكان بەرزكردەوەو چاودێران پێیانوایە كە ئەو هێرشانەو پشووی هەفتە كاریگەریان لەسەر بەرزبوونەوەی نرخی نەوت دەبێت.

بەپێی دواین نرخی نەوتی خاویسش لەبازاڕەكانی جیهان كە بەرزبوونەوەی بەرچاوەی بەخۆیەوە بینیوە، بەرمیلێك نەوتی خاوی برێنتیش 56 سەنت بەرزبوویەوە هەر بەرمیلێكی بە 72 دۆلارو 58 سەنت مامەڵەی پێوەكراوە.

هەروەها نرخی نەوتی خاوی ئەمریكاش بەهەمان شێوە بەرزبوونەوەی نوێی تۆماركردوەو بەرمیلێك نەوتی رۆژئاوای تەكساس 32 سەنت بەرزبوویەوەو گەیشتە 67 دۆلارو 39  سەنت.

PUKmedia ئاژانسەكان