حزبێكی عیراقی داوای دەستپێشخەری لە سەرۆكی یەكێتی دەكات
کوردستان 05:09 PM - 2024-01-30سەرۆک بافڵ
حزبێكی عیراقی داوای دەستپێشخەری نیشتمانیی لە سەرۆك بافڵ
جەلال تاڵەبانی سەرۆكی یەكێتیی نیشتمانیی كوردستان دەكات بۆ " دیالۆگی نیشتمانی
هێزە سیاسییەكانی عیراق" وەكچۆن سەرۆك مام جەلال رۆڵی گرنگی دەگێڕا لەو پێناوەدا،
ئەندامێكی سەركردایەتی یەكێتیش دەڵێت: "كۆمەڵێك مەترسی و كێشە هەڕەشەی راستەقینە
لە عیراق دەكەن، بۆیە رۆڵی گرنگی سەرۆك بافڵ و یەكێتیی نیشتمانیی كوردستان دیار و
بەرچاوە و ئەو حزبە عیراقیەش لەو روانگە و پەرۆشیەوە داوای دەستپێشخەرییەكە دەكات".
ماڵی مام چەتری كۆكەرەوەی بۆچوونە جیاوازەكانە
مەحمود عگێلی ئەمینداری گشتی حزبی ئومەی عیراقی لەڕێی مەڵبەندی
رێكخستنی یەكێتیی نیشتمانیی كوردستانەوە داوای دەستپێشخەری سەرۆك بافڵ دەكات و بۆ
ئەو مەبەستەش سەردانی مەڵبەندەكەی یەكێتیی لە بەغدا دەكات.
رابیحە حەمەد ئەندامی سەركردایەتی و لێپرسراوی مەڵبەندی
بەغدای یەكێتی بە سایتی رەسمی یەكێتیی نیشتمانیی كوردستان PUKMEDIA ی راگەیاند: "لەڕوانگەی ئەو رۆڵە كاریگەریەی
كە سەرۆك مام جەلال پێشتر لە عیراق بینیویەتی و لەئێستاشدا سەرۆك بافڵ لەسەر هەمان
رێباز بەردەوامە، مەحمود عگێلی سەرۆكی حزبی ئومەی عیراقی داوا دەكات كە بافڵ جەلال
تاڵەبانی سەرۆكی یەكێتیی نیشتمانیی كوردستان دەستپێشخەری دیالۆگی نیشتمانی لەپێناو
گەلی عیراق و چارەسەركردنی كێشەكان رابگەیەنێت".
"عیراق لەئێستادا كێشەی ناوخۆیی و دەرەكی
هەیە، لەناوخۆ ناكۆكی لایەنە سیاسییەكان لەلایەك و كێشەكانی نێوان هەرێم و بەغدا لەلایەكی
دیكە، لەسەر ئاستی دەرەوەش پرسی هێزە بیانییەكان و چەندین كێشەی دیكە بەرۆكی عیراقی
گرتووە و لەچوارچێوەی ئەو مەترسیانەشدا داوا لە سەرۆكی یەكێتی دەكرێت وەك رابردوو،
لە ئێستاشدا ماڵەكەی مام لە بەغدا و یەكێتیی ببێتە چەتری كۆكەرەوەی بۆچوونە جیاوازەكان
و چارەسەركردنی كێشەكان"، رابیحە حەمەد وای وت.
یەکێتی هێزێكی كاریگەرە و خوازراوە لای سەرجەم عیراقییەکان
رۆژی 30/1/2024 ئەمینداری گشتی حزبی ئومەی عیراقی بەسەرۆكایەتی
وەفدێكی باڵای مەكتەبی سیاسیی حزبەكەی سەردانی مەڵبەندی یەكێتیی دەكات لە بەغدا و
بەگرنگییەوە باسیان لەرۆڵی كاریگەری سیاسیی سەرۆك و یەكێتیی كرد لە ئێستا و
رابردووشدا لە ناوەندی سیاسیی و بڕیاردان لە عیراق دا، كە هەمیشە رۆڵی نیشتمانیی و
بەرپرسیارێتی باڵا سیاسیی دەگێڕێت و هێزێكی ئاشتیخواز و دەستپێشخەرە بۆ خستنەرووی
چارەسەری ئەو كێشانەی روودەدەن، بۆیە ئەمینداری گشتی حزبی ئومە دەڵێت: "تێپەڕاندنی
چەقبەستوویی سیاسیی لە عیراق و رووبەرووبونەوەی مەترسی و هەرەشە ناوخۆیی و دەرەكییەكان،
پێویستی بە دیالۆگی نیشتمانییە و بۆ ئەو ئەركەش داوا دەكات سەرۆك بافڵ دەستپێشخەری
نیشتمانیی رابگەیەنێت، چونكە یەكێتیی هێزێكی كاریگەرە و خوازراوە لەلایەن تەواوی
حزب و هێزە سیاسییە عیراقییەكان و بگرە لای گەلی عیراقیش".
رابیحە
حەمەد دەڵێت: "ئەو داواكارییەی حزبی ئومەی عیراقی بەنوسراوی رەسمی وەردەگرن و
ئاراستەی سەرۆك بافڵ تاڵەبانی دەكەن". "حزبی ئومەی عیراقی نیگەرانی خۆیان لەبارەی نەناردنی
پشكی هەرێم و راگرتنی مووچەی فەرمانبەران راگەیاند و پرۆژەی دیالۆگی نیشتمانییان بە
چارەسەركردنی كێشەكان زانی تا عیراق بگەیەندرێتە كەنارێكی ئارام، لەم ڕوانگەیەشەوە
سەرۆك بافڵ بە شایستە دەزانن بۆ راگەیاندنی ئەو پڕۆژە نیشتمانییە كە دواجار دەبێتە
خێر و خۆشی بۆ گەلی عیراق". لێپرسراوی مەڵبەندی بەغدای یەكێتیی وادەڵێت.
PUKMEDIA
هەواڵی زیاتر
-
مەکتەبی سکرتارییەت: بەرهەمەکانی مامۆستا ئەنوەر قەرەداغی سەرمایەیەکی بەنرخن
02:00 PM - 2024-05-20 -
قوباد تاڵەبانی: ئێران وڵاتێكی بههێزهو بهسهر ئهم كۆستهدا زاڵ دهبێت
01:13 PM - 2024-05-20 -
سەرۆک بافڵ: دڵمان لای گەل و سەرکردایەتی باڵای ئێرانە
11:38 AM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
10:46 AM - 2024-05-20
ئەمانەش ببینە
کوردستان 02:43 PM - 2024-05-20 رێكخراوی پهیامنێران: لهسهر داوای داواكاری گشتی شاكار ستار دهستگیركراوه
یەکێتی سەرەخۆشی لە کۆماری ئیسلامی ئێران دەکات
10:26 AM - 2024-05-20
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
09:45 PM - 2024-05-19
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
زۆرترین خوێنراو
-
سەرۆککۆماری عیراق: پشتیوانی گەلی ئێرانین لەم بارودۆخە سەختەدا
عیراق 11:35 AM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
جیهان 10:46 AM - 2024-05-20 -
یەکێتی سەرەخۆشی لە کۆماری ئیسلامی ئێران دەکات
ی ن ک 10:26 AM - 2024-05-20 -
دژەتیرۆر پێشوازی لەکەسوکاری سەربەرزی ئەنفالکراوان دەکات
کوردستان 10:07 PM - 2024-05-19 -
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
کوردستان 09:45 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19