بەرزترین هونەر

.

بەرزترین هونەر

د.شیركۆ عبدالله‌‌   

× پارەكەمان پارەی ئەلكترۆنی یە كەچی مەسئولەكەمان سەرۆك عەشرەتە.
× درۆ ناتوانێ‌ حەقیقەت بشارێتەوە، تەنها دوای ئەخات. یەعنی رێك وەكو مكیاج.
× ئەوەی وای لە فەرهاد كردووە تەحەمولی دووری شیرین بكات، هەبوونی دووسێ‌ شیرینی ترە.
× هەموو كەسێ‌ بە شێوازی تایبەتی خۆی بێ‌ شعورە.
× ئەگەر ئەتەوێ‌ لە كوردستانا كەس جگەرە نەكێشێ‌ لێ‌ ی بنووسە توانای سێكسی كەم ئەكاتەوە.
× بە زستانم وت بۆچی باران نابارێنی وتی وەكو حكومەت بۆتان پاشەكەوت ئەكەم.
× ئەوەندە نەگبەتم سنەوبەر بوومایە، لە كریسمسدا ئەچوون داری هەرمێ‌ یان ئەڕازاندەوە.
× باوەڕ مەكە حكومەت هەڵوەشێتەوە، ئەوە دیعایەی شیرینیفرۆشەكانە.
× ژن مەهێنە و وەسێت بۆ مناڵەكانیشت بكە ئەوانیش نەیهێنن.
× سیاسەت بەرزترین شێوازی هونەرە، وەك چۆن دزیكردن بەرزترین شێوازی بازرگانی یە.
× گەشبین ئەو دارتاشەیە كە كاتێك دوكانەكەی ئەسووتێ‌ ئەیكات بە دوكانی خەڵوزفرۆشی.